18th September 2019, Wednesday

E-budhabar
Header Right Side NTC Advertisement

लेखापढी व्यवसायीलाई मर्यादित बनाउनुपर्ने



काठमाडौं । ललितपुर जिल्ला अदालतका जिल्ला न्यायाधीश बालमुकुन्द दवाडीले लेखापढी व्यवसायलाई मर्यादित बनाउनुपर्ने बताएका छन् । नेपाल लेखापढी कानुन व्यवसायी संघ पाटन एकाइको २२औं वार्षिक साधारण सभाको उद्घाटन गर्दै उनले कानुनको एउटा अंग लेखापढी व्यवसायी भएकाले यसलाई अनुशासित र मर्यादित बनाउनुपर्ने बताए ।
उनले अदालतले नै लेखापढीलाई प्रमाणपत्र दिई जनताको सेवा गर्ने अवसर दिएको भन्दै विस्थापित गर्न नखोजिएको स्पष्ट पारे । उनले न्यायिक र अर्धन्यायिक सरकारी निकायका कामकारबाही अहिले प्रविधिमैत्री बन्दै गएको बताउँदै त्यसअनुसार सेवाग्राहीलाई लेखापढी व्यवसायीले सेवा दिनुपर्ने बताए ।
कार्यक्रममा बाग्मती गाउँपालिकाका अध्यक्ष वीरबहादुर लोप्चनले स्थानीय तहमा सर्वसाधारणलाई लेखापढी व्यवसायीले पु¥याएको योगदान उल्लेखनीय भएको बताए । उनले स्थानीयस्तरमा हुने जनताका कामलाई लेखापढी व्यवसायीले सहज बनाएको दाबी गरे । मालपोत कार्यालय ललितपुरका प्रमुख भीमकान्त पौडेलले वार्षिक ५ अर्ब रुपैयाँको राजस्व ललितपुर कार्यालयले मात्रै संकलन गरिरहे पनि सरकारले कार्यालयलाई ५ लाख रुपैयाँ पनि बजेट नदिएको भन्दै गुनासो गरे ।
साधारण सभाको कार्यसमितिका अध्यक्ष मीनराज दाहालले एसोसिएसनको वार्षिक प्रतिवेदन पेस गरेका थिए । सभामा एसोसिएसनका केन्द्रीय अध्यक्ष सीताराम दाहालले सरकार र मन्त्री स्वयंबाट आएका परिपत्र स्पष्ट नभएकाले लेखापढी व्यवसायीलाई काम गर्न र सेवाग्राहीलाई सेवा लिन पनि समस्या भइरहेको बताए । सभामा एसोसिएसनका पूर्वअध्यक्ष तेजप्रसाद ढकालले आफू स्वच्छ भएर काम गर्न व्यवसायीहरूलाई आग्रह गरे । कार्यक्रममा पेसामा संलग्न ज्येष्ठ नागरिकलाई सम्मान पनि गरिएको थियो ।

Leave a Reply

Your email address will not be published. Required fields are marked *

... र यो पनि ...

चक्रपथ

३ नम्बर प्रदेशमा संविधान दिवसको भव्य तयारीे

ShareTweet काठमाडौं । संविधान दिवसको अवसरमा ३ नम्बर प्रदेश सरकारले विविध कार्यक्रमहरू गर्ने भएको छ । सोमबार प्रदेशका मुख्यमन्त्री डोरमणि पौडेलको संयोजकत्वमा दिवस- ...
पूरा पढ्नुहोस्

स्रष्टा र सिर्जना

तिमी कहाँ सुरक्षित छौ ?

ShareTweet कुनै महिलाका निम्ति सुरक्षित ठाउँ कुन होला ? घर, विद्यालय वा सार्वजनिक स्थल ? केही दिनपूर्व वीरगन्जकी एउटी किशोरीको अनुहारमा दुई किशोरले एसिड छ्यापे । एकान्त- ...
पूरा पढ्नुहोस्

नयाँ पुस्तक

प्रेममा तरंगित सिर्जना

ShareTweet युवा–सर्जक हरिराम पौडेलको गीति–सिर्जना प्रेमका कोमल अनुभूतिहरूका खानी हुन्, सायद । किनभने, प्रेमका अनगिन्ति आवाजहरू उनका गीति–लेखनमा सहजै र सर्वस्वीकृत- ...
पूरा पढ्नुहोस्

छोटकरीमा