25th May 2019, Saturday

E-budhabar

आयल निगमको पाँच भाइबीच दौडादौड



काठमाडौं । नेपाल आयल निगम लिमिटेडको कार्यकारी निर्देशक पदका लागि प्रारम्भिक छनोटमा पाँच जना परेका छन् । उनीहरूलाई यही पुस १९ गते आफ्नो व्यावसायिक योजनासहित अन्तर्वार्ताका लागि मन्त्रालयमा बोलाइएको छ । निगमको कार्यकारी निर्देशका लागि आवेदन दिएका उम्मेदवारमध्ये शैक्षिक योग्यता, कार्यानुभव, व्यावसायिक कार्यायोजना र विषयगत अध्ययन समेतको आधारमा उच्चतम अंक प्राप्त गर्ने पाँच जनालाई प्रारम्भिक रूपमा छनोट गरिएको हो ।
छनोट हुनेमा रामप्रसाद धिताल, सुरेन्द्रकुमार पौडेल, अनिलकुमार झा, लोकबहादुर खड्का र तारानाथ पौडेल रहेका छन् ।
पाँचै जना उम्मेदवारलाई व्यावसायिक कार्ययोजना र अन्य अध्ययनको प्रस्तुतीकरण एवं अन्तर्वार्ताका आधारमा छनोट गरेर तीन जनाको नाम मन्त्रिपरिषद्मा सिफारिस गर्ने बताइएको छ ।
अनुभव र विज्ञताका आधारमा धिताल अगाडि रहेको बताइएको छ । वैकल्पिक ऊर्जा प्रवद्र्धन केन्द्रका पूर्वकार्यकारी निर्देशक धिताल दौडमा अग्रणी नदेखिए पनि सबैले उनीतर्फ नजर लगाएको बताइएको छ । त्यसो त उनले विद्युत् नियमन आयोगको बोर्ड सदस्यमा पनि अन्तरवार्ता दिएका थिए । र, त्यसको नतिजा आइसकेको छैन । सम्भवतः यता उनलाई छनोट नगरे पनि आयोगमा भने सो पदका लागि उपयुक्त पात्रका रूपमा धिताललाई धेरैले हेरेका छन् ।
वैकल्पिक ऊर्जा प्रवद्र्धन केन्द्रमा रहँदा विदेशी दातृ निकायले दिएको अनुदान रकम सदुपयोग गर्ने र काम देखाउने हाकिमका रूपमा परिचित छन् ।
ऊर्जाको क्षेत्रमा राम्रो दखल राख्ने धिताललाई नबनाएको खण्डमा उदयपुर सिमेन्टका महाप्रबन्धक सुरेन्द्र पौडेल हुने सम्भावना रहेको बताइन्छ । प्रशासनका लामो अनुभवी धितालले निगम सुधारका लागि अरूले भन्दा विशेष खालको व्यावसायिक योजना प्रस्तुत गरेको मन्त्रालय स्रोतले बतायो ।
उनले निगम पुनःसंरचना गरी एक नम्बर कम्पनी बनाउने योजना ल्याएको बताइएको छ । त्यस्तै, निगमको कार्यकारी निर्देशकका लागि अनिलकुमार झा पनि दौडधुपमा लागेका छन् ।
खान र खुवाउन माहीर झा डोलिडारका पूर्वमहानिर्देशक हुन् । उनले जनक शिक्षा सामग्री केन्द्रको प्रबन्ध सञ्चालकका रूपमा काम गरेर डुबेका संस्थालाई झनै तहसनहस पारेका थिए । त्यहाँ सुधारको काम गरेर देखाउनुपर्नेमा जनक शिक्षालाई आर्थिक हिसाबले थप नोक्सानी पु¥याएको आरोप झामाथि छ । त्यस्तै, पहिले पनि निगममा प्रतिस्पर्धा गरेर दोस्रो नम्बरमा परेका लोकबहादुर खड्का पनि बलियो दाबेदार मानिन्छ । उनी यसअघि स्वरोजगार कोषमा कार्यरत थिए । यसैगरी, अर्का प्रत्यासी तारानाथ पौडेल हुन् ।

 

Leave a Reply

Your email address will not be published. Required fields are marked *

... र यो पनि ...

चक्रपथ

नौ महिनामा १ खर्ब ८२ अर्बको इन्धन खरिद

ShareTweet काठमाडौं । चालू आर्थिक वर्षको नौ महिनामा करिब १० खर्ब रुपैयाँबराबर व्यापार घाटा देखिएको छ । आर्थिक वर्ष २०७५÷७६ को चैत मसान्तसम्म ९ खर्ब ९१ अर्ब ७८ लाख ८८- ...
पूरा पढ्नुहोस्

स्रष्टा र सिर्जना

अब पनि झुन्ड–संस्कृति ?

ShareTweet पूर्ववर्ती समयमा होस् वा वर्तमान समयमा नै किन नहोस्, हरेक क्षेत्र झुन्डवादले आक्रान्त छ । हरेक क्षेत्रमा झुन्ड–संस्कृति मौलाउँदो छ । अरू क्षेत्र वा तप्कामा- ...
पूरा पढ्नुहोस्

नयाँ पुस्तक

संघर्षशील महिला–गाथा

ShareTweet निःसन्देह जिम्मेवारी र दायित्वबोधको भारी पुरुषले भन्दा महिलाले नै धेरै बोक्नुपर्छ । त्यो सामाजिक भारी पनि हुनसक्छ र पारिवारिक भारी पनि । सामन्ती समाजका- ...
पूरा पढ्नुहोस्

छोटकरीमा