18th June 2019, Tuesday

कमजोरी नगर्नेे प्रतिबद्धतापछि चोलेन्द्र प्रधानन्यायाधीश



कमजोरी नगर्नेे प्रतिबद्धतापछि चोलेन्द्र प्रधानन्यायाधीश

काठमाडौं । प्रधानन्यायाधीशमा प्रस्तावित न्यायाधीश चोलेन्द्र शमशेर जबराको नाम संसदीय सुनुवाइ विशेष समितिले अनुमोदन गरेको छ । सुनुवाइ समितिमा परेका उजुरीहरूलाई समेत मध्यनजर गर्दै सांसदहरूले चोलेन्द्रको विगतदेखि वर्तमानसम्मका विवादस्पद काम, भावी योजना, सर्वोच्च अदालतको गरिमालगायत थुप्रै विषयमा केन्द्रित रहेर दर्जनौं प्रश्न राखेका थिए । सबै प्रश्नको एकमुष्ट जवाफ दिँदै जबराले घुमाउरो तरिकाले गल्तीकमजोरी नदोहो¥याउने र अबका दिनमा पनि हुन नदिने प्रतिबद्धता जनाए । जवाफपछि सुनुवाइ समितिको मंगलबारको बैठकले चोलेन्द्रको नाम सर्वसम्मत अनुमोदन गरेको छ ।
जबकि, सर्बोच्च अदालतमा न्यायाधीशका लागि अघिल्लोपटक सिफारिस हुँदा उनको नाममा पक्ष÷विपक्षमा मतदान भएको थियो । तत्कालीन एमाले र माओवादीका सांसदहरूले विपक्षमा मत हालेपछि चोलेन्द्रको नाम झिनो बहुमतबाट अनुमोदन भएको थियो । तत्कालीन माओवादीबाट टोपबहादुर रायमाझीले मात्र उनको पक्षमा मतदान गरेका थिए । विराटनगरस्थित पुनरावेदन अदालतमा रहँदा उनले तासको म्यारिज खेललाई बौद्धिक खेलका रूपमा मान्यता दिने फैसला गरेपछि विवादमा तानिएका थिए । उनको विवादस्पद फैसलाबारे समितिमा उजुरी नपरेको पनि होइन तर विगतभन्दा पनि भविष्यमा न्यायालयलाई स्वच्छ, निष्पक्ष ढंगले संचालन गर्ने, न्यायिक प्रक्रियालाई छिटोछरितो र सर्वसुलभ बनाउने, राज्यलाई अर्बौं घाटा हुने प्रकारका मुद्दामा न्यायालयले गम्भीर र संवेदनशील बन्नेजस्ता उनको प्रतिबद्धतापछि नेकपा नाम अनुमोदनमा आश्वस्त भएको हो । यद्यपि, सर्बोच्च अदालतमा तीन वर्ष अवधि पुगेका प्रधानन्यायाधीशका लागि योग्य व्यक्ति उनी मात्र थिए । वरिष्ठताको सूचीमा रहेका दीपकराज जोशीको नाम यसअघि नै सुनुवाइ समितिबाट अस्वीकृत भएकाले पनि उनका लागि प्रधानन्यायाधीश बन्ने मार्ग सहज बनेको थियो ।

 

 

Leave a Reply

Your email address will not be published. Required fields are marked *

... र यो पनि ...

चक्रपथ

प्रधानमन्त्रीे युरोप भ्रमणमा

ShareTweet काठमाडौ । प्रधानमन्त्री तथा नेकपाका अध्यक्ष केपी शर्मा ओली जेठ २५ गतेदेखि युरोप भ्रमणमा छन् । उनी नौ दिनका लागि भ्रमणमा निस्केका हुन् । युरोपका स्विजरल्यान्ड,- ...
पूरा पढ्नुहोस्

स्रष्टा र सिर्जना

सफलताको सूत्र

ShareTweet एउटा लोक–सुगन्धको गीतले केही दिनयता प्रसिद्धिको शिखर छोएको छ । त्यो गीत हो, ‘गलबन्दी च्यातियो तिम्ले च्यातेर..।’ नेपाली ग्रामीण भेगको निम्न वर्गको ऐना देखिने- ...
पूरा पढ्नुहोस्

नयाँ पुस्तक

एउटा समाजसेवीको गाथा

ShareTweet एउटा प्रसिद्ध भनाइ छ, ‘इतिहासका निर्माता भनेका जनता हुन् तर जसको इतिहासमा कुनै नाम हुँदैन ।’ यसै कुरालाई अलि संशोधन गरेर बुझ्दा इतिहास त सबैको हुन्छ तर लेखिदिने- ...
पूरा पढ्नुहोस्

छोटकरीमा