21st May 2019, Tuesday

E-budhabar

कसरी देलान् अध्यक्षद्वयले जवाफ ?



काठमाडौं । आठ दिनको लगातार छलफलपछि स्थगित नेपाल कम्युनिस्ट पार्टी (नेकपा) को स्थायी समिति बैठक आज पुनः पार्टी केन्द्रीय कार्यालय धुम्बराहीमा बस्दै छ । ४५ सदस्यीय स्थायी समितिमा बैठकमा सहभागीमध्ये ४१ जनाले अध्यक्ष केपी ओली र पुष्पकमल दाहाल ‘प्रचण्ड’को राजनीतिक प्रतिवेदनमाथि धारणा राख्ने क्रम सकिएकाले सकभर आजै बैठक समापन गर्ने नेकपाको तयारी छ ।
राजनीतिक प्रतिवेदनमाथि उठेका प्रश्नमाथि केन्द्रित रहेर अध्यक्ष ओली र प्रचण्डले आज जवाफ दिएपछि बैठक सकिनेछ । बैठकमा राजनीतिक प्रतिवेदनमाथि खरो टिप्पणी र आलोचना भएकाले सचिवालय सदस्य वामदेव गौतम, नेता भीमबहादुर रावललगायतले प्रस्तुत गरेको लिखित धारणालाई समेत समेटेर प्रतिवेदन परिमार्जन होइन, पुनर्लेखन नै गर्नुपर्ने पनि जोडदार माग उठेको छ । प्रतिवेदनमा सरकारको कामको प्रशंसा मात्रै गरिएको, कमजोरीहरू स्वीकार नगरिएको, पार्टी एकताका बाँकी कामका सवालमा ठोस प्रस्ताव नआएको जस्ता विषयमा स्थायी समितिमा धेरैले आलोचना गरेका छन् । त्यसैले पनि ती सबै आलोचनाहरूलाई समेत समेटेर प्रतिवेदन परिमार्जन गर्नुपर्ने आवश्यकता छ । पुनर्लेखनको अर्थ दिशाहीन प्रतिवेदनको अर्थ लाग्ने भएकाले धेरै विषय सच्याउनुपर्ने भए पनि कम्युनिस्ट पार्टीमा सामान्यतया सबैको धारणा आइसकेपछि परिमार्जनसहित पारित गर्ने प्रचलन छ । त्यसअनुसार अध्यक्ष ओली र प्रचण्डले प्रतिवेदन परिमार्जनको प्रस्ताव राख्ने बताइएको छ । बैठकबाट कार्यतालिकासहित एकीकरणको खाका पारित गर्ने, केही मापदण्डहरू बनाइने बुझिएको छ । त्यस्तै, केन्द्रीय कमिटी बैठक आह्वान गर्ने सम्भावना रहेकोसमेत बताइएको छ ।

 

Leave a Reply

Your email address will not be published. Required fields are marked *

... र यो पनि ...

चक्रपथ

स्थानीयमा पुगेन किताबको पैसा

ShareTweet काठमाडौं । तीन दिनअघि सरकारले निकै तामझामपूर्वक ‘विद्यार्थी भर्ना अभियान’ सुरु भएको घोषणा ग¥यो । ‘हाम्रो नगर हाम्रो गाउँ, सबै बालबालिकालाई विद्यालय पु¥यायौं’- ...
पूरा पढ्नुहोस्

स्रष्टा र सिर्जना

अब पनि झुन्ड–संस्कृति ?

ShareTweet पूर्ववर्ती समयमा होस् वा वर्तमान समयमा नै किन नहोस्, हरेक क्षेत्र झुन्डवादले आक्रान्त छ । हरेक क्षेत्रमा झुन्ड–संस्कृति मौलाउँदो छ । अरू क्षेत्र वा तप्कामा- ...
पूरा पढ्नुहोस्

नयाँ पुस्तक

संघर्षशील महिला–गाथा

ShareTweet निःसन्देह जिम्मेवारी र दायित्वबोधको भारी पुरुषले भन्दा महिलाले नै धेरै बोक्नुपर्छ । त्यो सामाजिक भारी पनि हुनसक्छ र पारिवारिक भारी पनि । सामन्ती समाजका- ...
पूरा पढ्नुहोस्

छोटकरीमा