18th June 2019, Tuesday

अध्यक्षको लफडामा अल्मलियो एकता



काठमाठौं । १० प्रतिशत पनि कर्मचारी नभएको पूर्वमाओवादी केन्द्रले निजामती कर्मचारी संगठनमा अध्यक्ष पद पाउनुपर्ने दाबी गरेपछि पूर्वएमाले र माओवादी केन्द्रको निजामती कर्मचारीबीचको एकता प्रक्रिया टाढिँदै गएको छ । निजामती कर्मचारी एकतामा कुरा नमिलेपछि पेसागत महासंघको एकता पनि बिथोलिन पुगेको छ ।
एमाले र माओवादी केन्द्रबीच एकता भएर नेकपा गठन भएपछि ती दुवै पार्टीको जनवर्गीय संगठनबीच तीन महिनाभित्र एकता हुने कुरा पार्टीका शीर्षस्थ नेताहरूले बताएका थिए । कतिपय पेसागत संगठनहरूबीच त एकतासमेत भइसकेको छ । त्यसमा नेपाल विद्युत् प्राधिकरण र इन्जिनियरिङ संगठनबीच एकता भइसकेको छ । इन्जिनियरिङ संगठनबीचको एकताले त नेपाल इन्जिनियरिङ एसोसियनको केही दिनअघि सम्पन्न निर्वाचनमा सकारात्मक प्रभावसमेत पारेको छ र प्रगतिशील समूहका डा. त्रिरत्न बज्राचार्यको नेतृत्वमा चुनावमा विजय हासिल प्राप्त गरेको छ ।
तर, निजामती कर्मचारीबीचको एकता भने अध्यक्षको दाबीको कारण अन्योलमा पर्न पुगेको छ । अहिले पूर्वएमालेनिकट कर्मचारी संगठनको अध्यक्षमा केदारप्रसाद देवकोटा छन् भने पूर्वमाओवादी केन्द्रनिकटको अध्यक्ष हरि रावल छन् । तर, एकता हुँदा देवकोटालाई नदिई रावललाई दिनुपर्ने कुरा उठेपछि एकता प्रक्रिया नै अन्योलमा पर्न पुगेको हो । पूर्वमाओवादी केन्द्रका रावल पक्षले अध्यक्षमा दाबी नछाडेपछि निजामती कर्मचारी संगठनबीचको एकता अनिश्चित बन्न पुगेको हो ।
यसअघि यी दुई संगठनबीच एकता हुँदा ६० र ४० प्रतिशतको आधारमा गर्ने भन्ने टुंगो लागेको थियो । जसमा एमालेले ६० र माओवादी केन्द्रले ४० प्रतिशत पाउने निश्चित भएको थियो । दुवै पार्टीबीच एकता हुँदा जुन प्रक्रिया अपनाइएको थियो, निजामती कर्मचारीमा पनि त्यही प्रक्रिया र आधार अपनाउने टुंगो लागेको थियो । तर, पूर्वमाओवादी केन्द्रका अध्यक्षले एकतापछि संगठनको अध्यक्ष पाउनुपर्ने दाबीसँगै सबै कुरा अलपत्र परेका छन् ।
पूर्वएमालेनिकट कर्मचारी संगठनले भने आधिकारिक ट्रेड युनियनको निर्वाचनलाई आधार मानेर पद बाँडफाँट गर्नुपर्ने कुरा उठाउँदै आएको छ । आधिकारिक ट्रेड युनियनको निर्वाचनमा पूर्वएमालेनिकट निजामती कर्मचारी संगठनले ३६ प्रतिशत ल्याएको थियो । तर, पूर्वमाओवादी केन्द्रनिकट कर्मचारी संगठनले भने १० प्रतिशत पनि कटाउन सकेको थिएन । १० प्रतिशत मत नपु¥याएकै कारण सो संगठन राष्ट्रिय स्तरको टे«ड युनियन बन्नबाट वञ्चित हुन पुगेको थियो । निजामती कर्मचारी ऐनमा १० प्रतिशत मत ल्याउने संगठनले मात्र राष्ट्रिय स्तरको संगठन बन्न पाउने प्रावधान रहेको छ । सो निर्वाचनमा कांग्रेसनिकट संगठनले भने २२ प्रतिशत मत ल्याउन सफल भएको थियो ।
निजामती कर्मचारीको एकता प्रक्रिया रोकिएसँगै पेसागत महासंघको एकताको घोषणा पनि रोकिन पुगेको छ । पेसागत महासंघमा पूर्वएमालेनिकट अध्यक्ष विश्वनाथ प्याकुरेल नै अध्यक्ष हुने गरी एकता हुने कुरा यसअघि नै टुंगिसकेको थियो । त्यसका निम्ति एकताको घोषणा हुने मितिसमेत तय भइसकेको थियो । तर, निजामती कर्मचारीमा भने अध्यक्ष पद छाड्नुपर्ने प्रस्ताव आएपछि भने पेसागत महासंघको एकता पनि रोकिन पुगेको छ ।

 

Leave a Reply

Your email address will not be published. Required fields are marked *

... र यो पनि ...

चक्रपथ

प्रधानमन्त्रीे युरोप भ्रमणमा

ShareTweet काठमाडौ । प्रधानमन्त्री तथा नेकपाका अध्यक्ष केपी शर्मा ओली जेठ २५ गतेदेखि युरोप भ्रमणमा छन् । उनी नौ दिनका लागि भ्रमणमा निस्केका हुन् । युरोपका स्विजरल्यान्ड,- ...
पूरा पढ्नुहोस्

स्रष्टा र सिर्जना

सफलताको सूत्र

ShareTweet एउटा लोक–सुगन्धको गीतले केही दिनयता प्रसिद्धिको शिखर छोएको छ । त्यो गीत हो, ‘गलबन्दी च्यातियो तिम्ले च्यातेर..।’ नेपाली ग्रामीण भेगको निम्न वर्गको ऐना देखिने- ...
पूरा पढ्नुहोस्

नयाँ पुस्तक

एउटा समाजसेवीको गाथा

ShareTweet एउटा प्रसिद्ध भनाइ छ, ‘इतिहासका निर्माता भनेका जनता हुन् तर जसको इतिहासमा कुनै नाम हुँदैन ।’ यसै कुरालाई अलि संशोधन गरेर बुझ्दा इतिहास त सबैको हुन्छ तर लेखिदिने- ...
पूरा पढ्नुहोस्

छोटकरीमा