3rd April 2020, Friday

E-budhabar
Header Right Side NTC Advertisement

भ्रष्टाचार दाग नमेटिँदै तस्करी

काठमाडौं । दुई दिनअघि विशेष अदालतमा सशस्त्र प्रहरीका पूर्वप्रमुखहरूको भ्रष्टाचारसम्बन्धी मुद्दाको सुनुवाइ थियो । सामान्य साक्षीको बयान दिएर त्यसलाई स्थगित गरिएको छ । यही कारणले विगतमा संगठनको नेतृत्व अकूत सम्पत्तिमा तानिएपछि गिरेको साख अझै यसले उठाउन सकेको छैन । अर्धसैन्य बल सशस्त्र प्रहरी आफ्नो जिम्मेवारी अझै बढाउने तयारीमा छ । तत्कालीन विद्रोही माओवादीसँग लड्न स्थापना गरिएको सशस्त्रलाई सीमा सुरक्षा, औद्योगिक सुरक्षा, भन्सार, उच्चपदस्थको सुरक्षा, दूतावास सुरक्षालगायत १३ वटा विभिन्न जिम्मेवारी दिएको भए पनि यसले कार्यक्षेत्र विस्तारमा कुनै कसर बाँकी राखेको छैन । अहिले त विभन्न विभाग र गण गुल्मको नामसमेत अंकमा परिवर्तन गर्न थालेको छ । अन्तर्राष्ट्रिय अवधारणामा लैजाने भन्दै गण गुल्मको नाम परिवर्तन गर्न थालेको हो ।
सांगठनिक व्यवस्थापनमा जहिल्यै विवादमा तानिँदै आएको सशस्त्र प्रहरी बल अहिले पनि विवादमुक्त बन्न सकेको छैन । सशस्त्र प्रहरीको नेतृत्व पटकपटक अकूत सम्पत्तिमा तानियो । सशस्त्र प्रहरीका पूर्वमहानिरीक्षक सनत बस्नेत, शैलेन्द्र श्रेष्ठ, वासुदेव ओली र कोषराज वन्तको अकूत मुद्दा अहिले पनि विशेष अदालतमा कायमै छ । उनीहरूले सशस्त्र प्रहरीको सामान खरिद प्रकरणमा करोडौं रुपैयाँ आर्जन गरेको आरोप लाग्दै आएको छ ।
नेतृत्व परिवर्तनसँगै संगठन पारस्परिक ढंगले बलियो हुनुपर्ने सशस्त्रमा अहिले पनि सांगठनिक व्यवस्थापन औचित्यपूर्ण हुन सकेको छैन । नेतृत्वले गुटगत स्वार्थ हेर्दा नियमावलीमै समावेश गरिएको विषयले पूर्णता पाएको छैन । नियमावली प्रारम्भ भएको तीन महिनाभित्र सशस्त्र प्रहरी सेवा साधारण समूहअन्तर्गत कानुन र लेखा उपसमूह दरबन्दी सिर्जना गरिने र सोहीअनुसार कर्मचारी मिलान गर्ने उल्लेख गरिएको थियो । तर, दरबन्दी सिर्जना पनि भयो । तर, अहिलेसम्म लेखा र कानुन उपसमूहमा दरबन्दी मिलान गरिएको छैन । उल्टै खारेज गर्ने तहसम्म पुगिसकेको छ । महानिरीक्षक शैलेन्द्र खनालले कानुन र लेखा समूह खारेज गर्नुपर्ने प्रस्ताव गृह मन्त्रालयसम्म मात्रै पु¥याएका छन् । एआईजीको संयोजकत्वमा एउटा समिति बनाएर यी दुई उपसमूह खारेज गर्नुपर्ने प्रतिवेदन तयार गरेका थिए ।
उनी आएपछि सशस्त्रको मुख्य जिम्मेवारी सीमा सुरक्षा नै अहिले फितलो बनेको छ । ८७ वटा बोर्डर आउट पोस्ट (बीओपी) र २१ वटा सीमा सुरक्षा कार्यालय (बीएसओ) को भूमिकालार्ई अहिले खुम्च्याइएको छ । १२ वटा गणलाई गुल्ममा गाभिएको छ । प्रत्येक बीओपीमा ५० जनाको दरबन्दी र प्रहरी निरीक्षकको कमान्डमा खटिँदै आएका थिए । तर, अहिले त्यसलाई खुम्च्याएर एउटा बीओपीमा १२ जना त्यो पनि असइको कमान्ड छ । सीमा जस्तो संवेदनशील ठाउँमा आफ्नो प्रभाव बढाउनुपर्नेमा सशस्त्रले भूमिका खुम्याइदिएपछि सीमा सुरक्षा फितलो बनेको छ । भारतले नेपाली सीमामा ५ सय ३० वटा बीओपी स्थापना गरेर पहरा दिइरहेको छ । तर, नेपाली सीमामा सशस्त्रका ८७ वटा मात्रै बीओपी छन् ।
नियमावलीअनुसार क्रमशः हुनुपर्ने बढुवा प्रक्रियासमेत रोकिएका छन् । अहिले सशस्त्रमा साधारण समूहतर्फ ४० एसपी, १५ डीएसपी, ५० इन्सपेक्टर, कानुन र लेखातर्फ तीन÷तीनवटा एसपी डीएसपी र इन्सपेक्टरको दरबन्दी खाली छ । स्वास्थ्य उपसमूहमा एसएसपी र चारजना एसपी पद लामो समयदेखि रिक्त छन् । साधारण समूहमा एउटै पदमा १६ वर्षदेखि कार्यरत सशस्त्र प्रहरी अधिकृत छन् । १८ महिनादेखि दरबन्दी खाली भए पनि महानिरीक्षक खनालले पूर्ति गर्नेतर्फ प्रयास गरेको देखिँदैन । राज्य व्यवस्था समितिले पुस २५ गते गृहमन्त्री रामबहादुर थापा र गृहसचिव प्रेमकुमार राईलाई बोलाएर सशस्त्र प्रहरीभित्र नियमावलीले समेटेका कर्मचारीको वृत्ति विकास नरोक्न भनेको थियो ।
समितिले राज्यले दिएको जिम्मेवारीलाई प्रभावकारी रूपमा पूरा गरे पनि सीमा सुरक्षा, राजस्व चुहावट, लागुऔषध ओसारपसार नियन्त्रण र सीमा अपराध रोक्न थप प्रभावकारी रूपमा पूरा गर्न गृहमन्त्री थापाको ध्यानाकर्षण गराएको थियो । समितिको निर्देशन १५ दिन बितिसक्दा पनि पालना भएको छैन ।
तस्करी रोकिएन
प्रहरीले माघ ११ राति वीरगन्जको पोखरिया सडकखण्डको तिलावे पुलबाट ५ सय बोरा केराउले भरिएको ट्रक पक्राउ गर्यो । ट्रक पक्राउ परेको भोलिपल्ट केही व्यवसायीहरूले प्रहरीविरुद्ध नाराबाजी गरे । टायर बालेर सडक अवरुद्ध पारे । प्रहरीले लाठीचार्ज ग¥यो, केही घाइते भए । घाइते हुनेमा चारजना पत्रकार पनि थिए । ६÷७ जना व्यवसायीलाई प्रहरीले नियन्त्रणमा लियो । हुलदंगा गरेको आरोपमा पक्राउ पर्नेमा पर्सा विन्ध्यवासिनी गाउँपालिका–४ का उत्तम तिवारी भनिने निरञ्जन तिवारी, चिन्टु भनिने शंकरपुकार तिवारी, सोनालाल साह, रवि गुप्ता, दामोदर तिवारी, सन्तोष गुप्ता र नवलकिशोर साह थिए । ना४ख १२२ नम्बरको ट्रकमा २५ टन (पाँच सय बोरा) केराउ लोड गरी बहुअर्वा गोदाममा गइरहेको अवस्थामा प्रहरीले तिलावे पुलबाट ट्रक पक्राउ गरेको थियो । व्यवसायीहरूले भारतीय सीमा नाकाभन्दा सात किलोमिटर वरै ट्रक पक्राउ गरेकोमा प्रहरीको विरोध गरेको थियो । प्रहरीलाई घुस नदिएकाले केराउ लोड भएको ट्रक पक्राउ गरेको व्यवसायीहरूले बताएका थिए ।
तस्करीको कपडामा पनि सशस्त्रको आँखा
सशस्त्र प्रहरीले वीरगन्जबाट धानसँगै लुकाएर ल्याएको ठूलो परिमाणमा कपडा बरामद गरेको थियो । सशस्त्र प्रहरीले ना२त १६४८ नम्बरको ट्याक्टरमा धानको बोराले छोपेर ल्याउँदै गरेको ५० बण्डल कपडा बरामद गरेपछि व्यवसायीसँग बार्गेनिङ गरेको खुलेको छ । अवैध रूपमा भन्सार छलेर ल्याउँदै गरेका साडी, कुर्ता सलवार, सर्टिङ सुटिङ, सर्ट पाइन्टका थान कपडा बरामद भएको थियोे कपडाको बजार मूल्य ६० लाख रूपैयाँ हुने अनुमान गरिएको थियो ।

Leave a Reply

Your email address will not be published. Required fields are marked *

... र यो पनि ...

  • प्रदेश प्रमुखकसँग राष्ट्रपति रुष्ट

    काठमाडौं । संवैधानिक भूमिका र पदीय मर्यादालाई बिर्सिंदै राजनीतिक दलका प्रमुखको निवासमा पुगेर मागपत्र पेस गरेको सूचना पाएपछि राष्ट्रपति विद्या भण्डारी प्रदेश प्रमुखहरूसँग रुष्ट भएकी छन् । प्रदेश प्रमुखहरूको त्यस्तो कदमले लज्जाबोध गराएको भन्दै संविधानविद्ले चिन्ता व्यक्त गरेका छन् भने आमनागरिकसमेत आक्रोशित भएका छन् । प्रसंग गत २ गतेको हो...
  • रोकिएन हायातको मनपरी

    काठमाडौं । २७ वर्षअघि अर्थात् २०४९ सालदेखि आफूखुुसी गर्दै आएको तारागाउँ रिजेन्सी होटल्स लिमिटेडको मनपरी अझै रोकिएको छ । होटलले फेरि आफूखुसी सम्पत्ति तथा दायित्व मूल्यांकन (डीडीए) गराउने चलखेल सुरु गरेको छ । घाटा देखाउँदै नेपाल सरकारको लगानी ३९.६७ प्रतिशतबाट घटेर ९.०१ प्रतिशत घटाएको हायातले फेरि चलखेल सुरु गरेको हो...
  • दलाली गर्दै, पुरस्कार दिँदै

    काठमाडौं । साहित्यका नाममा दलाली गर्नेहरूको हामीकहाँ कमी छैन । लामो समयदेखि विभिन्न शक्तिकेन्द्र र व्यक्तिहरूलाई प्रभावमा पारेर साहित्यकै नाममा दलाली गर्दै आएको नइ प्रकाशनले राखेका विभिन्न पुरस्कारहरूको स्रोतहरू के हुन् भन्नेचाहिँ अहिलेसम्म गुपचुप नै देखिन्छ । नरेन्द्रराज प्रसार्इं र इन्दिरा प्रसाईंले दुई दशकअघि स्थापना गरेको नइ प्रकाशनले हरेक व्यवस्था...

चक्रपथ

बीजकोयाका हाकिमको यो हर्कत

काठमाडौं । प्रजनन पिँढी बीजकोया स्रोत केन्द्र बन्दीपुर तनहुँका हाकिम शंकरप्रसाद न्यौपानेको चर्तिकलाले सीमा नाघेको छ । अवकाशको केही महिना बाँकी रहँदा वरिष्ठ बाली संरक्षण अधिकृतको हैसियतमा रहेका उनले अनियमिता र भ्रष्टाचारको शृंखला नै चलाएको भन्दै सर्वत्र गुनासो आएको छ । माहुरी, च्याउ, रेशम खेतीलगायत बालीको विकास, विस्तार र अनुसन्धानसमेतको...
पूरा पढ्नुहोस्

स्रष्टा र सिर्जना

‘गीता’ को राजनीति

कुनै वैचारिक मुद्दाका आधारमा नभई व्यक्तिगत टकरावको उत्पत्ति हुँदा विभाजनको पीडा झेल्ने नेपालका सीमित राजनीतिक दलमा पूर्वपञ्चहरूको पार्टी राष्ट्रिय प्रजातन्त्र पार्टीले बदनामी कमाउँदै आएको छ । विभाजन र एकताको अनेक अभ्यास गरिसकेको सो पार्टी पछिल्लो समय फेरि एकताको सूत्रमा बाँधिएको छ । पछिल्लो समय तीन समूहमा विभाजित राप्रपा केही दिनपूर्व...
पूरा पढ्नुहोस्

नयाँ पुस्तक

फरक स्वरध्वनि

तीन दशकयता कविता–कर्म र साधनामै व्यस्त छन्, वीरु बाङ्देल । सिक्किमका बासिन्दा बाङ्देलले नेपाली भाषामा उम्दा काव्य सिर्जना गरेर पृथक पहिचान बनाउँदै आएका छन् । कवितालाई नै लेखनको मूल विषय बनाएका उनले आजको समाज र राजनीतिक परिस्थितिहरूको भित्री यथार्थको अभिव्यक्ति धेरै नै प्रभावशाली ढंगले पस्किँदै आएका छन् । उनको पछिल्लो...
पूरा पढ्नुहोस्

छोटकरीमा

  • चिरायुको कर्जा फाइल किन गायब ?

    काठमाडौं । पदीय दुरुपयोगको चरम नमुना हेर्नुपरे नेपाल राष्ट्र बैंकका डेपुटी गभर्नर चिन्तामणि सिवाकोटीले आफू पदमा रहँदा गरेका अनियमित कार्यहरू हेरे पुग्छ । विगतमा आफूले गरेका अनियमित कार्यहरूबाट सफाइ पाएको दाबी सिवाकोटीले गरे पनि कतिपय कसुरमा भने उनीमाथि कारबाही भएको छैन । डेपुटी गभर्नर भएपछि सिवाकोटीले चिरायु अस्पतालको कर्जा प्रवाह...
  • म्याट्रेस खरिदको १५ करोड फ्रिज हुने खतरा

    काठमाडौं । सरकारले दिएको पैसा समयमा नै खर्च गर्न नसक्दा नेपाल प्रहरीको म्याटेस खरिदका लागि छुट्याएको १५ करोड ४० लाख रुपैयाँ फ्रिज हुने अवस्था देखिएको छ । आर्थिक वर्ष सकिन अब चार महिना मात्र बाँकी छ । यो चार महिनामा नेपाल प्रहरीले खरिद गर्न सक्ने अवस्था नरहेको बताइन्छ । यो...
  • मुद्दती खाताको परिचय नै फे¥यो एनआईसीले

    काठमाडौं । एनआईसी एसिया बैंकले मुद्दती खातामा उच्च ब्याजदर सँगै २१ लाख रुपैयाँसम्मको बिमा सुविधा पनि दिँदै आएको छ । सर्वाधिक उच्च ब्याजदर पाइने खाताका रूपमा चिनिएको मुद्दती निक्षेप खातामा एनआईसी एसिया बैंकले न्यु सुपर चामत्कारिक मुद्दती निक्षेप खाता खोलेकै आधारमा बिमा सुविधा पनि थप गरेको हो । यसअघि विभिन्न...