22nd July 2019, Monday

बंगलादेश बैंकका सञ्चालकमाथि रहस्यमय कुटपिट



काठमाडौं । नेपाल बंगलादेश बैंकको सर्वसाधारण सेयरधनीको तर्फबाट प्रतिनिधित्व गर्ने सञ्चालक दीपक कार्कीमाथि रहस्यमय कुटपिट भएको छ । साधारण सभाको अघिल्लो मिनी एजीएम भइरहेका बेला उनी रहस्यमय ढंगले कुटिएका हुन् ।
बैंक सञ्चालक समितिको बैठकमा नोट अफ डिसेन्ट लेखेका कारण उनी चर्चामा थिए । उनलाई सञ्चालक समितिमा फरक मत राखेकै कारण नक्सालको एलिस रेस्टुरेन्टमा अन्य सञ्चालकहरूको मिलेमतोमा कुटिएको बताइएको छ ।
सञ्चालक कार्कीले बैंकले केन्द्रीय कार्यालय बनाउन भन्दै किन्न लागेको भाटभटेनीनजिकै रहेको नौ रोपनी जग्गा किन्ने विषयमा फरक मत राख्दै पाँचबुँदे असहमति राखेका थिए ।
गत पुस २५ गते साँझ बसेको सञ्चालक समितिको बैठकमा उनले नोट अफ डिसेन्टमाथि छलफल हुनुपर्ने अडान राखेका थिए । गत मंसिर २८ गतेको सञ्चालक समितिको बैठकमा उनले कार्यालयका लागि खरिद गर्न लागेको नौ रोपनी जग्गा उपयुक्त स्थानमा नरहेको, तरलता अभावको बेला ९० करोड रुपैयाँको जग्गा खरिद नगरी अन्य उपयुक्त स्थानमा जग्गा खोज्नुपर्ने भन्दै विमति राखेका थिए ।
सोही विमतिका कारण एलिस रेस्टुरेन्टमा आयोजना गरिएको सञ्चालकहरूको भोजमा अपरिचित व्यक्तिको प्रयोग गरी आफूमाथि कुटपिट भएको कार्कीको भनाइ छ । कुटपिटबाट कार्कीको शरीरमा विभिन्न चोटपटक लागेको छ । उनलाई आक्रमण गर्न भोज चलिरहेको स्थानमा माक्र्स लगाएका अपरिचित व्यक्तिहरू आएको प्रत्यक्षदर्शीहरूले बताएका छन् । ती व्यक्तिले कार्कीको दुवै पिँडुलामा रड प्रहार गरेको बताइएको छ ।
उनले सो जग्गा खरिदमा ठूलो आर्थिक चलखेलको दलिल पेस गर्दै सो खरिदले बैंक डुब्ने दाबी गरेका थिए । त्यसैले, सो खरिद प्रक्रिया रोक्नुपर्ने सञ्चालक कार्कीको माग थियो । उनले २०७५ मंसिर २८ गते बसेको जग्गा खरिद समितिको बैठकमा राखेको असहमतिको रायसमेत सञ्चालक समितिमा छलफल नगराइएकाले उक्त असहमतिलाई समावेश गर्न माग राखेका थिए । अहिले तरलताको अभाव र पुँजीको कमी रहेको सन्दर्भमा ९ करोडको जग्गा र त्यसमा घरसमेत बनाउँदा २ अर्बभन्दा बढी खर्च हुने र त्यस्तो खर्च बैंकको पुँजी कोषको २५ प्रतिशतभन्दा बढी हुने हुनाले हाल जग्गा खरिद गर्न उपयुक्त नहुने उनको राय थियो । त्यस्तै उनले खरिद गर्न लागेको जग्गाको स्थान बैंकिङ कर्पोरेटका लागि अनुपयुक्त र मूल्य पनि प्रचालित बजार मूल्यभन्दा बढ्ता रहेको उनको दाबी छ । सो बैंकको सीईओ ज्ञानेन्द्र ढुंगाना छन् भने अध्यक्षमा बंगाली नागरिक जलाल अहमद रहेका छन् । यसैगरी बोर्ड सदस्यहरूमा इन्द्रबहादुर थापा, मुकुन्दनाथ ढुंगेल, मोहम्मद शाह आलम सरदार, दीपक कार्की र क्यारुन नाहेर अहमद रहेका छन् । बैंकमा ५१ प्रतिशतभन्दा बढी सेयर बंगाली नागरिकहरूकै रहेको छ ।

Leave a Reply

Your email address will not be published. Required fields are marked *

... र यो पनि ...

चक्रपथ

टेलिकमका ग्रहकलाई भारी छुट

ShareTweet काठमाडौं । सम्भव भएसम्म सस्तो मूल्यमा अत्याधुनिक दूरसञ्चार सेवाहरु ग्राहकलाई उपलब्ध गराउँदै आएको नेपाल टेलिकमले असार २७ गते शुक्रबार देखि लागू हुनेगरी- ...
पूरा पढ्नुहोस्

स्रष्टा र सिर्जना

कलाको कदर

ShareTweet हरेक सर्जकले एउटा अपेक्षा सँगालेका हुन्छन्– आफ्नो सिर्जनाले उचित मूल्य पाओस् । त्यस्तो मूल्य भौतिक पनि हुन्छ र आत्मिक पनि । अझ, कला–शिल्पीहरूले त त्यस्तो- ...
पूरा पढ्नुहोस्

नयाँ पुस्तक

काठमाडौंका चुलीहरूको गाइड

ShareTweet काठमाडौं उपत्यकालाई समृद्ध तुल्याउने अजस्र स्रोतहरू हुन्– वरिपरिका डाँडाहरू । उपत्यकावरिपरिका हरियाली वनजंगलले स्वच्छ हावा दिएको छ, पानी दिएको छ र सुन्दरता- ...
पूरा पढ्नुहोस्

छोटकरीमा