17th August 2019, Saturday

E-budhabar
Header Right Side NTC Advertisement

झिटीगुन्टा बोकेर फर्कंदै लक्की



काठमाडौं । आफ्नै सहयोगीले मानव तस्करीको आरोप लगाएपछि बदनाम भएकी राजदूत लक्की शेर्पा अन्ततः आज अस्ट्रेलियाबाट नेपाल फर्कर्दै छिन् । नेपाल फर्केर राजीनामा दिने गरी उनी आफ्ना सबै झिटीगुन्टा बोकेर फर्कन लागेको स्रोतले बतायो । आफ्ना चालक वाङ्छु शेर्पाबाट पैसा खानुका साथै उनीमार्फत अस्ट्रेलिया मानव तस्करी गर्न पैसा उठाएको पोल खुलेपछि करिब एक महिनाअघि नेपाल झिकाइएकी लक्कीले पद जोगाउन निकै कसरत गरेकी थिइन् । तर, कसैगरी पद नजोगिने पत्तो पाएपछि उनी केही दिनअघि अस्ट्रेलिया गएकी थिइन् ।
यसअघि नै सरकारले उनलाई बर्खास्त गर्ने तयारी गरे पनि लक्कीले एकपटक अस्ट्रेलिया गएर बिदाइ भेट गरेर फर्किने इच्छा देखाएकाले कारबाही हुन सकेको थिएन । उनका व्यक्तिगत प्रयोजनका सामानदेखि अरू मिलाउनुपर्ने कामहरू बाँकी नै रहेकाले एकपटक अस्ट्रेलिया जानैपर्ने र कूटनीतिक उन्मुक्तिबिना त्यहाँ जाँदा गिरफ्तारीमा पर्ने सम्भावना भएकाले एक साताका लागि जान दिइएको थियो । आज फर्केलगत्तै उनले राजीनामा दिने स्रोतले बतायो ।
उनलाई कारबाही नगरे नेपाल सरकारमाथि तीनवटा समस्या आउने खतरा देखिएपछि उनलाई राजीनामा दिन सुझाइएको थियो । पहिलो, उनीमाथि अस्टे«लियामा उनकै चालकले मुद्दा दिएका कारण कूटनीतिक उन्मुक्ति खतम हुनासाथ उनी गिरफ्तारीमा पर्ने सम्भावना । दोस्रो, त्यसो नभए पनि उनलाई त्यहाँको श्रमसम्बन्धी कार्यालयले चालकको श्रम शोषण गरेकोमा बयानका लागि बोलाइदिन सक्ने । र तेस्रो, श्रम कानुनको उल्लंघन र कूटनीतिक मर्यादा कायम नगरेको अभियोगमा उनलाई देशनिकाला (पर्सना ननग्राटा) गर्न सक्ने सम्भावना । यी सम्भावना सुनाएपछि उनी गत साता बिदाइ भेट गरेर फर्केर आउने र राजीनामा दिने भन्दै अस्ट्रेलिया गएकी थिइन् ।
नेपाल बसाइका क्रममा उनले पद जोगाउन कुनै कसर बाँकी राखेकी थिइनन् । नेकपा (तत्कालीन एमाओवादी) का अध्यक्ष पुष्पकमल दाहालको कोटाबाट राजदूत नियुक्त भएकी उनले दाहाल निवास खुमलटार धाउदै अध्यक्ष दाहाल र उनकी छोरी गंगालाई भेटेर दिनदिनै दिवंगत प्रकाश दाहालको नाम लिएर इमोसनल ब्ल्याकमेलिङसम्म गरेकी थिइन् ।

Leave a Reply

Your email address will not be published. Required fields are marked *

... र यो पनि ...

चक्रपथ

कसले लग्यो गैंडाको खाग र बाघको जुँगा ?

ShareTweet काठमाडौं । सिंहदरबारस्थित पुरानो प्रधानमन्त्री तथा मन्त्रिपरिषद् कार्यालयको बेलायती बैठकमा सजाइएको अखेटपहारहरू हराएपछि त्यसको चोरी गर्ने चोरको खोजी- ...
पूरा पढ्नुहोस्

स्रष्टा र सिर्जना

नगुन्जिएको एउटा जिन्दगी

ShareTweet ‘वैरीहरू आफ्नै कुकृत्यहरूले उदांगियून् आफ्नै मुर्खतापूर्ण प्रयासले पराजित होऊन् हास्यास्पद तर्कहरू न्यायले शान्तिले समानताका गुञ्जले गुञ्जित होऊन्- ...
पूरा पढ्नुहोस्

नयाँ पुस्तक

जातीय विभेदविरुद्ध अडिग

ShareTweet नेपाली समाजलाई परिवर्तनको लहरले स्पर्श गरे पनि जातीय विभेद र छुवाछुतका प्रकरणमा भने अझै पनि संकुचित र निर्मम नै प्रतीत हुन्छ । आधुनिक विकास र परिवर्तनका- ...
पूरा पढ्नुहोस्

छोटकरीमा