11th July 2020, Saturday

E-budhabar
Header Right Side NTC Advertisement

देव विकास बैंकसँग ग्राहक त्रसित

काठमाडौं । तपाईंले देव विकास बैंकमा पैसा राख्नुभएको छ भने अब सचेत हुनुपर्ने भएको छ । किनकि, त्यहाँ बैंकका मेनेजर नै मिलेमतोमा किर्ते गरी सर्वसाधारणको रकम ठगी गर्ने गिरोहलाई ऋण दिने गर्छ । पछिल्लो समय सो कुराको प्रमाणित भएपछि अहिले सो बैंकका ग्राहकहरू त्रसित भएका छन् ।
देव विकास बैंकको विभिन्न शाखाहरूबाट सवारी कर्जा लिने ११ जना व्यक्ति पक्राउ परेका छन् । प्रहरीको केन्द्रीय अनुसन्धान ब्युरो सीआईबीले ठगी गर्ने आठजनालाई पक्राउ गरेको हो । आठजनाले कार्यालयको कर्मचारी र मूल्यांकनकर्तालाई सवारीसाधन देखाई यातायात कार्यालयबाट प्राप्त प्रतिलिपि ब्लुबुकमा गलत विवरणसहित सहीछाप गरी सुरक्षणस्वरूप बैंकमा धितो राखी रकम निकासा गरेका थिए ।
विभिन्न ११ वटा ऋणीहरूको नाममा नक्कली कागजातहरू तयार पारी कर्जा लिई बैंकलाई हानिनोक्सानी गर्ने कार्यको मुख्य योजनाकार नारायणबहादुर श्रेष्ठ रहेको सिआइबीले जनाएको छ । आठजना मानिसलाई मिति गत मंसिर २५ गतेदेखि विभिन्न मितिमा मोरङ, काभ्रे र काठमाडौंलगायत स्थानबाट पक्राउ गरिएको हो ।
उनीहरूविरुद्ध बैंकिङ कसुर तथा सजाय ऐन, २०६४ तथा मुलुकी ऐनको सरकारी छाप दस्तखत किर्ते कागजको महलबमोजिमको कसुरमा समेत अनुसन्धान पूरा गरी बैंकिङ कसुरतर्फको अनुसन्धान प्रतिवेदन विशेष सरकारी वकिल कार्यालय माइतीघर काठमाडौं र सरकारी छाप दस्तखत किर्तेतर्फको अनुसन्धान प्रतिवेदन सरकारी वकिल कार्यालय काठमाडौं र ललितपुरसमक्ष पेस गरिएको छ । पक्राउ गरिएका व्यक्तिहरूमा काभ्रे साबिक सापिङ–४ हाल भुम्लु गाउँपालिका–१ स्थायी वतन भएका वर्ष ३६ को नारायण श्रेष्ठ, काभ्रे साबिक सापिङ–४ हाल भुम्लु–१ स्थाई वतन भएका वर्ष ३० को बालकृष्ण श्रेष्ठ, काभ्रे साबिक सापिङ–४ हाल भुम्लु–१ स्थायी वतन भएका वर्ष ३४ को चेतबहादुर श्रेष्ठ, काभ्रे साबिक सापिङ–४ हाल भुम्लु–१ स्थायी वतन भएका वर्ष २६ को विकास श्रेष्ठ, काभ्रे साबिक सापिङ–४ हाल भुम्लु–१ स्थायी वतन भएका वर्ष ३२ को नवीन श्रेष्ठ, काभ्रे, चौबास–४ हाल गोठाटार काठमाडौं बस्ने वर्ष ४२ को कृष्णबहादुर खत्री, जिल्ला पर्सा, गवहा वीरगन्ज घर भइ हाल ललितपुर ज्वागल–१० बस्ने नेरश मान सिंह अमात्य, कामनपा–२३, बस्ने वर्ष ३७ को सरिन शंकर श्रेष्ठ रहेका छन् । श्रेष्ठ तत्कालीन देव विकास बैकका शाखा प्रबन्धक हुन् । अनुसन्धानबाट देव विकास बैंकमा सवारीसाधन धितो राखी ऋण लिने क्रममा प्रतिलिपि ब्लु वुकमा नक्कली डाटा तयार गर्नुका साथै आफूअनुकूलका विवरणहरू राखी बैंकमा पेस गर्ने गरेको पत्ता लागेको छ । त्यसैगरी उनीहरूले विभिन्न व्यक्तिहरूलाई विभिन्न मितिमा ऋणी बनाई १६ वटा कर्जा फाइल तयार गरी २ करोड ७१ लाख ७६ हजार कर्जा स्वीकृत गर्न सफल भएको र सम्पूर्ण कर्जा फाइलमा आम्दानीको स्रोतमा राखिएको सबारीसाधनको विवरणलगायतको कागजातसमेत नक्कली तयार पारी कर्जा फाइलमा समावेश गरेको पाइएको छ । ऋणी नारायण श्रेष्ठ गाडी किनबेचमा आबद्ध रही यातायात कार्यालयमा सजिलै प्रवेश पाउने हैसियत बनाएको देखिएको र तत्कालीन बैक म्यानेजरले ऋण प्रवाह गर्दा आफ्नो कर्जा सीमा नाघी कर्जा स्वीकृत गरेको बताइन्छ । सो कार्यले हाल बैंकलाई २ करोड १० लाख ८ हजार ९ सय २६ रुपैयाँ हानिनोक्सानी पु¥याएको देखिन्छ ।
सो बैंकको सञ्चालक समिति अध्यक्ष मेजरजनरल बज्र गुरुङ र सञ्चालक सदस्यहरूमा जीवनकुमार कटुवाल, सुदनरत्न बज्राचार्य, भरतबहादुर हमाल, पुरुषोत्तम श्रेष्ठ र विजयकुमार भुसाल रहेका छन् । त्यसैगरी हाल बैंकको सिइओ विजयबहादुर श्रेष्ठ तथा डेपुटी सीईओमा लक्ष्मीप्रसाद श्रेष्ठ रहेका छन् ।

Leave a Reply

Your email address will not be published. Required fields are marked *

... र यो पनि ...

  • डाटा सेवाको अवधी थप

    चैत २७, काठमाडौं । विश्वव्यापी रुपमा कोरोना भाइरसको महामारीले सिर्जना गरेको विषम परिस्थितिका कारण मुलुकमा कायम रहेको लकडाउनको अवस्थामा नेपाल टेलिकमले आफ्ना ग्राहकवर्गलाई भ्वाइस तथा डाटा सेवामा उपलब्ध गराएको स्टे कनेक्टेड अफरको अवधि थप गरेको छ । नेपाल सरकारले तेश्रो पटक लकडाउनको समयावधि थप गरेपछि कम्पनीले ग्राहकहरुको सुविधालाई ध्यानमा राखी...
  • प्रदेश प्रमुखकसँग राष्ट्रपति रुष्ट

    काठमाडौं । संवैधानिक भूमिका र पदीय मर्यादालाई बिर्सिंदै राजनीतिक दलका प्रमुखको निवासमा पुगेर मागपत्र पेस गरेको सूचना पाएपछि राष्ट्रपति विद्या भण्डारी प्रदेश प्रमुखहरूसँग रुष्ट भएकी छन् । प्रदेश प्रमुखहरूको त्यस्तो कदमले लज्जाबोध गराएको भन्दै संविधानविद्ले चिन्ता व्यक्त गरेका छन् भने आमनागरिकसमेत आक्रोशित भएका छन् । प्रसंग गत २ गतेको हो...
  • रोकिएन हायातको मनपरी

    काठमाडौं । २७ वर्षअघि अर्थात् २०४९ सालदेखि आफूखुुसी गर्दै आएको तारागाउँ रिजेन्सी होटल्स लिमिटेडको मनपरी अझै रोकिएको छ । होटलले फेरि आफूखुसी सम्पत्ति तथा दायित्व मूल्यांकन (डीडीए) गराउने चलखेल सुरु गरेको छ । घाटा देखाउँदै नेपाल सरकारको लगानी ३९.६७ प्रतिशतबाट घटेर ९.०१ प्रतिशत घटाएको हायातले फेरि चलखेल सुरु गरेको हो...

चक्रपथ

बीजकोयाका हाकिमको यो हर्कत

काठमाडौं । प्रजनन पिँढी बीजकोया स्रोत केन्द्र बन्दीपुर तनहुँका हाकिम शंकरप्रसाद न्यौपानेको चर्तिकलाले सीमा नाघेको छ । अवकाशको केही महिना बाँकी रहँदा वरिष्ठ बाली संरक्षण अधिकृतको हैसियतमा रहेका उनले अनियमिता र भ्रष्टाचारको शृंखला नै चलाएको भन्दै सर्वत्र गुनासो आएको छ । माहुरी, च्याउ, रेशम खेतीलगायत बालीको विकास, विस्तार र अनुसन्धानसमेतको...
पूरा पढ्नुहोस्

स्रष्टा र सिर्जना

‘गीता’ को राजनीति

कुनै वैचारिक मुद्दाका आधारमा नभई व्यक्तिगत टकरावको उत्पत्ति हुँदा विभाजनको पीडा झेल्ने नेपालका सीमित राजनीतिक दलमा पूर्वपञ्चहरूको पार्टी राष्ट्रिय प्रजातन्त्र पार्टीले बदनामी कमाउँदै आएको छ । विभाजन र एकताको अनेक अभ्यास गरिसकेको सो पार्टी पछिल्लो समय फेरि एकताको सूत्रमा बाँधिएको छ । पछिल्लो समय तीन समूहमा विभाजित राप्रपा केही दिनपूर्व...
पूरा पढ्नुहोस्

नयाँ पुस्तक

फरक स्वरध्वनि

तीन दशकयता कविता–कर्म र साधनामै व्यस्त छन्, वीरु बाङ्देल । सिक्किमका बासिन्दा बाङ्देलले नेपाली भाषामा उम्दा काव्य सिर्जना गरेर पृथक पहिचान बनाउँदै आएका छन् । कवितालाई नै लेखनको मूल विषय बनाएका उनले आजको समाज र राजनीतिक परिस्थितिहरूको भित्री यथार्थको अभिव्यक्ति धेरै नै प्रभावशाली ढंगले पस्किँदै आएका छन् । उनको पछिल्लो...
पूरा पढ्नुहोस्

छोटकरीमा

  • चिरायुको कर्जा फाइल किन गायब ?

    काठमाडौं । पदीय दुरुपयोगको चरम नमुना हेर्नुपरे नेपाल राष्ट्र बैंकका डेपुटी गभर्नर चिन्तामणि सिवाकोटीले आफू पदमा रहँदा गरेका अनियमित कार्यहरू हेरे पुग्छ । विगतमा आफूले गरेका अनियमित कार्यहरूबाट सफाइ पाएको दाबी सिवाकोटीले गरे पनि कतिपय कसुरमा भने उनीमाथि कारबाही भएको छैन । डेपुटी गभर्नर भएपछि सिवाकोटीले चिरायु अस्पतालको कर्जा प्रवाह...
  • म्याट्रेस खरिदको १५ करोड फ्रिज हुने खतरा

    काठमाडौं । सरकारले दिएको पैसा समयमा नै खर्च गर्न नसक्दा नेपाल प्रहरीको म्याटेस खरिदका लागि छुट्याएको १५ करोड ४० लाख रुपैयाँ फ्रिज हुने अवस्था देखिएको छ । आर्थिक वर्ष सकिन अब चार महिना मात्र बाँकी छ । यो चार महिनामा नेपाल प्रहरीले खरिद गर्न सक्ने अवस्था नरहेको बताइन्छ । यो...
  • मुद्दती खाताको परिचय नै फे¥यो एनआईसीले

    काठमाडौं । एनआईसी एसिया बैंकले मुद्दती खातामा उच्च ब्याजदर सँगै २१ लाख रुपैयाँसम्मको बिमा सुविधा पनि दिँदै आएको छ । सर्वाधिक उच्च ब्याजदर पाइने खाताका रूपमा चिनिएको मुद्दती निक्षेप खातामा एनआईसी एसिया बैंकले न्यु सुपर चामत्कारिक मुद्दती निक्षेप खाता खोलेकै आधारमा बिमा सुविधा पनि थप गरेको हो । यसअघि विभिन्न...