18th June 2019, Tuesday

प्रहरीमा सामान किन्न कानुनविपरीत करोडौं पेस्की



प्रहरीमा सामान किन्न कानुनविपरीत करोडौं पेस्की

काठमाडौं । प्रहरी महानिरीक्षक सर्वेन्द्र खनालले महालेखा परीक्षकले प्रश्न उठाएको बेरुजु अधिकतम फस्र्योट गरेको बताइरहँदा नेपाल प्रहरीले विदेशी कम्पनीबाट सामान खरिद गर्दा कानुनविपरीत पेस्की दिएको पाइएको छ । प्रहरी प्रधानकार्यालयमा आयोजित पत्रकार सम्मेलनमा प्रहरी महानिरीक्षक खनालले अधिकत बेरुजु फस्र्योट भएको दाबी गरेका थिए । तर, त्यही कार्यालयले नेपाल एजेन्सी ऐन २०१४ अनुसार दर्ता नै नभएका स्थानीय एजेन्टमार्फत प्रहरीले सामान खरिद प्रक्रियाका लागि करोडौं रुपैयाँ पेस्की दिएको स्रोतले जनाएको छ । प्रहरी प्रधान कार्यालय स्रोतका अनुसार त्यसरी खरिद गर्न विभिन्न कम्पनीका पाँच स्थानीय एजेन्टलाई १५ करोड ४४ लाख पेस्की दिइएको हो ।
प्रहरीले इलेक्ट्रोनिक सामान र जुत्ता खरिदका लागि यो रकम भुक्तानी दिएको हो । एउटै एजेन्टलाई ७ करोड ९ लाखसम्म पेस्की दिइएको छ ।. मोटोरोला प्याकेज खरिदका लागि प्रहरीले ग्रेहर्ड इलेक्ट्रोनिक्सलाई ७ करोड ८९ लाख पेस्की दिएको हो । प्रहरीले हाएटेरा सेट खरिदका लागि प्लाटिनम इन्टरप्राइजेजलाई १ करोड ९३ लाख, डिजिटल फरेन्सिक ल्याबको सामान खरिदका लागि नीलगिरि इन्टरप्राइजेजलाई २ करोड ७४ लाख पेस्की दिएको प्रहरी प्रधानकार्यालय स्रोतले जनाएको छ । त्यस्तै, फरेन्सिक ल्याब इक्युपमेन्ट खरिदका लागि मुक्तिनाथ ट्रेड कन्सर्न १ करोड ५ लाख दिइएको छ । प्रहरीको पिटी जुत्ता खरिद गर्न आज्ञा इम्पेक्सलाई १ करोड ३० लाख पेस्की दिइएको छ । जो अहिलेसम्म प्राप्त भएको छैन ।
खरिद व्यवस्थापन आर्थिक कार्यविधि नियमावली, २०६४ को नियम २० (३) मा ठेक्कापट्टा स्वीकृत गर्ने काम पहिलो चौमासिकभित्र गरिसक्नुपर्ने व्यवस्था छ । तर, प्रहरी प्रधान कार्यालयमार्फत भएको ठेक्का व्यवस्थापन तेस्रो त्रैमासिकसम्ममा गरिएको छ । प्रहरीले आफ्नो भण्डारमा भएका जिन्सी सामान मौज्दातको अध्ययन नै नगरी थप खरिद थालेको हो सार्वजनिक खरिद नियमावली २०६४ अनुसार सामान खरिद गर्दा आवश्यकताको पहिचान गर्नुपर्ने हुन्छ । तर, प्रहरी प्रधान कार्यालयले अघिल्लो वर्ष खरिद गरेको ३१ करोड ७७ लाखको कपडा मौज्दात हुँदाहुँदै आर्थिक वर्षको अन्त्यमा त्यही सामान खरिद गरेको प्रधान कार्यालय स्रोतले जनाएको छ । गत वर्ष प्रतिजोर १ हजार ९ सय ५८ रूपैयाँमा जुत्ता खरिद गर्न विराट सुज तथा फुट केयरलगायत कम्पनीसँग सम्झौता गरेको भए पनि ती कम्पनीले मापदण्डविपरीतका जुत्ता दिएर प्रहरीलाई ठगेका थिए । ७५ प्रतिशतभन्दा बढी भुक्तानी पाएका ती कम्पनीले मापदण्ड चेक नै नगरी जुत्ता प्रहरीको भण्डारण शाखालाई दिएका हुन् ।
कमिसनले लिफ्ट रोकियो
नेपाल प्रहरी दुई वर्षअघि बनाइसकेको नयाँ भवनमा अहिलसम्म विद्युतीय भ¥याङ (लिफ्ट) प्रयोगमा ल्याउन सकेको छैन । जडान गरिएको लिफ्ट कमिसनका कारण जडान गरे पनि प्रयोगमा नल्याइएको हो । प्राविधिक निर्देशनालयका जिम्मेवार अधिकृत र ठेकेदारबीचको कमिसन विवादका कारण सो लिफ्ट जडान भएको भए पनि सञ्चालनमा आउन सकेको छैन । झन्डै दुई करोडको लागतमा जडान गरिएको सो लिफ्टका लागि टेन्डरसमेत प्रकाशित गरी सुमित एन्ड सुमित कम्पनीले काम गरेको थियो । प्राविधिक निर्देशनालयका जिम्मेवार अधिकृतहरूले कमिसन मागेका कारण सो लिफ्ट जडान गरिए पनि सञ्चालन योग्य नबनाइएको स्रोतको दाबी छ ।

 

Leave a Reply

Your email address will not be published. Required fields are marked *

... र यो पनि ...

चक्रपथ

प्रधानमन्त्रीे युरोप भ्रमणमा

ShareTweet काठमाडौ । प्रधानमन्त्री तथा नेकपाका अध्यक्ष केपी शर्मा ओली जेठ २५ गतेदेखि युरोप भ्रमणमा छन् । उनी नौ दिनका लागि भ्रमणमा निस्केका हुन् । युरोपका स्विजरल्यान्ड,- ...
पूरा पढ्नुहोस्

स्रष्टा र सिर्जना

सफलताको सूत्र

ShareTweet एउटा लोक–सुगन्धको गीतले केही दिनयता प्रसिद्धिको शिखर छोएको छ । त्यो गीत हो, ‘गलबन्दी च्यातियो तिम्ले च्यातेर..।’ नेपाली ग्रामीण भेगको निम्न वर्गको ऐना देखिने- ...
पूरा पढ्नुहोस्

नयाँ पुस्तक

एउटा समाजसेवीको गाथा

ShareTweet एउटा प्रसिद्ध भनाइ छ, ‘इतिहासका निर्माता भनेका जनता हुन् तर जसको इतिहासमा कुनै नाम हुँदैन ।’ यसै कुरालाई अलि संशोधन गरेर बुझ्दा इतिहास त सबैको हुन्छ तर लेखिदिने- ...
पूरा पढ्नुहोस्

छोटकरीमा