16th February 2019, Saturday

E-budhabar

एसएसपीका लागि दौडधुप सुरु



काठमाडौं । नेपाल प्रहरीअन्तर्गत १६ एसएसपी बढुवाका लागि ३२ जना प्रतिस्पर्धी देखिएका छन् । सरकारले प्रहरी नियमावली २०७१ को नियम २८ को उपनियम १ (क) संशोधन गरेपछि बढुवाको बाटो खुला गरेसँगै प्रतिस्पर्धीहरूले दौडधुप तीव्र पारेका छन् ।
प्रथम श्रेणी तहको बढुवाका लागि चार वर्ष काम गरेको हुनुपर्ने नियम परिवर्तन गरी मन्त्रिपरिषद्ले तीन वर्ष बनाएको हो । नियमका कारण प्रहरीमा १५ एसएसपीको पद पछिल्लो चार महिनादेखि रिक्त छ । यस्तै हाल रिक्त रहेको एक नायब महानिरीक्षक (डीआईजी) पदमा बढुवा भए एसएसपीमा अर्को एक पद थपिएर १६ हुनेछ ।
नेपाल प्रहरीमा २०४७, २०४९, २०५१ र २०५२ सालमा भर्ना भएर २०७१ मा एसपी बढुवा भएका ३३ जना एसएसपी बढुवा प्रतिस्पर्धामा छन् । योबाहेक २०५१ र २०५२ मा प्रहरी निरीक्षकमा भर्ना भई अघिल्लो बढुवामा छुटेकाहरू तीन वर्ष अवधि फागुन ९ मा पुग्ने भएकाले प्रतिस्पर्धामा सहभागी हुन पाउनेछैनन् ।
यी हुन् बढुवाका दाबेदार
बढुवाको वरीयतामा गणेश रेग्मी, श्यामलाल ज्ञवाली, सन्दीप भण्डारी, वसन्तबहादुर कुँवर र रामदत्त जोशी क्रमशः शीर्ष पाँचमा छन् । यस्तै, एउटै ब्याचका महिलाहरू मीरा चौधरी थारू, किरण बज्राचार्य, दुर्गा सिंह र किरण राणा पनि बढुवाको प्रतिस्पर्धी हुन् । यसबाहेक एसपीहरू भरतबहादुर बोहरा, टेकप्रसाद राई, रवीन्द्र केसी, पोषराज पोखरेल, बुद्धिराज गुरुङ, उमेशराज जोशी, नरेन्द्रप्रसाद उप्रेती, कुबेर कडायत, केदार ढकाल, जनक भट्टराई, राजेन्द्र विष्ट, विष्णुकुमार केसी, राजेशनाथ बाँस्तोला, लालमणि आचार्य, सुदीप गिरी, टेकबहादुर तामाङ, गोविन्दकुमार शाह, उमाशंकर पन्जियार, भीमप्रसाद ढकाल, दीपक थापा र अर्जुन चन्द ठकुरी पनि बढुवाका दाबेदार हुन् ।

 

Leave a Reply

Your email address will not be published. Required fields are marked *

... र यो पनि ...

चक्रपथ

ढुंगा खानी ‘बन्द गराउन’ प्रदेश सरकारलाई ध्यानाकर्षण

ShareTweet हेटौंडा । भीमफेदी गाउँपालिकाकी उपाध्यक्ष पार्वती रानाले भीमफेदी गाउँपालिकामा रहेको सिमेन्ट ढुंगा खानी बन्द गराउन प्रदेश सरकारलाई ध्यानाकर्षण गराएकी- ...
पूरा पढ्नुहोस्

स्रष्टा र सिर्जना

प्रशंसाको भागीदार बन्ने अवसर

ShareTweet स्थानीय तहको निर्वाचनपछि जनप्रतिनिधिहरूले स्थानीय सरकारको बागडोर सम्हाल्न थालेको करिब दुई वर्ष पुग्न लाग्दै छ । करिब–करिब आधा समय व्यतीत गरिसक्नै लाग्दा- ...
पूरा पढ्नुहोस्

नयाँ पुस्तक

बहुआयामिक सिर्जना

ShareTweet कुनै समय साहित्य वृत्तमा मुक्तक विधाले राम्रै स्थान पाएको थियो । मुक्तक विधाको ‘चार्म’ यति धेरै थियो कि काठमाडौंमा नभए पनि पोखरा, धरानजस्ता सहरका साहित्यप्रेमीहरू- ...
पूरा पढ्नुहोस्

छोटकरीमा