18th September 2019, Wednesday

E-budhabar
Header Right Side NTC Advertisement

प्रशासनका कर्मचारीलाई ‘चिची–पापा’



काठमाडौं । प्रशासन समूहका कर्मचारीहरू दरबन्दी बढाएर संघमै रहेपछि अरू समूहका कर्मचारीहरू आक्रोशित भएका छन् । अरू समूहका कर्मचारीहरूले आफूहरूलाई पनि संघमातहतमै राख्नुपर्ने कुरा जोडदार रूपले उठाउन थालेका छन् ।
सरकारले पर्सि फागुन ३ गतेसम्म कर्मचारी समायोजन सक्ने गरी कार्य अघि बढाए पनि अहिलेसम्म ५० प्रतिशत कर्मचारीको मात्रै समायोजन हुन सकेको छ । आधा कर्मचारीहरूको समायोजन हुन बाँकी नै रहेको हुँदा कर्मचारी समायोजन निर्धारित समयभन्दा अझ पर धकेलिने देखिएको छ । तर, अहिलेसम्म प्रशासनतिरका सचिव, सहसचिव, उपसचिव र शाखा अधिकृतहरूको समायोजन सकिएको छ । प्रशासनतिरका प्रायः सबैजसो कर्मचारीहरूले दरबन्दी बढाएर संघमातहतमै रहेका छन् । प्रशासनतिरको ८८ जना शाखा अधिकृत मात्र स्थानीय र प्रदेशमातहत समायोजन भएका छन् । तर, उनीहरूले संघीय मामिला तथा सामान्य प्रशासन मन्त्रालयबाट पत्र भने बुझिसकेका छैनन् ।
तर, प्राविधिकतर्फका उपसचिवहरूको भने अझै समायोजन हुन सकेको छैन । शिक्षा, स्वास्थ्य, लेखा, इन्जिनियरिङ समूहका उपसचिवहरू समायोजनमा पर्नै बाँकी छ । यी समूहका उपसचिवहरूको केही दिनभित्रै स्थानीय र प्रदेश तहमा समायोजन हुने बताइन्छ । प्रशासनतिरका सुब्बा र खरिदार तहका कर्मचारीहरूको भने समायोजन भइसकेको छ ।
स्वास्थ्य सेवाका कर्मचारीहरू भने समायोजनप्रति सन्तुष्ट देखिएका छैनन् । आफूलाई संघमातहतमा नराखी प्रदेश र स्थानीय तहमातहत समायोजन गरिएको भन्दै उनीहरूले केही दिनअघि स्वास्थ्य मन्त्रालयमा धर्ना दिएका थिए । तर, धर्ना दिइरहेको बेला प्रहरीले हस्तक्षेप गरी धर्नास्थलबाट उठाएपछि उनीहरू झनै आक्रोशित बन्न पुगेको बताइन्छ ।
त्यसो त, कर्मचारी समायोजनका सबै काम सफ्टवेयरले गर्ने हल्ला मच्चाए पनि सफ्टवेयरले भनेजस्तो काम नगरेको बताइन्छ । ५० लाख रुपैयाँ खर्च गरेर जडान गरिएको सफ्टवेयरले समायोजनका सबै काम एक हप्ताभित्र सिध्याउने कुरा मन्त्री लालबाबु पण्डितलाई सचिव, सहसचिवहरूले बताएका थिए । तर, सफ्टवेयरले न त समायोजन नै भयो, न त एक हप्ताभित्र नै सबै काम सकियो । अहिले यही विषयलाई लिएर कर्मचारीहरूले आफूहरूलाई झुक्याउन सफ्टवेयरको हल्ला मच्चाइएको बताउन थालेका छन् ।

Leave a Reply

Your email address will not be published. Required fields are marked *

... र यो पनि ...

चक्रपथ

३ नम्बर प्रदेशमा संविधान दिवसको भव्य तयारीे

ShareTweet काठमाडौं । संविधान दिवसको अवसरमा ३ नम्बर प्रदेश सरकारले विविध कार्यक्रमहरू गर्ने भएको छ । सोमबार प्रदेशका मुख्यमन्त्री डोरमणि पौडेलको संयोजकत्वमा दिवस- ...
पूरा पढ्नुहोस्

स्रष्टा र सिर्जना

तिमी कहाँ सुरक्षित छौ ?

ShareTweet कुनै महिलाका निम्ति सुरक्षित ठाउँ कुन होला ? घर, विद्यालय वा सार्वजनिक स्थल ? केही दिनपूर्व वीरगन्जकी एउटी किशोरीको अनुहारमा दुई किशोरले एसिड छ्यापे । एकान्त- ...
पूरा पढ्नुहोस्

नयाँ पुस्तक

प्रेममा तरंगित सिर्जना

ShareTweet युवा–सर्जक हरिराम पौडेलको गीति–सिर्जना प्रेमका कोमल अनुभूतिहरूका खानी हुन्, सायद । किनभने, प्रेमका अनगिन्ति आवाजहरू उनका गीति–लेखनमा सहजै र सर्वस्वीकृत- ...
पूरा पढ्नुहोस्

छोटकरीमा