16th February 2019, Saturday

E-budhabar

वैद्यनाथको वर्षअघि नै बहिर्गमन



काठमाडौं । सेवा अवधि एक वर्ष बाँकी छँदै नेपाल कृषि अनुसन्धान परिषद् (नार्क) का कार्यकारी निर्देशक डा. वैद्यनाथ महतोले जागिर छाडेका छन् । विवादास्पद छविका डा. महतोलाई निमित्त कार्यकारी निर्देशकबाट हटाएर मन्त्रालयमा तानिएपछि त्यही झोकमा राजीनामा दिएर उनी हिँडेका हुन् ।
तत्कालीन कृषि तथा पशुपन्छी विकासमन्त्री महेन्द्र यादवको पालामा नार्कका निमित्त कार्यकारी निर्देशक हुन सफल भएका डा. महतोले त्यसपछि पनि लामै समय निमित्त चलाउँदै आएका थिए । तर, नार्कको कार्यकारी निर्देशक भएपछि उनले विभिन्न विवादास्पद कार्यहरू गरे । उनलाई वर्तमान मन्त्री चक्रपाणि खनालले हटाउन खोजे पनि सफल हुन सकेका थिएनन् । तर, केही दिनअघि भने डा. महतोलाई मन्त्रालयमा हाजिर गराएर नार्कको निमित्त कार्यकारी निर्देशकको जिम्मेवारी वरिष्ठ कृषि वैज्ञानिक डा. दिलबहादुर गुरुङलाई दिइएको थियो ।
आफूलाई नार्कको कार्यकारी निर्देशकबाट हटाएर मन्त्रालयमा तानिएपछि अपमान गरेको महसुस गर्दै डा. महतोले राजीनामा दिएका हुन् । उनको जागिरेको अवधि एक वर्ष बाँकी थियो । तर, आफूभन्दा कनिष्ठलाई कार्यकारी निर्देशक दिएर मन्त्रालयमा हाजिर गराएपछि उनले त्यही झोंकमा राजीनामा दिएको बताइन्छ ।
नार्कको कार्यकारी निर्देशकमा रहँदा डा. महतोले केही विवादास्पद कामहरूसमेत गरेका थिए । केही समय पहिले वैदेशिक भ्रमणमा कर्मचारीहरूको अनावश्यक लर्को लाग्न थालेपछि प्रधानमन्त्री केपी शर्मा ओलीले वैदेशिक भ्रमणमा कडाइ गरेका थिए । तर, नार्कको कार्यकारी निर्देशकमा रहँदा डा. महतोले भने प्रधानमन्त्रीको निर्देशनलाई लत्याउँदै मोरक्कोको भ्रमण गरेका थिए । मोरक्कोको एउटा कार्यक्रममा नार्कका केही कर्मचारीहरूलाई निम्ता आएपछि डा. महतोले आफ्नै नेतृत्वमा उक्त भ्रमण गर्ने प्रबन्ध मिलाएका थिए । तर, मन्त्रालयले प्रधानमन्त्रीको निर्देशन उल्लंघन हुने ठानी डा. महतोको भ्रमणलाई स्वीकृति नदिएपछि उनी बिदा मिलाएर मोरक्को गएका थिए । बिदा लिएर मोरक्को गएपछि उनलाई मन्त्रालयले स्पष्टीकरणसमेत सोधेको थियो । तर, उनले चित्तबुझ्दो जवाफ नदिएपछि मन्त्री खनालले उनलाई जिम्मेवारीमुक्त तुल्याउन चाहेका थिए । अहिले उनलाई नार्कको कार्यकारी निर्देशकबाट हटाएर मन्त्रालयमा तानेपछि राजीनामा दिएर आफैं हट्न पुगेका छन् ।

 

Leave a Reply

Your email address will not be published. Required fields are marked *

... र यो पनि ...

चक्रपथ

ढुंगा खानी ‘बन्द गराउन’ प्रदेश सरकारलाई ध्यानाकर्षण

ShareTweet हेटौंडा । भीमफेदी गाउँपालिकाकी उपाध्यक्ष पार्वती रानाले भीमफेदी गाउँपालिकामा रहेको सिमेन्ट ढुंगा खानी बन्द गराउन प्रदेश सरकारलाई ध्यानाकर्षण गराएकी- ...
पूरा पढ्नुहोस्

स्रष्टा र सिर्जना

प्रशंसाको भागीदार बन्ने अवसर

ShareTweet स्थानीय तहको निर्वाचनपछि जनप्रतिनिधिहरूले स्थानीय सरकारको बागडोर सम्हाल्न थालेको करिब दुई वर्ष पुग्न लाग्दै छ । करिब–करिब आधा समय व्यतीत गरिसक्नै लाग्दा- ...
पूरा पढ्नुहोस्

नयाँ पुस्तक

बहुआयामिक सिर्जना

ShareTweet कुनै समय साहित्य वृत्तमा मुक्तक विधाले राम्रै स्थान पाएको थियो । मुक्तक विधाको ‘चार्म’ यति धेरै थियो कि काठमाडौंमा नभए पनि पोखरा, धरानजस्ता सहरका साहित्यप्रेमीहरू- ...
पूरा पढ्नुहोस्

छोटकरीमा