18th June 2019, Tuesday

सिँँचाइमा दाहालको रजगज



काठमाडौं । सिँचाइ विभागको कर्मचारी प्रशासन (कप्र) मा उपसचिव वासुदेव दाहालले विगत चार वर्षदेखि रजगज गर्दै आएका छन् । बीचमा मिलाएर मन्त्रालय जाने र फर्केर फेरि विभागको कप्रमा आउने दाहाल र शाखा अधिकृत कृष्ण गिरी मिलेर विभागअन्तर्गतका आयोजना र डिभिजनहरूमा लुट मच्चाएको बताइन्छ ।
दाहाल र गिरी मिलेर सिँचाइ विभागअन्तर्गतका योजना र डिभिजनमा सरुवा गर्दा मोटो रकम उठाएर मात्र फाइल अगाडि बढाउने गुनासो विभागभित्रै हुन थालेको छ । मन्त्री वर्षमान पुनलाई पनि भाग छुट्ट्याउनुपर्छ भन्दै उनीहरूले रकम असुल्ने गरेको स्रोतको दाबी छ । पैसा लिएर आयोजनाको जिम्मा दिएकै परिणाम अहिले सिक्टा सिँचाइ आयोजना प्रकरणमा अख्तियारले थुप्रै कर्मचारीविरुद्ध विशेष अदालतमा मुद्दा दायर गरेको छ । राष्ट्रिय गौरवको सिक्टा सिँचाइ आयोजनाको मूल नहर निरीक्षणकै क्रममा भत्किएपछि कालिका कन्ट्रक्सनमा ठेकेदारसहित आयोजनाका तत्कालीन प्रमुखहरू सरोजचन्द्र पाण्डित, दिलीपबहादुर कार्की र रमेश बस्नेत, सीडीई मीनराज ढकाल, सूर्यदेव थापा, यागेन्द्र मिश्र, श्यामबहादुर कार्की, सुशीलचन्द्र देवकोटा, कृष्णप्रसाद सुवेदी, प्रेमराज घिमिरे, वीरसिंह धामी र प्रकाशबहादुर कार्कीविरुद्ध मुद्दा हालिएको छ । त्यस्तै, सिँचाइ विभागका सुपरिसेन्डिङ इन्जिनियर कमलप्रसाद रेग्मी, सीडीई रविनाथबाबु श्रेष्ठ र अशिषचन्द्र खनालविरुद्ध पनि भ्रष्टाचारको मुद्दा दायर भएको छ ।
१२ अर्ब रुपैयाँमा निर्माण सम्पन्न गर्ने लक्ष्य राखिएको यो आयोजनाको लागत भ्रष्टाचार र ढिलासुस्तीका कारण २५ अर्बभन्दा बढी लाग्ने भइसकेको छ । यसका पछाडि अप्रत्यक्ष संलग्नता कप्रमा बसेर हालीमुहाली गर्नेहरूको समेत रहेको बताइन्छ ।

 

Leave a Reply

Your email address will not be published. Required fields are marked *

... र यो पनि ...

चक्रपथ

प्रधानमन्त्रीे युरोप भ्रमणमा

ShareTweet काठमाडौ । प्रधानमन्त्री तथा नेकपाका अध्यक्ष केपी शर्मा ओली जेठ २५ गतेदेखि युरोप भ्रमणमा छन् । उनी नौ दिनका लागि भ्रमणमा निस्केका हुन् । युरोपका स्विजरल्यान्ड,- ...
पूरा पढ्नुहोस्

स्रष्टा र सिर्जना

सफलताको सूत्र

ShareTweet एउटा लोक–सुगन्धको गीतले केही दिनयता प्रसिद्धिको शिखर छोएको छ । त्यो गीत हो, ‘गलबन्दी च्यातियो तिम्ले च्यातेर..।’ नेपाली ग्रामीण भेगको निम्न वर्गको ऐना देखिने- ...
पूरा पढ्नुहोस्

नयाँ पुस्तक

एउटा समाजसेवीको गाथा

ShareTweet एउटा प्रसिद्ध भनाइ छ, ‘इतिहासका निर्माता भनेका जनता हुन् तर जसको इतिहासमा कुनै नाम हुँदैन ।’ यसै कुरालाई अलि संशोधन गरेर बुझ्दा इतिहास त सबैको हुन्छ तर लेखिदिने- ...
पूरा पढ्नुहोस्

छोटकरीमा