18th June 2019, Tuesday

कर्मचारीहरू झनै आक्रोशित



काठमाडौं । दुई साताअघि ल्याइएको कर्मचारी समायोजन अध्यादेशविरुद्ध कर्मचारीहरू झनै आन्दोलित भएपछि कर्मचारी समायोजन प्रक्रिया जटिल बन्दै गएको छ । उक्त अध्यादेश सच्याउनुपर्ने माग राखेर कर्मचारीहरू आन्दोलनमा उत्रिएपछि समायोजन प्रक्रिया पछि धकेलिने निश्चित देखिएको छ ।
निजामती कर्मचारी संगठनहरूले कर्मचारी समायोजन अध्यादेश सच्याउन सरकारलाई एक हप्ताको अल्टिमेटम दिएको छ । यस्तो अल्टिमेटम कर्मचारीहरूले तीन दिनअघि दिएका हुन् । सरकारले भने अध्यादेश पारित भएपछि कर्मचारी समायोजनका लागि सूचना निकाल्ने तयारी थालेको छ । तर, कर्मचारीहरूले आफूलाई मर्का परेको भन्दै स्थानीय र प्रदेशको कर्मचारीसम्बन्धी ऐन नआउन्जेल समायोजनको सूचना जारी गरे पनि त्यसलाई अवज्ञा गर्ने जनाएका छन् ।
सरकारले स्थानीय र प्रदेशको कर्मचारीसम्बन्धी ऐन ल्याएर आफूहरूका माग सम्बोधन गर्नुपर्ने कुरा कर्मचारीहरूले उठाउँदै आएका छन् । उक्त नयाँ ऐनमा कर्मचारीहरूको वृत्ति विकासलगायत सुविधाहरू उल्लेख हुनुपर्नेमा कर्मचारीहरूले आवाज उठाउँदै आएका छन् । तर, अध्यादेश नसच्याई र नयाँ ऐन ल्याएर आफूहरूका माग नसमेटिएसम्म समायोजनका लागि सूचना जारी गरे समायोजनका लागि फर्म नभर्ने अडान कर्मचारीहरूले लिएका छन् ।
कर्मचारी समायोजन अध्यादेश आएपछि शिक्षाका उपसचिवलगायत प्राविधिक पदका कर्मचारीहरू धेरै मर्कामा पर्ने देखिएको छ । शिक्षाका उपसचिवहरूका निम्ति प्रदेश तहमा राष्ट्रिय परीक्षा बोर्डलगायत दुईवटा मात्र कार्यालय रहेको हुँदा उनीहरूको वृत्ति विकासमा समस्या पर्ने बताइन्छ । प्रदेशमा जाने उपसचिवहरूको बढुवा नहुने भएको हुँदा अहिले शिक्षाका उपसचिवहरू समायोजन अध्यादेशविरुद्ध आक्रोशित बनेका छन् ।

Leave a Reply

Your email address will not be published. Required fields are marked *

... र यो पनि ...

चक्रपथ

प्रधानमन्त्रीे युरोप भ्रमणमा

ShareTweet काठमाडौ । प्रधानमन्त्री तथा नेकपाका अध्यक्ष केपी शर्मा ओली जेठ २५ गतेदेखि युरोप भ्रमणमा छन् । उनी नौ दिनका लागि भ्रमणमा निस्केका हुन् । युरोपका स्विजरल्यान्ड,- ...
पूरा पढ्नुहोस्

स्रष्टा र सिर्जना

सफलताको सूत्र

ShareTweet एउटा लोक–सुगन्धको गीतले केही दिनयता प्रसिद्धिको शिखर छोएको छ । त्यो गीत हो, ‘गलबन्दी च्यातियो तिम्ले च्यातेर..।’ नेपाली ग्रामीण भेगको निम्न वर्गको ऐना देखिने- ...
पूरा पढ्नुहोस्

नयाँ पुस्तक

एउटा समाजसेवीको गाथा

ShareTweet एउटा प्रसिद्ध भनाइ छ, ‘इतिहासका निर्माता भनेका जनता हुन् तर जसको इतिहासमा कुनै नाम हुँदैन ।’ यसै कुरालाई अलि संशोधन गरेर बुझ्दा इतिहास त सबैको हुन्छ तर लेखिदिने- ...
पूरा पढ्नुहोस्

छोटकरीमा