23rd March 2019, Saturday

E-budhabar

कर्मचारीहरू झनै खिन्न



काठमाडौं । केही दिनअघि पारित भएको कर्मचारी समायोजन अध्यादेशले प्रदेश र स्थानीय तहमा समायोजन भएर जाने कर्मचारीहरूलाई झनै खिन्न तुल्याएको छ । लामो समयको माथापच्चीपछि कर्मचारी समायोजन अध्यादेश पारित भएसँगै निजामती सेवाका ८९ हजार र स्थानीय निकायका २० हजार कर्मचारीहरू समायोजन हुनेछन् ।
अध्यादेश पारित भएपछि राष्ट्रिय स्तरका करिब ६० प्रतिशत कर्मचारीहरू प्रदेश र स्थानीय स्तरमा नै खुम्चिनुपर्ने भएका छन् । अध्यादेशले स्थानीय र प्रदेश तहमा जाने कर्मचारीहरूको वृत्ति विकासको ढोकासमेत बन्द गरिदिएको छ । स्थानीय तहमा समायोजन भएर जाने कर्मचारीका निम्ति सो तहमा बढुवा हुन सिटको व्यवस्था नरहने भएको हुँदा कर्मचारीहरू खुम्चिन बाध्य हुनुपर्ने देखिन्छ । यद्यपि, अन्तरसेवा प्रतिस्पर्धाद्वारा कर्मचारीहरूलाई संघीय निजामती सेवामा प्रतिस्पर्धा गर्न पाउने बाटो भने अध्यादेशले खुला राखेको हुँदा समायोजन हुने कर्मचारीहरूलाई केही राहत भने मिलेको छ ।
अध्यादेशमा संघको कर्मचारी मात्र प्रदेश प्रमुख र स्थानीय तहको प्रमुख प्रशासकीय अधिकृत हुने व्यवस्था गरिएको छ । प्रदेशलाई प्रदेश प्रमुख र स्थानीय तहलाई प्रमुख प्रशासकीय अधिकृत चयन गर्न रोकेको हुँदा यो अध्यादेश संकीर्ण भएको कर्मचारी वृत्तमा कुरा उठेको छ । स्थानीय सेवा आयोग र प्रदेश लोकसेवा आयोग पास गरेका कर्मचारीहरूले किन प्रदेश र स्थानीय तहको प्रमुख प्रशासकीय अधिकृत हुन नपाउने ? भन्ने प्रश्न अध्यादेश पारित भएसँगै उठ्न पुगेको छ ।
अध्यादेशले प्राविधिकतर्फको उपसचिवभन्दा माथिका कर्मचारी सरुवाबढुवाको ढोकासमेत बन्द गरिदिएको छ । अध्यादेशले प्राविधिक कर्मचारीहरूलाई प्रशासनको कर्मचारीको मातहतमा राखिएको छ । प्रशासनका कनिष्ठ कर्मचारीले समेत प्राविधिक तर्फका वरिष्ठ कर्मचारीलाई कज्याएर राख्नसक्ने भएको हुँदा अध्यादेश पारित भएसँगै प्राविधिक कर्मचारीहरू रुष्ट हुन पुगेका छन् ।

Leave a Reply

Your email address will not be published. Required fields are marked *

... र यो पनि ...

चक्रपथ

चियाका नाममा कार्यकर्ताको ताँती

ShareTweet काठमाडौं । नेपाली चिया तथा कफीको विकास एवं विस्तारका लागि आयोजना भएको एक कार्यक्रममा चिया र कफीसँग सरोकार नै नभएका व्यक्तिहरूले चीन भ्रमण गरेर फजुल खर्च- ...
पूरा पढ्नुहोस्

स्रष्टा र सिर्जना

नयाँ स्वादको खोजी

ShareTweet वैदेशिक रोजगारीमा एकाध वर्ष रमाएर स्वदेशमै फर्की आफ्नै पेशा–व्यवसायमा भिजेका थुप्रै पात्रहरू छन, हामी बाँचिरहेको समाजभित्र । मूलतः वैदेशिक रोजगारीमा- ...
पूरा पढ्नुहोस्

नयाँ पुस्तक

समाचार समिति पत्रकारिता ः नेपाली दस्तावेज

ShareTweet प्रकाश सिलवाल नेपाली पत्रकारिता र साहित्य क्षेत्रमा क्रियाशील÷जुझारु नाम हो । उहाँको पछिल्लो पत्रकारितासम्बन्धी पुस्तक सञ्चार जगत्का लागि नयाँ कोसेलीका- ...
पूरा पढ्नुहोस्

छोटकरीमा