18th June 2019, Tuesday

डीजी तोयमको सेटिङले राजस्व घट्यो



काठमाडौं । शिशिर ढुंगाना राजस्व सचिव भएका बेला सेटीङ मिलाएर मुलुकको आकर्षक र मालदार निकाय भन्सार विभागमा आउन सफल महानिर्देशक तोयम रायले विभागलाई असुलीको थलो बनाएका छन् । उनी आएयता मुलुकका भन्सार कार्यालयहरूमा प्रिपेड लाखौं रकम लिएर कार्यालय प्रमुख पठाएका थिए ।
ती प्रमुखहरूले खुलेयाम तस्करीलाई बढावा दिँदै गएका छन् । मुलुकको सबैभन्दा बढी राजस्व कारोबार हुने विराटनगर कार्यालय भन्सार प्रमुख हिमांशु अधिकारी गएपछि भन्सार छली र तस्करी अत्यन्तै धेरै हुन थालेको छ । उनलाई उपप्रमुख सुशील शर्मा पौडेलले साथ दिने गरेका छन् । त्यसैले, विराटनगर भन्सारका प्रमुख अधिकारी र उपप्रमुख पौडेल मिलेर संगठित तस्करी गदैं दिनमै करोडौं रकम उठाउने गरेको बताइन्छ । पछिल्लो समय विराटनगर भन्सार एजेन्टबाट ब्यावसायीहरू नै पीडित हुन थालेका छन् ।
विराटनगर भन्सार कार्यालयका प्रमुख अधिकारी र भन्सार एजेन्टको मिलेमतोमा व्यावसायीले त्रास र मर्का दुवै खेप्नुपरेको पीडितले बताए । करिब एक महिना अघि विवेक सप्लायर्सले ल्याएको मार्बलसहितको ट्रकलाई एजेन्ट विनोद पोदारले पास गराउने तयारी गरे पनि भन्सर प्रमुख अधिकारी र पोदार कमिसन नमिलेका कारण व्यापारीको मालवाहक ट्रक १० दिनदेखि रानी भन्सारमा थन्किएको थियो । व्यवसायीले दैनिक रूपमा आफू भन्सार धाएको भए पनि विभिन्न बहाना बनाएर मालवाहक ट्रक भन्सार कार्यालयले छाड्न नमानेको पीडित व्यवसायीले बताए ।
आफुले बिल र बैकबाट अर्को पक्षलाई तिरेको रकमको बिलसमेत भन्सारलाई दिएको भए पनि सस्तोमा सामान ल्याएको भन्दै जरिवाना हान्ने अन्यथा लाखौं कमिसन दिनुपर्ने भन्दै मोलतोल गरेका थिए । सही ढंगले काम गर्दा पनि पैसा खान नपाए विभिन्न बहानामा भन्सार कार्यालयले सामान रोक्ने गर्छ, जसका कारण आफुहरू मर्कामा पर्ने गरेको पीडितले बताए ।
त्यसरी सामान अल्झाएर विभिन्न बहाना बनाउँदै पैसा खाने काममा उपप्रमुख शर्मा पौडेल पनि अगाडि छन् । उनले यही पुस १० गते एक इलेक्ट्रिकल मालवाहक गाडी पैसाको मोलतोल नमिलेसम्म अड्काएर राखे जुन दिन प्रमुख अधिकारी भने काठमाडौंमा थिए ।
उनलाई प्रमुखको जिम्मेवारी दिइएको सो दिन लाखौं असुलेर मात्र उनले सो सामान छुटाउने अनुमति दिएका थिए । व्यावसायी जरिवानासमेत तिर्न तयार भएको तर जरिवाना तिर्दा कालोसूचीमा पर्ने भएकाले नतिरेको र पैसा खुवाएरै मिलाएको उनीहरू बताउँछन् । त्यसो त विराटनगर रानी भन्सार पछिल्लो समय कर्मचारी र एजेन्टहरूका लागि राम्रो पैसा आर्जन गर्ने स्थानको रूपमा परिचित बन्दै छ ।
व्यापारीलाई दुःख दिएर भए पनि विभिन्न बहानामा रकम लिइने गरिन्छ । एक ट्रक सामान भन्सार पास गराएर व्यापारीको गोदामसम्म पुग्दा व्यापारीले बिलबिनाको १२ हजारदेखि ६० हजारसम्मको बिनाशीर्षकको रकम तिर्नुपर्ने बाध्यता रहेको उनीहरू बताउँछन् ।
त्यसो त लक्ष्यअनुसार राजस्व संकलन नहुँदा सरकारले राजस्व असुलीको वैकल्पिक कार्ययोजना थियो । आन्तरिक राजस्व विभाग, भन्सार विभाग र अर्थ मन्त्रालयको राजस्व व्यवस्थापन महाशाखाले बनाएको राजस्व असुलीको वैकल्पिक कार्ययोजनालाई अर्थ मन्त्रालयले पारित गरे पनि भन्सार विभाग प्रमुख रायको पैसामुखी प्रविधिका कारण सो योजनाले हावा खाएको बताइएको छ ।
आन्तरिक राजस्व विभाग र भन्सार विभागको महानिर्देशक परिवर्तन भएको अवस्थामा नयाँ स्पिरिटले काम गर्ने आशा गरिए पनि उनीहरू पैसा असुलीमै व्यस्त भएपछि समस्या भएको हो । अर्थमन्त्री डा. युवराज खतिवडाले भन्सार विभागमा तोयम राया, आन्तरिक राजस्व विभागमा विष्णुप्रसाद नेपाल र राजस्व व्यवस्थापन महाशाखामा रामशरण पुडासैनीलाई लागेका थिए ।
त्यसो त गत मसान्तसम्ममा लक्ष्यभन्दा १५ अर्ब रुपैयाँ कम राजस्व संकलन भएको थियो । सरकारले उक्त अवधिमा ४ खर्ब ९२ अर्ब रुपैयाँ राजस्व उठाउने लक्ष्य राखेकोमा ४ खर्ब ७७ अर्ब रुपैयाँ मात्र संकलन भएको बताइन्छ ।
वीरगन्ज भन्सार सीमामा भन्सार क्लियर नगरी गाडीहरू राखिएको वीरगन्ज भन्सार स्रोतले जनाएको छ । गाडीको आयातमा गिरावट आउँदा वीरगन्ज भन्सारले लक्ष्यभन्दा ५ प्रतिशत कम राजस्व संकलन गरेको छ ।

 

Leave a Reply

Your email address will not be published. Required fields are marked *

... र यो पनि ...

चक्रपथ

प्रधानमन्त्रीे युरोप भ्रमणमा

ShareTweet काठमाडौ । प्रधानमन्त्री तथा नेकपाका अध्यक्ष केपी शर्मा ओली जेठ २५ गतेदेखि युरोप भ्रमणमा छन् । उनी नौ दिनका लागि भ्रमणमा निस्केका हुन् । युरोपका स्विजरल्यान्ड,- ...
पूरा पढ्नुहोस्

स्रष्टा र सिर्जना

सफलताको सूत्र

ShareTweet एउटा लोक–सुगन्धको गीतले केही दिनयता प्रसिद्धिको शिखर छोएको छ । त्यो गीत हो, ‘गलबन्दी च्यातियो तिम्ले च्यातेर..।’ नेपाली ग्रामीण भेगको निम्न वर्गको ऐना देखिने- ...
पूरा पढ्नुहोस्

नयाँ पुस्तक

एउटा समाजसेवीको गाथा

ShareTweet एउटा प्रसिद्ध भनाइ छ, ‘इतिहासका निर्माता भनेका जनता हुन् तर जसको इतिहासमा कुनै नाम हुँदैन ।’ यसै कुरालाई अलि संशोधन गरेर बुझ्दा इतिहास त सबैको हुन्छ तर लेखिदिने- ...
पूरा पढ्नुहोस्

छोटकरीमा