20th April 2019, Saturday

E-budhabar

शशांकको दिल्ली भ्रमणले कांगे्रसमा हलचल



शशांकको दिल्ली भ्रमणले कांगे्रसमा हलचल

काठमाडौं । नेपाली कांगे्रसका महामन्त्री डा. शशांक कोइराला आफ्नै पार्टीको नेतृत्वलाई समेत थाहा नदिएर अकस्मात दिल्ली भ्रमणमा गएपछि कांगे्रसभित्र त्यसलाई लिएर विवाद उत्पन्न भएको छ । उनी किन र केका लागि दिल्ली गएका रहेछन् भनेर कांगे्रसका माथिल्लै तहका नेताहरूले भारतीय पक्षसँग सोधखोज गरिरहेका छन् ।
स्रोतका अनुसार महामन्त्री कोइराला पुस २३ गते दिल्ली गएका थिए । उनलाई त्यहाँ भारतको कुनै राजनीतिक नेतृत्वले नभई गुप्तचर संस्था ‘र’ले बोलाएको थाहा भएको छ । कांगे्रसभित्र हिन्दू राष्ट्रको बेमौसमी नारा उठाइरहेका कोइरालालाई त्यसबारे छलफल गर्न बोलाइएको हो कि भन्ने आशंका भए पनि त्यसभन्दा विपरीत कांगे्रसको आन्तरिक राजनीतिका बारेमा छलफल गर्न उनलाई बोलाइएको उच्च सूत्रले बतायो । उक्त सूत्रका अनुसार दुई वर्षभित्र हुने कांगे्रसको महाधिवेशनलाई कसलाई समर्थन गर्ने भन्नेबारे धारणा बनाउन भारतीय संस्थापन पक्ष यतिबेला छलफलमा छ । कोइराला परिवारबाट शशांक र शेखर कोइराला दुवैले सभापतिमा उठ्ने इच्छा देखाएपछि भारतीय संस्थापन पक्ष त्यसलाई कसरी समाधान गरेर एउटै उम्मेदवार बनाउने भन्नेमा सक्रिय भएको छ ।
स्रोतका अनुसार शेखरले यसअघिदेखि नै भारतीय संस्थापनसमक्ष आफूलाई सभापतिमा समर्थन गर्न लबिइङ गर्दै आएका छन् । त्यसका लागि सुपरिचित भारतीय एजेन्ट अमरेश सिंहले सक्रिय भूमिका निर्वाह गर्दै आएका छन् । यता शशांकले पनि आफू सभापतिमा उठ्ने तयारी गरेपछि उनकै आग्रहमा सम्झाउन दिल्ली बोलाइएको स्रोतको दाबी छ ।
महामन्त्री कोइराला दिल्लीमै भएको बेला गुहावटीमा कसैको बिहामा जाने निहुँ पारेर अमरेश पनि दिल्ली पुगेका थिए । त्यहाँ शशांकबारे उनले भारतीय पक्षलार्य थप जानकारी दिँदै तीनपटक सांसद, तीनपटक निर्वाचित केन्द्रीय सदस्य र अहिले निर्वाचित महामन्त्री हुँदा पनि शशांकले खासै क्षमता देखाउन नसकेकाले विकल्पमा शेखरलाई अघि सार्नुपर्ने तर्क गरेका थिए ।
महामन्त्री कोइरालासँग भारतीय कुनै नेताको भेटघाट भएन । गुप्तचरले व्यवस्था गरेका भ्रमणहरूमा पाहुनालाई राखिने डिफेन्स कोलोनीमा कोइरालाका अधिकांश भेटघाट भएका थिए । उनी पुस २७ गते नेपाल एअरलाइसमार्फत राति १० बजे काठमाडौं फर्किएको स्रोतले बतायो ।
महामन्त्री कोइरालाको भ्रमणलाई लिएर सभापति शेरबहादुर देउवा क्याम्पमा हलचल भएको छ भने एकपटक फेरि सभापति लड्ने इच्छा बाँकी नै राखेका रामचन्द्र पौडेल पनि बेचैन बनेका छन् । शशांकको भ्रमणपछि देउवाका दाहिने हात उपसभापति विमलेन्द्र निधिले भारत जाने चाँजापाँजो मिलाउन खोजिरहेका छन् । रामचन्द्र पौडेल चुनाव लडे देउवा नै लड्ने र कोइराला परिवारबाट शेखर वा शशांक लडे निधि लड्ने गरी योजना बनाउनुपर्नेमा देउवा निकट प्रदीप गिरी, पूर्णबहादुर खड्कालगायतले बहस चलाइरहेका छन् । तर, सभापति देउवा भारतीय पक्षलाई मिलाएर भए पनि एकपटक आफैं सभापति हुने योजनामा छन् । त्यसैले उनले शशांकको भ्रमणलाई शंकाको दृष्टिले हेरिरहेको बताइन्छ ।

Leave a Reply

Your email address will not be published. Required fields are marked *

... र यो पनि ...

चक्रपथ

स्थानीयमा पुगेन किताबको पैसा

ShareTweet काठमाडौं । तीन दिनअघि सरकारले निकै तामझामपूर्वक ‘विद्यार्थी भर्ना अभियान’ सुरु भएको घोषणा ग¥यो । ‘हाम्रो नगर हाम्रो गाउँ, सबै बालबालिकालाई विद्यालय पु¥यायौं’- ...
पूरा पढ्नुहोस्

स्रष्टा र सिर्जना

डुबान क्षेत्रको साक्षी

ShareTweet भनिन्छ, बोल्नेको पीठो बिक्छ, नबोल्नेको चामल पनि बिक्दैन । तर, उपभोक्ताहरूमा वस्तुको गुण चिन्ने क्षमता छ भने बोल्नेको पीठो नबिक्न पनि सक्छ । बितेको वर्ष नेपाली- ...
पूरा पढ्नुहोस्

नयाँ पुस्तक

संघर्षको गाथा

ShareTweet तीसको दशकदेखि प्रगतिशील सांस्कृतिककर्मीहरूले एउटा गीत गाउन थालेका थिए, ‘संघर्ष हो जीवन, जीवन संघर्ष हो…।’ यो गीत जीवन–यात्रामा संघर्षका अनेक तह पार गरेका- ...
पूरा पढ्नुहोस्

छोटकरीमा