24th June 2019, Monday

पीएलाई असुलीको जिम्मा



काठमाडौं । केही समययता उद्योग, वाणिज्य तथा आपूर्तिमन्त्री मातृकाप्रसाद यादव आर्थिक असुलीमा व्यस्त देखिन पुगेका छन् । मन्त्री यादवले आफ्ना निजी सचिवमार्फत आर्थिक असुली गर्ने कार्यलाई तीव्रता दिइरहेका छन् ।
मन्त्री यादवले स्वकीय सचिव सन्तोष विष्टलाई आर्थिक असुली गर्ने कार्यमा सुरुदेखि नै खटाउँदै आएका थिए । तर, पछिल्लो समयमा भने विष्टले मन्त्रीको आदेशअनुरूप आर्थिक असुली र लेनदेनलाई तीव्र तुल्याउँदै आएका छन् । आफूलाई ‘स्वच्छ छवि’का मन्त्रीका रूपमा चिनाउने यादवले स्वकीय सचिव विष्टलाई आर्थिक असुलीको जिम्मा नै दिएर खटाएका छन् ।
स्वकीय सचिव विष्टलाई कुन ठाउँबाट कसरी पैसा असुली गर्ने भन्नेबारे धेरै जानकारी नभएको हुँदा उनले नेपाल नापतौल तथा गुणस्तर विभागका महानिर्देशक विश्वबाबु पुडासैनीको सहयोग लिएर आर्थिक असुली गरिरहेका छन् । महानिर्देशक पुडासैनीकै सहयोग लिएर विभिन्न पेट्रोलपम्प, सिमेन्ट कारखानालगायतबाट पैसा असुल्ने कार्य चलिरहेको बताइन्छ । खासगरी सिमेन्ट कारखानाहरूलाई गुणस्तरहीन र तौल नपुगेको सिमेन्ट उत्पादन गरेको भन्दै उत्पादन नै रोकिदिने धम्की दिएर पैसा असुली गरिरहेको बताइन्छ । महानिर्देशक पुडासैनीले सचिव विष्टलाई त्यस्ता सिमेन्ट उद्योगहरूबारे सूचना दिने र त्यही आधारमा थर्काएर पैसा असुल्ने गरिरहेका छन् ।
मन्त्री यादवका स्वकीय सचिव विष्ट पैसा असुलीका लागि नेपाल खाद्य संस्थानको महँगो गाडी चढेर ठाउँ–ठाउँमा पुग्ने गरेका छन् । मन्त्री यादवको निर्देशनमा मन्त्रालयमातहतका विभिन्न कार्यालयका सातआठवटा गाडी मन्त्रालयको प्रयोजनका लागि भनेर तानिएका हुँदा सचिव विष्टले खाद्य संस्थानको महँगो गाडी चढ्ने अवसर पाएका हुन् । मन्त्री यादवले अरू गाडी भने आफ्ना निकटका मानिसलाई चढ्न दिएका छन् ।
यसरी नै मन्त्री यादवले बन्द अवस्थामा रहेका केही उद्योग लिजमा दिने प्रक्रिया थालेर त्यसबाट पनि कमाउने बाटो फेला पारेका छन् । मन्त्री यादवले बन्द उद्योगहरू निजी कम्पनीलाई लिजमा दिने हेतुले सहसचिव शोभाकान्त पौडेललाई उक्त कार्यमा प्रक्रिया अगाडि बढाउन जिम्मा नै दिएका छन् । यसका निम्ति केही निजी कम्पनीहरूसँग भित्रभित्रै बार्गेनिङसमेत चलिरहेको बताइन्छ । मन्त्री यादवको निर्देशनमा बन्द उद्योगहरू जनकपुर चुरोट कारखाना, हेटांैडा कपडा कारखाना, वीरगन्ज चिनी कारखाना, गोरखकाली रबर उद्योग, बुटवल धागो कारखानालाई निजी क्षेत्रलाई लिजमा दिने प्रक्रिया अघि बढाइएको छ ।

Leave a Reply

Your email address will not be published. Required fields are marked *

... र यो पनि ...

चक्रपथ

नेकपामा प्याकेज छलफल अनिश्चित

ShareTweet काठमाडौं । प्रधानमन्त्री केपी शर्मा ओलीको कार्यशैलीले एकीकरणको बाँकी काम धकेलिँदै जाँदा नेकपाभित्र गुनासो र असन्तुष्टि चुलिँदै गएको छ । पार्टीभित्रको- ...
पूरा पढ्नुहोस्

स्रष्टा र सिर्जना

मसिना अक्षर, खँदिलो लेखन

ShareTweet अक्षर र लेखन मनोविज्ञानबारे मलाई खासै जानकारी छैन । राम्रा अक्षर हुनेहरूलाई परीक्षामा राम्रो अंक प्राप्त हुने कुराचाहिँ सर्वसिद्ध छ । अक्षर सिकाइका क्रममा- ...
पूरा पढ्नुहोस्

नयाँ पुस्तक

वीरेन्द्रको प्रशस्ती

ShareTweet राजदरबारमा शाही पाश्र्ववर्तीका रूपमा १७ वर्ष बिताएका सुन्दरप्रताप रानाले रहस्यमयी दरबार हत्याकाण्ड भएको १८ वर्षपछि दरबारको दुःखान्त नामक पुस्तक बाहिर- ...
पूरा पढ्नुहोस्

छोटकरीमा