22nd July 2019, Monday

अध्यक्ष नै नक्कली शैक्षिक प्रमाणपत्रधारी



काठमाडौं । संवैधानिक परिषद्ले पाँच संवैधानिक आयोगका अध्यक्षमा सिफारिस गरेकामध्ये एक व्यक्तिको शैक्षिक योग्यता र नागरिकतासमेत नक्कली भेटिएको छ । मधेसी दलबाट निर्वाचनअघि एमालेमा प्रवेश गरेका र अहिले मुस्लिम आयोगमा अध्यक्षका लागि सिफारिस भएका समिम अन्सारीविरुद्ध उजुरी परेको हो । संसदीय सुनुवाइ समितिको आइतबारको बैठकमा सिफारिस भएका आयोगका अध्यक्षहरूविरुद्ध परेका उजुरी खोल्दा मुस्लिम आयोगका अध्यक्ष समिम अन्सारीविरुद्ध मात्र उजुरी परेको र बाँकी चारजनाविरुद्ध कुनै पनि उजुरी परेन ।
मुस्लिम आयोगका अध्यक्ष अन्सारीलाई चारवटा उजुरी परेकोमध्ये एक अतिगोप्य, एक गोप्य र दुईवटा नामसहितको उजुरी परेको छ । उजुरीमा शैक्षिक योग्यता नक्कली रहेको विषय उल्लेख रहेको बताइएको छ । स्रोतका अनुसार उनी भारतीय नागरिक हुन् । उनले नेपालका नेता र कर्मचारीलाई मिलाएर नेपालको नागरिकता लिन सकेको र शैक्षिक योग्यताका प्रमाणपत्रहरूसमेत बनाउन सफल भएको बताइएको छ । संवैधानिक परिषद्को गत माघ ७ गते बसेको बैठकले प्राकृतिक स्रोत तथा वित्त आयोगमा पूर्वसचिवसमेत रहेका बालानन्द पौडेल, समावेशी आयोगमा पूर्वसचिवसमेत रहेका शान्तराज सुवेदी, मधेसी आयोगको अध्यक्षमा डा. विजयकुमार दत्त, थारू आयोगको अध्यक्षमा विष्णुप्रसाद चौधरी र मुस्लिम आयोगको अध्यक्षमा अन्सारीको नाम सिफारिस गरेको थियो । नेपालको संविधानको धारा २९२ ले संवैधानिक परिषद्को सिफारिसमा हुने नियुक्तिमा संसदीय सुनुवाइ गर्नुपर्ने व्यवस्था गरेको छ । सोही व्यवस्थाअनुरूप समितिको कार्यविधिअनुरूप सिफारिस भएका अध्यक्षमाथि उजुरी गर्न १० दिन समय दिइएको थियो । संसदीय सुनुवाइ प्रक्रियाबाट अनुमोदन भए सिफारिसअनुसार नियुक्ति हुनेछ । तर सो प्रक्रियाबाट अनुमोदन नगरेको अवस्थामा भने नियुक्ति प्रक्रिया रोकिनेछ । अन्सारीले काठमाडौंस्थित मुस्लिम मदरसाबाट कक्षा ९ मात्र उत्तीर्ण गरेका तर भारतको बिहारस्थित मगध विश्वविद्यालयबाट स्नातकको नक्कली शैक्षिक प्रमाणपत्र लिएको उजुरीमा दाबी छ । काठमाडौं मदरसाबाट कक्षा ९ उत्तीर्ण गरेका अन्सारीको प्रमाणपत्र तहको सर्टिफिकेटको अवस्था नखुलेको, सन् २००४ मा स्नातकको सर्टिफिकेट लिएका अन्सारीले १४ वर्षपछि (सन् २०१८) मा मात्र नेपालबाट इक्विभ्यालेन्ट गराएको उजुरीमा उल्लेख छ । त्यसो त राजनीतिक दलको सदस्यसम्बद्ध व्यक्ति आयोगमा योग्य नहुने व्यवस्था छ । उनी भने नेकपाकै केन्द्रीय सदस्य छन् । नेकपाको केन्द्रीय सदस्यबाट राजीनामा दिएको भनिए पनि अन्सारीको नाम केन्द्रीय सदस्यबाट हटाएको पत्र पार्टीले आयोगमा पठाएको छैन ।

Leave a Reply

Your email address will not be published. Required fields are marked *

... र यो पनि ...

चक्रपथ

टेलिकमका ग्रहकलाई भारी छुट

ShareTweet काठमाडौं । सम्भव भएसम्म सस्तो मूल्यमा अत्याधुनिक दूरसञ्चार सेवाहरु ग्राहकलाई उपलब्ध गराउँदै आएको नेपाल टेलिकमले असार २७ गते शुक्रबार देखि लागू हुनेगरी- ...
पूरा पढ्नुहोस्

स्रष्टा र सिर्जना

कलाको कदर

ShareTweet हरेक सर्जकले एउटा अपेक्षा सँगालेका हुन्छन्– आफ्नो सिर्जनाले उचित मूल्य पाओस् । त्यस्तो मूल्य भौतिक पनि हुन्छ र आत्मिक पनि । अझ, कला–शिल्पीहरूले त त्यस्तो- ...
पूरा पढ्नुहोस्

नयाँ पुस्तक

काठमाडौंका चुलीहरूको गाइड

ShareTweet काठमाडौं उपत्यकालाई समृद्ध तुल्याउने अजस्र स्रोतहरू हुन्– वरिपरिका डाँडाहरू । उपत्यकावरिपरिका हरियाली वनजंगलले स्वच्छ हावा दिएको छ, पानी दिएको छ र सुन्दरता- ...
पूरा पढ्नुहोस्

छोटकरीमा