18th September 2019, Wednesday

E-budhabar
Header Right Side NTC Advertisement

आगलागीमा कर्मचारीकै लापरबाही



काठमाडौं । व्यवस्थापकीय कमजोरीका कारण त्रिशूली जलविद्युत् आयोजनाको विद्युत् गृहमा एक वर्षमै तीनपटक आगलागी हुन पुगेको छ । तर, पटकपटक आगलागी भएर भौतिक क्षति भए पनि अझ पनि नेपाल विद्युत् प्राधिकरणले भने दिगो समाधानको बाटो खोज्न चाहिरहेको छैन ।
करिब एक वर्षअघि सो जलविद्युत् आयोजनाको विद्युत् गृहको ब्रेकरमा सर्ट सर्किट भएर आगलागी हुन पुगेको थियो । सो विद्युत् गृहमा रहेको आठवटा प्यानलमध्ये त्यतिबेला तीनवटा प्यानलमा आगलागी हुन पुगेको थियो । त्यसपछि आगलागी भएका तीनवटा प्यानलको मर्मत सम्भार गरेर पुनः सञ्चालनमा ल्याइएको थियो । तर, मर्मत–सम्भार गरिएका तीनवटा प्यानलमा एक महिनाअघि फेरि आगलागी हुन पुग्यो ।
एक महिनाअघि मर्मत गरिएका प्यानलमा आगलागी हुँदा सुपरभाइजर गुन्जमान तामाङ गम्भीर रूपमा घाइते हुन पुगेका थिए । आगलागीमा परेर तामाङको शरीरको अधिकांश भाग जल्न पुगेको थियो । तामाङको अहिले अस्पतालमा उपचार भइरहेको छ । सोही आगलागीमा परी इन्जिनियर प्रवीण चौधरी पनि घाइते भएका थिए । आगलागीले उनको कपाल पुरै डढ्न पुगेको थियो ।
तर, पछिल्लो समय एक हप्ताअघि पुनः मर्मत गरिएको सोही प्यानलमा आगलागी हुन पुगेको छ । २१ मेगावाट क्षमता भएको सो विद्युत् गृहमा पटकपटक आगलागी भए पनि प्राधिकरणको व्यवस्थापनले भने त्यसबारे छानबिन गर्ने, दिगो रूपमा मर्मत गर्नेबारे कुनै चासो नदिएको बताइन्छ । व्यवस्थापन पक्षले चासो नदिँदा नै पटकपटक आगलागीको घटना हुन पुगेको बताइन्छ ।
सो आयोजनाको विद्युत् गृहमा पटकपटक आगलागी हुनुमा कार्यालय प्रमुख तारादत्त भट्टको हेलचेक्रयाइँ रहेको बताइन्छ । पटकपटक आगलागी भएपछि नियमित मर्मत गर्दा पनि चलाउन नसकिने भए कार्यालय प्रमुखले प्राधिकरणको केन्द्रलाई जानकारी गराउनुपथ्र्यो । तर, सो विद्युत् केन्द्रका प्रमुखले भने केन्द्रीय कार्यालयमा जानकारी नगराउने गरेका कारण त्यस्तो समस्या उत्पन्न भएको बताइन्छ ।

 

Leave a Reply

Your email address will not be published. Required fields are marked *

... र यो पनि ...

चक्रपथ

३ नम्बर प्रदेशमा संविधान दिवसको भव्य तयारीे

ShareTweet काठमाडौं । संविधान दिवसको अवसरमा ३ नम्बर प्रदेश सरकारले विविध कार्यक्रमहरू गर्ने भएको छ । सोमबार प्रदेशका मुख्यमन्त्री डोरमणि पौडेलको संयोजकत्वमा दिवस- ...
पूरा पढ्नुहोस्

स्रष्टा र सिर्जना

तिमी कहाँ सुरक्षित छौ ?

ShareTweet कुनै महिलाका निम्ति सुरक्षित ठाउँ कुन होला ? घर, विद्यालय वा सार्वजनिक स्थल ? केही दिनपूर्व वीरगन्जकी एउटी किशोरीको अनुहारमा दुई किशोरले एसिड छ्यापे । एकान्त- ...
पूरा पढ्नुहोस्

नयाँ पुस्तक

प्रेममा तरंगित सिर्जना

ShareTweet युवा–सर्जक हरिराम पौडेलको गीति–सिर्जना प्रेमका कोमल अनुभूतिहरूका खानी हुन्, सायद । किनभने, प्रेमका अनगिन्ति आवाजहरू उनका गीति–लेखनमा सहजै र सर्वस्वीकृत- ...
पूरा पढ्नुहोस्

छोटकरीमा