25th August 2019, Sunday

E-budhabar
Header Right Side NTC Advertisement

राजीनामा दिएका कर्मचारीलाई मन्त्रालयमै बोलाएर हप्की



राजीनामा दिएका कर्मचारीलाई मन्त्रालयमै बोलाएर हप्की

काठमाडौं । विभागीय मन्त्रीको दबाब थेग्न नसकेपछि राजीनामा दिएर हिँडेका भक्तपुर मालपोल कार्यालयका प्रमुख चन्द्रमणि अर्याललाई भूमिव्यवस्था, सहकारी तथा गरिबी निवारणमन्त्री पद्मा अर्यालले गत बुधबार मन्त्रालयमै बोलाएर हप्कीदप्की गरेकी छन् । मालपोत प्रमुख अर्यालले राजीनामा दिएको समाचार बुधबार साप्ताहिकले गत अंक प्रकाशित गरेको थियो । गत अंकमा अख्तियार अनुसन्धान आयोगले सरकारी भनेको साबिक दुवाकोट को ८ ‘क’ कित्ता नं. ४३१ को जग्गा व्यक्तिका नाममा दर्ता गर्ने दबाब थेग्न नसके पनि मालपोत प्रमुख अर्यालले राजीनामा दिएको समाचार प्रकाशित गरेको थियो ।
समाचार प्रकाशित भएकै दिन उनलाई मन्त्रालय बोलाएर हप्काएको मन्त्रालय स्रोतले बतायो । मन्त्रालयमा बोलाएर उनलाई आफूमाथि मन्त्रीको कुनै दबाब नभएको र राजीखुसी राजीनामा दिएको वक्तव्य निकाल्न लगाएको बुझिएको छ । उनले त्यसै दिन सचिवलाई सम्बोधन गरेर एउटा पत्र लेखेका थिए । उक्त पत्रमा भनिएको छ, ‘समाचारमा भनिएको जग्गा तथा अन्य विषयको कुनै पनि सन्दर्भमा मन्त्रालय वा मन्त्रीज्यूबाट मलाई मौखिक, लिखित वा सांकेतिक कुनै प्रकारको दबाब वा सिफारिस नआएको व्यहोरा अनुरोध गर्दछु ।’ यहि समाचारलाई लिएर मन्त्री अर्यालको तर्फबाट उनको सचिवालयले पनि खण्डन प्रकाशित गरेको छ ।
कतिसम्म भने अर्यालले राजीनामा दिएर हिँडेपछि त्यहीका अधिकृत अरुणोदयमान रञ्जितलाई कामुको जिम्मा दिइएको थियो । रञ्जितको अवकाशका लागि अब ६ महिनाको समय बाँकी छ । निजामती ऐनअनुसार अवकाशका लागि एक वर्षभन्दा कम समय भएकालाई कतै सरुवा गर्न पाइँदैन । तर, त्यो जग्गा दर्तामा कुरा नमिलेपछि रञ्जितलाई पनि केही दिनअघि नुवाकोट सरुवा गराइएको छ ।
मन्त्रालय स्रोतका अनुसार जग्गाको विषयमा केही पनि थाहा नपाएका सचिव गोपीनाथ मैनालीकाको सल्लाह मान्दा मन्त्री अर्याल यसरी विवादको भुमरीमा परेकी हुन् । जागिरे जीवनको लामो समय योजना आयोगमा रहेर काम गरेका सचिव मैनालीकै कारण यसअघि चावहिल मालपोत कार्यालयका तत्कालीन प्रमुखकमल तिमिल्सनालगायत अहिले एउटा जग्गा प्रकरणका कारण सीआईबीको जेलमा कोचिएका छन् ।
यसैबीच, मन्त्री अर्यालले विभागले गर्ने खरदार, सुब्बाको सरुवामा पनि अनावश्यक हस्तक्षेप गर्ने गरेको भन्दै नापी विभाग परिसरभित्र उनको चर्को आलोचना हुने गरेको छ । ‘अमिनको सरुवामा समेत हस्तक्षेप गर्न मन्त्रीलाई केले बाध्य पा¥यो, हामीले बुझ्न सकेका छैनौं,’ नापी विभागका एक अधिकृतले भने ।

 

 

Leave a Reply

Your email address will not be published. Required fields are marked *

... र यो पनि ...

चक्रपथ

नेकपामा कुन नेतालाई के जिम्मेवारी ?

ShareTweet काठमाडौं । नेपाल कम्युनिस्ट पार्टी (नेकपा) को गत शनिबार र आइतबार बसेको सचिवालय बैठकले पार्टीका केन्द्रीय विभागहरूको प्रमुख तथा उपप्रमुख र जनवर्गीय संगठनका- ...
पूरा पढ्नुहोस्

स्रष्टा र सिर्जना

निभ्यो समृद्ध ज्ञान–पुञ्ज

ShareTweet नेपाली भाषा, साहित्य, संस्कृति, दर्शन र पत्रकारिता जगत्का मनिषि मदनमणि दीक्षितको दुःखद अवसानले पूर्वीय दर्शन र चिन्तन परम्पराको क्षेत्रमा शून्यता प्रतीत- ...
पूरा पढ्नुहोस्

नयाँ पुस्तक

‘मित्रताको आकाश’मा इन्द्रधनुषी विम्ब

ShareTweet पूर्वरंग संस्कृत साहित्यको नीतिवचनमा एउटा भनाइ छ– संसार विषवृक्षस्य द्वेफले अमृतोपमे । काव्यामृत रसास्वाद संलाप सज्जनैः सह ।। नीतिवचन संग्रह ६।७ अर्थात्- ...
पूरा पढ्नुहोस्

छोटकरीमा