1st June 2020, Monday

E-budhabar
Header Right Side NTC Advertisement

कांग्रेस महासमिति अस्तव्यस्त

काठमाडौं । चार दिनदेखि राजधानीमा जारी प्रमुख प्रतिपक्षी दल नेपाली कांग्रेसको महासमिति बैठक अस्तव्यस्त देखिएको छ । अराजकता र होहल्लाबीच जारी बैठक जुन मुद्दाका लागि डाकिएको थियो सो मुद्दाले चार दिनपछि मात्र प्रवेश पाएको छ ।
पुरानै विधानअनुसार चलिरहेको कांग्रेसले नयाँ संरचनाअनुसार आफूलाई ढाल्न विधान परिमार्जन गर्न सो बैठक डाकिएको थियो । तर, मूल विषयमा प्रवेश नगरी नेताहरूबीच आरोप–प्रत्यारोप र होहल्लाबीच हिजो मात्र सो एजेन्डा प्रस्तुत गरिएको हो । सभापति शेरबहादुर देउवा तथा अन्य शीर्ष नेताहरूले भाषण गरिरहँदा पनि कसैले ध्यान दिएर नसुन्ने र होहल्ला मात्र गर्ने गरेपछि सोमबार सभापति देउवाले नामै लिएर केही नेतालाई हप्काएका थिए । त्यति मात्र होइन, अनावश्यक भीड र होहल्ला भएपछि सभापति देउवाले भीड नियन्त्रणका लागि मंगलबार दिँउसो आवश्यक निर्देशन दिन खोज्दा सहभागीमध्येका कुनै व्यक्तिले माइक नै काटेको समेत देख्नुपरेको छ । त्यति मात्र होइन, बोल्ने क्रममा नै नेताबीच माइक खोसाखोस भएपछि बैठक नै केही समयका लागि स्थगित गर्नुपर्ने अवस्था आएको थियो । नुवाकोटाका जिल्ला सभापति जगदीश्वरनरसिंह केसीले बोल्न खोज्दा सहमहामन्त्री डा. प्रकाशरण महतले माइक खोसेपछि बैठक स्थगित भएको थियो ।
नुवाकोट सभापति केसीले बोल्दाबोल्दै महतले माइक खोसेपछि बैठक स्थलमा केहीबेर तनाव भएको थियो । महासमिति बैठक सुरु भएको चार दिनसम्म पनि पार्टीको विधान पेस नभएको भन्दै सभापति केसीले आपत्ति जनाएपछि महतले माइक खोसेका थिए । संस्थापन र वरिष्ठ नेता रामचन्द्र पौडेल पक्षबीच विधानको विषयमा एकमत हुन नसकेका कारण सो प्रस्ताव पनि प्रस्तुत हुन नसकेको बताइन्छ ।
पदाधिकारी संख्या अहिलेको भएको भन्दा थपिनुपर्ने र सबै निर्वाचित हुनुपर्ने पौडेल पक्षको माग छ भने सभापतिले मनोनयन गर्न पाउनुपर्ने संस्थापन पक्षको धारणा छ । यसैबीच, ६ सयभन्दा बढी महासमिति सदस्य हिन्दू धर्मको पक्षमा खुलेका छन् । जारी महासमिति बैठकमा हिन्दू धर्मको पक्षमा हस्ताक्षर संकलन अभियान सुरु गरिएको छ । वैदिक सनातन हिन्दू राष्ट्र निर्माणका लागि नेपाली कांग्रेस महासमिति बैठकमार्फत हिन्दू राष्ट्रको एजेन्डाका लागि हस्ताक्षर संकलन अभियान सुरु गरिएको हो । सो अभियानको पहिलो नम्बरमा कांग्रेस केन्द्रीय सदस्य एवं पूर्वमन्त्री शंकर भण्डारीले हस्ताक्षर गरेका छन् । केन्द्रीय सदस्य भण्डारीको नेतृत्वमा संकलन गरिएको सो हस्ताक्षर संकलन अभियानमा ६ सयभन्दा बढी महासमिति सदस्यले हस्ताक्षर गरिसकेका छन् । संकलन गरिएको हस्ताक्षर पार्टी सभापति शेरबहादुर देउवालाई बुझाइने बताइन्छ । बहुसंख्यक हिन्दूहरूको बसोबास रहेको नेपाल विश्वमा हिन्दुत्वकै कारण परिचित रहेको हुँदा कुनै पनि हालतमा हिन्दूराष्ट्र बनाउनुपर्ने भण्डारीको भनाइ छ ।
यता, सहभागीहरूलाई बिहानको खाना मात्र आयोजकको तर्फबाट व्यवस्था गरिएको र साँझको खाना र आवास भने आफैंले प्रबन्ध गर्नुपर्ने व्यवस्था गरिएको छ । तर, मेचीदेखि महाकालीसम्मबाट राजधानी आएका सदस्यहरूले अहिलेसम्म आफ्नो पैसाले खाना खान नपरेको बताइन्छ । पार्टी सभापति देउवा, वरिष्ठ नेता पौडेल, महामन्त्री शशांक कोइराला र संसदीय दलका उपनेता विजय गच्छदारका तर्फबाट त्यसरी खाना व्यवस्था गरिएकाले सहभागीहरूलाई नेताहरूको घरमा जानै भ्याइनभ्याइ भएको बताइन्छ ।

 

Leave a Reply

Your email address will not be published. Required fields are marked *

... र यो पनि ...

  • प्रदेश प्रमुखकसँग राष्ट्रपति रुष्ट

    काठमाडौं । संवैधानिक भूमिका र पदीय मर्यादालाई बिर्सिंदै राजनीतिक दलका प्रमुखको निवासमा पुगेर मागपत्र पेस गरेको सूचना पाएपछि राष्ट्रपति विद्या भण्डारी प्रदेश प्रमुखहरूसँग रुष्ट भएकी छन् । प्रदेश प्रमुखहरूको त्यस्तो कदमले लज्जाबोध गराएको भन्दै संविधानविद्ले चिन्ता व्यक्त गरेका छन् भने आमनागरिकसमेत आक्रोशित भएका छन् । प्रसंग गत २ गतेको हो...
  • रोकिएन हायातको मनपरी

    काठमाडौं । २७ वर्षअघि अर्थात् २०४९ सालदेखि आफूखुुसी गर्दै आएको तारागाउँ रिजेन्सी होटल्स लिमिटेडको मनपरी अझै रोकिएको छ । होटलले फेरि आफूखुसी सम्पत्ति तथा दायित्व मूल्यांकन (डीडीए) गराउने चलखेल सुरु गरेको छ । घाटा देखाउँदै नेपाल सरकारको लगानी ३९.६७ प्रतिशतबाट घटेर ९.०१ प्रतिशत घटाएको हायातले फेरि चलखेल सुरु गरेको हो...
  • दलाली गर्दै, पुरस्कार दिँदै

    काठमाडौं । साहित्यका नाममा दलाली गर्नेहरूको हामीकहाँ कमी छैन । लामो समयदेखि विभिन्न शक्तिकेन्द्र र व्यक्तिहरूलाई प्रभावमा पारेर साहित्यकै नाममा दलाली गर्दै आएको नइ प्रकाशनले राखेका विभिन्न पुरस्कारहरूको स्रोतहरू के हुन् भन्नेचाहिँ अहिलेसम्म गुपचुप नै देखिन्छ । नरेन्द्रराज प्रसार्इं र इन्दिरा प्रसाईंले दुई दशकअघि स्थापना गरेको नइ प्रकाशनले हरेक व्यवस्था...

चक्रपथ

बीजकोयाका हाकिमको यो हर्कत

काठमाडौं । प्रजनन पिँढी बीजकोया स्रोत केन्द्र बन्दीपुर तनहुँका हाकिम शंकरप्रसाद न्यौपानेको चर्तिकलाले सीमा नाघेको छ । अवकाशको केही महिना बाँकी रहँदा वरिष्ठ बाली संरक्षण अधिकृतको हैसियतमा रहेका उनले अनियमिता र भ्रष्टाचारको शृंखला नै चलाएको भन्दै सर्वत्र गुनासो आएको छ । माहुरी, च्याउ, रेशम खेतीलगायत बालीको विकास, विस्तार र अनुसन्धानसमेतको...
पूरा पढ्नुहोस्

स्रष्टा र सिर्जना

‘गीता’ को राजनीति

कुनै वैचारिक मुद्दाका आधारमा नभई व्यक्तिगत टकरावको उत्पत्ति हुँदा विभाजनको पीडा झेल्ने नेपालका सीमित राजनीतिक दलमा पूर्वपञ्चहरूको पार्टी राष्ट्रिय प्रजातन्त्र पार्टीले बदनामी कमाउँदै आएको छ । विभाजन र एकताको अनेक अभ्यास गरिसकेको सो पार्टी पछिल्लो समय फेरि एकताको सूत्रमा बाँधिएको छ । पछिल्लो समय तीन समूहमा विभाजित राप्रपा केही दिनपूर्व...
पूरा पढ्नुहोस्

नयाँ पुस्तक

फरक स्वरध्वनि

तीन दशकयता कविता–कर्म र साधनामै व्यस्त छन्, वीरु बाङ्देल । सिक्किमका बासिन्दा बाङ्देलले नेपाली भाषामा उम्दा काव्य सिर्जना गरेर पृथक पहिचान बनाउँदै आएका छन् । कवितालाई नै लेखनको मूल विषय बनाएका उनले आजको समाज र राजनीतिक परिस्थितिहरूको भित्री यथार्थको अभिव्यक्ति धेरै नै प्रभावशाली ढंगले पस्किँदै आएका छन् । उनको पछिल्लो...
पूरा पढ्नुहोस्

छोटकरीमा

  • चिरायुको कर्जा फाइल किन गायब ?

    काठमाडौं । पदीय दुरुपयोगको चरम नमुना हेर्नुपरे नेपाल राष्ट्र बैंकका डेपुटी गभर्नर चिन्तामणि सिवाकोटीले आफू पदमा रहँदा गरेका अनियमित कार्यहरू हेरे पुग्छ । विगतमा आफूले गरेका अनियमित कार्यहरूबाट सफाइ पाएको दाबी सिवाकोटीले गरे पनि कतिपय कसुरमा भने उनीमाथि कारबाही भएको छैन । डेपुटी गभर्नर भएपछि सिवाकोटीले चिरायु अस्पतालको कर्जा प्रवाह...
  • म्याट्रेस खरिदको १५ करोड फ्रिज हुने खतरा

    काठमाडौं । सरकारले दिएको पैसा समयमा नै खर्च गर्न नसक्दा नेपाल प्रहरीको म्याटेस खरिदका लागि छुट्याएको १५ करोड ४० लाख रुपैयाँ फ्रिज हुने अवस्था देखिएको छ । आर्थिक वर्ष सकिन अब चार महिना मात्र बाँकी छ । यो चार महिनामा नेपाल प्रहरीले खरिद गर्न सक्ने अवस्था नरहेको बताइन्छ । यो...
  • मुद्दती खाताको परिचय नै फे¥यो एनआईसीले

    काठमाडौं । एनआईसी एसिया बैंकले मुद्दती खातामा उच्च ब्याजदर सँगै २१ लाख रुपैयाँसम्मको बिमा सुविधा पनि दिँदै आएको छ । सर्वाधिक उच्च ब्याजदर पाइने खाताका रूपमा चिनिएको मुद्दती निक्षेप खातामा एनआईसी एसिया बैंकले न्यु सुपर चामत्कारिक मुद्दती निक्षेप खाता खोलेकै आधारमा बिमा सुविधा पनि थप गरेको हो । यसअघि विभिन्न...