25th August 2019, Sunday

E-budhabar
Header Right Side NTC Advertisement

श्रीमती नपरेपछि बबन्डर



काठमाडौं । करिब महिना दिनअघि गठित नेपाल संगीत तथा नाट्य प्रज्ञा–प्रतिष्ठानलाई जबर्जस्ती विवादमा तान्ने काम भएको छ । प्रतिष्ठान गठनका लागि सिफारिस समितिमा रहेका एकजना सदस्य र प्रज्ञासभामा मनोनीत अर्का सदस्यकै कारण प्रज्ञा–प्रतिष्ठानको कामकारबाही रोकिन पुगेको छ ।
करिब महिना दिनअघि कुलपति नारायणभक्त श्रेष्ठ (रायन) को नेतृत्वमा प्रज्ञा–प्रतिष्ठान गठन भएको थियो । तर, गठन भएलगत्तै प्रज्ञासभामा चयन भएका देशभक्त खनाल र विजय विस्फोटले सर्वोच्च अदालतमा मुद्दा दायर गरे । उनीहरूले प्रज्ञा–प्रतिष्ठान गठन समावेशी नभएको र विधागत प्रतिनिधित्वसमेत नभएको भन्दै मुद्दा दायर गरेका थिए । मुद्दा दायर भएपछि प्रज्ञा–प्रतिष्ठानको प्राज्ञहरूका चयनका लागि गठित समितिका एकजना सदस्य श्रीराम पौडेलले भने वक्तव्य नै जारी गरेर ‘हामीले सिफारिस गरेको नामभन्दा धेरै नाम थपेर मन्त्रीले प्रधानमन्त्रीसमक्ष बुझाए, त्यसमा मेरो सहमति छैन’ भनेर आफ्नो असहमति जाहेर गरेका थिए । गएको माघ ९ गते सर्वोच्च अदालतमा उक्त मुद्दाको पेसी हुँदा पौडेल स्वयं उपस्थित भई आफ्नो असहमति जाहेर गरेका थिए । सिफारिस समितिकै सदस्यको असहमति रहेपछि सर्वोच्च अदालतले माघ ९ गते अन्तरिम आदेश जारी गर्दै आगामी फागुन १२ गते प्रज्ञा–प्रतिष्ठानका पदाधिकारीहरूलाई कामकाज नगर्न आदेश दिएको छ ।
तर, सिफारिस समितिका सदस्य पौडेलले असहमति जनाउनुमा भने आफ्नै श्रीमती प्राज्ञ–परिषद्मा नपर्नु मुख्य कारण रहेको बताइन्छ । उनी आफ्नी श्रीमती सरोजनी तन्डुकारलाई प्राज्ञ–परिषद् सदस्य बनाउन चाहन्थे । समितिमा क–कसको नाम सिफारिस गर्ने भन्ने विषयमा छलफल चल्दा उनले आफ्नी श्रीमतीको नाम सिफारिस गरेका थिए । तर, समितिका अरू सदस्यहरूले भने ‘आफैं समितिमा बसेर आफ्नी श्रीमतीको नाम सिफारिस गर्दा राम्रो सन्देश जाँदैन, नगर्नुस्’ भनेर उनलाई आग्रह गरेका थिए । तर, उनले ढिपी गरेका कारण उनको श्रीमतीको नाम पनि सिफारिस भएको थियो । तर, सिफारिस भए पनि प्रज्ञा–प्रतिष्ठान गठन हुँदा भने पौडेलकी श्रीमती परिनन् ।
प्रज्ञा–प्रतिष्ठान गठनको विरोधमा अदालतमा मुद्दा दायर गर्ने देशभक्त खनाल र विजय विस्फोटले भने आफूहरू प्राज्ञ हुन नपाएको झोंकमा मुद्दा दायर गरेको बताइन्छ । खनालले प्राज्ञ–परिषद्मा बस्न रुचि देखाएका थिए र प्रयत्नसमेत गरेका थिए । तर, उनलाई प्राज्ञसभामा मात्र मनोनयन गरिएको थियो । उनले प्राज्ञसभामा आफूलाई पारेपछि मुद्दा दायर गर्न चासो देखाएका थिए । मुद्दा दायर गर्ने विस्फोटको पनि प्राज्ञ–परिषद्मा जाने चाहना थियो । विस्फोटले यसअघि गठन भएको प्रज्ञा–प्रतिष्ठानमा पनि जान रुचि देखाएका थिए तर उनी पर्न सकेनन् । यसपटक पनि उनी प्राज्ञ–परिषद् सदस्य बन्न धेरै नै मरिमेटेर लागेका थिए । आफू नपरेपछि उनले प्रज्ञा–प्रतिष्ठान गठन समावेशी नभएको भन्दै मुद्दा दायर गर्न पुगेको बताइएको छ ।

Leave a Reply

Your email address will not be published. Required fields are marked *

... र यो पनि ...

चक्रपथ

नेकपामा कुन नेतालाई के जिम्मेवारी ?

ShareTweet काठमाडौं । नेपाल कम्युनिस्ट पार्टी (नेकपा) को गत शनिबार र आइतबार बसेको सचिवालय बैठकले पार्टीका केन्द्रीय विभागहरूको प्रमुख तथा उपप्रमुख र जनवर्गीय संगठनका- ...
पूरा पढ्नुहोस्

स्रष्टा र सिर्जना

निभ्यो समृद्ध ज्ञान–पुञ्ज

ShareTweet नेपाली भाषा, साहित्य, संस्कृति, दर्शन र पत्रकारिता जगत्का मनिषि मदनमणि दीक्षितको दुःखद अवसानले पूर्वीय दर्शन र चिन्तन परम्पराको क्षेत्रमा शून्यता प्रतीत- ...
पूरा पढ्नुहोस्

नयाँ पुस्तक

‘मित्रताको आकाश’मा इन्द्रधनुषी विम्ब

ShareTweet पूर्वरंग संस्कृत साहित्यको नीतिवचनमा एउटा भनाइ छ– संसार विषवृक्षस्य द्वेफले अमृतोपमे । काव्यामृत रसास्वाद संलाप सज्जनैः सह ।। नीतिवचन संग्रह ६।७ अर्थात्- ...
पूरा पढ्नुहोस्

छोटकरीमा