25th August 2019, Sunday

E-budhabar
Header Right Side NTC Advertisement

आधा कर्मचारी फाराम भर्नै वञ्चित



काठमाडौं । संघीय मामिला तथा सामान्य प्रशासन मन्त्रालयले कर्मचारी समायोजनको फाराम भर्ने म्याद नथप्ने भएपछि ठूलो संख्यामा कर्मचारीहरू फाराम भर्नबाट वञ्चित हुने देखिएका छन् । समायोजन फाराम भर्ने म्याद आज सकिँदै छ । तर, दुई दिनअघिसम्म भने करिब निजामती र स्थानीय तहका आधाजति कर्मचारीले मात्र समायोजन फाराम भरेका छन् ।
कर्मचारीहरूले समायोजन फाराम भरेपछि सफ्टवेयरबाट नै समायोजन हुने व्यवस्था गरिएको छ । कर्मचारीहरूले अनलाइनमार्फत आफूले रोजेको कार्यालय छानेर फाराम भरेपछि ज्येष्ठताको आधारमा सफ्टवेयरले नै समायोजन गर्ने गर्दछ । तर, समायोजनको फाराम भर्ने म्याद दुई दिन बाँकी रहँदा पुस ३० गतेसम्म भने ५२ हजार कर्मचारीले मात्र फाराम भरेका छन् । समायोजनको फाराम भर्नुपर्ने कर्मचारीहरू निजामती सेवा र स्थानीय तहका गरी १ लाख ३० हजार रहेका छन् । अहिलेसम्म फाराम भर्नेमा निजामतीतर्फ ५१ हजार रहेका छन् भने स्थानीय तहतर्फ १ हजार रहेका छन् ।
समायोजन फाराम भर्ने म्याद आज सकिए पनि मन्त्रालयलाई भने म्याद थप्न कानुनी समस्या रहेको बताइन्छ । निजामती कर्मचारी समायोजन ऐनमा समेत समायोजनको म्याद थप्ने व्यवस्था नरहेको हुँदा मन्त्रालयलाई त्यस्तो समस्या परेको हो । तर, ऐनमा ‘कर्मचारीहरूले समायोजनको फाराम नभरे पनि समायोजन गर्नमा कुनै बाधा हुनेछैन’ भन्ने प्रावधान उल्लेख भएको हुँदा फाराम नभर्ने कर्मचारीहरू पनि स्वतः समायोजनमा पर्ने देखिन्छ ।
त्यस्तै, समायोजनमा असमानता रहेको भन्दै करिब ३ सय जना कर्मचारीले समायोजन अध्यादेश खारेज गर्न सर्वोच्च अदालतमा मुद्दा दायर गरे पनि त्यस विषयमा अहिलेसम्म फैसला हुन सकेको छैन । मुद्दा दायर गर्नेमा २०७४ सालमा लोकसेवा पास गरेका अधिकृत तहका कर्मचारीहरू छन् । समायोजन अध्यादेशअनुरूप कर्मचारीहरूको ज्येष्ठताका आधारमा समायोजन हुने भएपछि पछिल्लो समय लोकसेवा आयोग पास गरेका कर्मचारीहरूले असमानता रहेको भन्दै मुद्दा दायर गरेका हुन् । समायोजन हुँदा ती कर्मचारीहरूले केन्द्रमा बस्न पाउँदैनन्, उनीहरू स्वतः स्थानीय तहमा जानुपर्ने हुन्छ ।

Leave a Reply

Your email address will not be published. Required fields are marked *

... र यो पनि ...

चक्रपथ

नेकपामा कुन नेतालाई के जिम्मेवारी ?

ShareTweet काठमाडौं । नेपाल कम्युनिस्ट पार्टी (नेकपा) को गत शनिबार र आइतबार बसेको सचिवालय बैठकले पार्टीका केन्द्रीय विभागहरूको प्रमुख तथा उपप्रमुख र जनवर्गीय संगठनका- ...
पूरा पढ्नुहोस्

स्रष्टा र सिर्जना

निभ्यो समृद्ध ज्ञान–पुञ्ज

ShareTweet नेपाली भाषा, साहित्य, संस्कृति, दर्शन र पत्रकारिता जगत्का मनिषि मदनमणि दीक्षितको दुःखद अवसानले पूर्वीय दर्शन र चिन्तन परम्पराको क्षेत्रमा शून्यता प्रतीत- ...
पूरा पढ्नुहोस्

नयाँ पुस्तक

‘मित्रताको आकाश’मा इन्द्रधनुषी विम्ब

ShareTweet पूर्वरंग संस्कृत साहित्यको नीतिवचनमा एउटा भनाइ छ– संसार विषवृक्षस्य द्वेफले अमृतोपमे । काव्यामृत रसास्वाद संलाप सज्जनैः सह ।। नीतिवचन संग्रह ६।७ अर्थात्- ...
पूरा पढ्नुहोस्

छोटकरीमा