1st June 2020, Monday

E-budhabar
Header Right Side NTC Advertisement

एकता टुंग्याउने अन्तिम विकल्पको खोजी

काठमाडौं । नौ महिनादेखि अड्किएको नेपाल कम्युनिस्ट पार्टी (नेकपा) को एकीकरण प्रक्रिया कार्यदल सदस्यहरूसँगको छलफलपछि अघि बढ्ने भएको छ । चार तहका कार्यदल बन्दासमेत एकीकरण प्रक्रियाका बाँकी काम अड्किएकाले पछिल्लोपटक गठित कार्यदल सदस्यहरूसँगको छलफलबाट टुंगोमा पुग्ने निष्कर्षमा केन्द्रीय सचिवालय पुगेको हो । सर्वसम्मतिमा एकीकरणको बाँकी काम टुंग्याउने गृहकार्यकै लागि कार्यदलका सदस्यहरूबाट म्यान्डेट लिने नेतृत्वको तयारी छ ।
नेकपाभित्र नौ सदस्यीय सचिवालय छ । त्यति सदस्य नै कार्यदल बनाएर माघ मसान्तभित्र सबै टुंगो लगाउनेगरी कार्यदेश दिइएपनि नेतृत्वले असहयोग गरेको आरोप लागेपछि कार्यदलबाट अपूरो प्रतिवेदन केन्द्रीय सचिवालयमा प्रस्तुत भएको छ । गत सोमबार बसेको सचिवालय बैठकमा कामका लागि समयसीमा मागिएको कार्यदलको प्रतिवेदन प्रस्तुत भएपछि विघटन गर्ने कि काम गर्न दिने विषयमा नेताहरूबीच छलफल चलेको थियो । अध्यक्ष केपी ओलीले नै कार्यदलले काम गर्न नसकेकाले विघटन गर्नुपर्ने प्रस्ताव राखेका थिए । तर, वरिष्ठ नेता माधवकुमार नेपाल, झलनाथ खनाल, वामदेव गौतम, नारायणकाजी श्रेष्ठले स्थायी समितिबाट गठित कार्यदल विघटन गर्ने अधिकार नभएको र समयसीमा मागिएको अवस्थामा एकपटक सदस्यहरूको राय लिएर मात्र अघि बढ्दा उपयुक्त हुने धारणा राखेका थिए । नेताहरूको यही धारणाअनुसार अन्तत ः सचिवालय बैठकले कार्यदलसँगको छलफलबाट निष्कर्षमा पुग्ने निर्णय ग¥यो ।
छलफलका लागि ९ फागुनमा बस्ने सचिवालय बैठकमा कार्यदलका सदस्यहरूलाई आमन्त्रण गरिने पार्टी प्रवक्ता नारायणकाजी श्रेष्ठले बताए । ‘कार्यदलका सदस्यहरूसहितको संयुक्त छलफलपछि एकीकरण प्रक्रिया कसरी टुंग्याउने भन्ने विषयमा आवश्यक निर्णय गरिनेछ ।’ श्रेष्ठले भने ।
बैठकमा स्थायी समितिद्वारा सांगठनिक एकीकरणको प्रस्ताव तयार पार्न गठित कार्यदलले प्रस्तुत गरेको प्रतिवेदनमा केन्द्रित रहेर छलफल भएको थियो । १२ पुसमा गठित कार्यदललाई १५ दिनभित्र काम सकेर प्रतिवेदन बुझाउन अध्यक्ष केपी ओली र पुष्पकमल दाहाल ‘प्रचण्ड’ले संयुक्त निर्देशन दिए पनि सचिवालय बैठकमा कार्यदल संयोजक रामबहादुर थापा ‘बादल’ले अपुरो प्रतिवेदन पेस गरेका थिए । विधानबाहेकका कुनै पनि विषय कार्यदलमा टुंगो लागेको छैन । जबकि, पार्टी र जनसंगठनको एकीकरणको बाँकीसँगै केन्द्रीय सदस्यहरूको कार्यविभाजन, पोलिटब्युरो गठन, राष्ट्रिय परिषद, ज्येष्ठ कम्युनिस्ट मञ्च, आयोगहरू, केन्द्रीय सल्लाहकार परिषद् गठनसम्मका विषयमा सुझाव दिन कार्यदल बनेको थियो ।
एकीकरणको बाँकी काम र कार्यविभाजन मूलतः यसअघि निर्णय भएअनुसार एक व्यक्ति ः एक जिम्मेवारीको मापदण्ड लागू गर्ने कि नगर्ने विषयमा पुगेर अड्किएको छ । त्यसरी जाँदा सबैलाई जिम्मेवारी प्रदान गर्ने सवालमा विधि–प्रक्रिया लागू हुने सचिवालय र स्थायी समितिमा धेरैको मत छ । तर, यो मापदण्ड लागू हुँदा मुख्यमन्त्री र प्रदेश इन्चार्जको जिम्मेवारी लिइरहेका शंकर पोखरेल र पृथ्वीसुब्बा गुरुङले तत्कालका लागि दुईमध्ये एक पद गुमाउनुपर्ने हुन्छ । त्यति मात्र होइन, अहिले मन्त्रीको जिम्मेवारीमा रहेका नेताहरूले विभागीय जिम्मेवारीहरू पाउनेछैनन् । त्यसैले पनि लामो समयदेखि अध्यक्ष ओली नै तत्काल एकता टुंग्याइहाल्ने कुरामा अनिच्छुक देखिएको जानकारहरूको भनाइ छ । एकातिर, ओलीको अनिच्छा, अर्कातिर छिटो काम टुंग्याउन नेता–कार्यकर्ताको दबाबबीच अध्यक्षद्वय ओली र प्रचण्ड तथा वरिष्ठ नेता माधवकुमार नेपालबीचको सहमतिमा मात्र एकीकरण प्रस्ताव टुंग्याउनुको विकल्प नरहेको बताउन थालिएको छ । यस्तै परिस्थिति देखिएपछि अध्यक्ष ओलीले पनि प्रचण्ड र वरिष्ठ नेता नेपालसँग आन्तरिक छलफलसमेत थालेका छन् । जिल्ला नेतृत्व टुंगो लगाउँदा इन्चार्ज, सहइन्चार्ज, अध्यक्ष र सचिवको सूची एकैपटक टुंगो लगाउन पहिले कार्यदल सदस्यहरूसँग छलफल गर्ने र त्यसपछि सूची टुंग्याउँदै जाने परिस्थिति विकसित भएको छ । तीन नेताबीच समझदारी नहुँदा सचिवालय र स्थायी समिति दुवैतिर प्रस्ताव पारित हुन नसक्ने भएकाले पनि अब त्यसका निम्ति गृहकार्य भइरहेको बताइन्छ ।
नौ सदस्यीय कार्यदलमा रामबहादुर थापा ‘बादल’, विष्णु पौडेल, योगेश भट्टराई, वर्षमान पुन, सुरेन्द्र पाण्डे, लेखराज भट्ट, बेदुराम भुसाल, शंकर पोखरेल र रघुवीर महासेठ थिए । तर, बहुमत सदस्यहरू निश्चित मापदण्ड र विधिभित्र रहेर मात्र प्रस्ताव तयारी गर्नुपर्ने पक्षमा उभिए । जसले गर्दा पनि निश्चित विधि र प्रक्रियाकै आधारमा छिटो एकता टुंग्याउन दबाब खडा भएको छ ।

Leave a Reply

Your email address will not be published. Required fields are marked *

... र यो पनि ...

  • प्रदेश प्रमुखकसँग राष्ट्रपति रुष्ट

    काठमाडौं । संवैधानिक भूमिका र पदीय मर्यादालाई बिर्सिंदै राजनीतिक दलका प्रमुखको निवासमा पुगेर मागपत्र पेस गरेको सूचना पाएपछि राष्ट्रपति विद्या भण्डारी प्रदेश प्रमुखहरूसँग रुष्ट भएकी छन् । प्रदेश प्रमुखहरूको त्यस्तो कदमले लज्जाबोध गराएको भन्दै संविधानविद्ले चिन्ता व्यक्त गरेका छन् भने आमनागरिकसमेत आक्रोशित भएका छन् । प्रसंग गत २ गतेको हो...
  • रोकिएन हायातको मनपरी

    काठमाडौं । २७ वर्षअघि अर्थात् २०४९ सालदेखि आफूखुुसी गर्दै आएको तारागाउँ रिजेन्सी होटल्स लिमिटेडको मनपरी अझै रोकिएको छ । होटलले फेरि आफूखुसी सम्पत्ति तथा दायित्व मूल्यांकन (डीडीए) गराउने चलखेल सुरु गरेको छ । घाटा देखाउँदै नेपाल सरकारको लगानी ३९.६७ प्रतिशतबाट घटेर ९.०१ प्रतिशत घटाएको हायातले फेरि चलखेल सुरु गरेको हो...
  • दलाली गर्दै, पुरस्कार दिँदै

    काठमाडौं । साहित्यका नाममा दलाली गर्नेहरूको हामीकहाँ कमी छैन । लामो समयदेखि विभिन्न शक्तिकेन्द्र र व्यक्तिहरूलाई प्रभावमा पारेर साहित्यकै नाममा दलाली गर्दै आएको नइ प्रकाशनले राखेका विभिन्न पुरस्कारहरूको स्रोतहरू के हुन् भन्नेचाहिँ अहिलेसम्म गुपचुप नै देखिन्छ । नरेन्द्रराज प्रसार्इं र इन्दिरा प्रसाईंले दुई दशकअघि स्थापना गरेको नइ प्रकाशनले हरेक व्यवस्था...

चक्रपथ

बीजकोयाका हाकिमको यो हर्कत

काठमाडौं । प्रजनन पिँढी बीजकोया स्रोत केन्द्र बन्दीपुर तनहुँका हाकिम शंकरप्रसाद न्यौपानेको चर्तिकलाले सीमा नाघेको छ । अवकाशको केही महिना बाँकी रहँदा वरिष्ठ बाली संरक्षण अधिकृतको हैसियतमा रहेका उनले अनियमिता र भ्रष्टाचारको शृंखला नै चलाएको भन्दै सर्वत्र गुनासो आएको छ । माहुरी, च्याउ, रेशम खेतीलगायत बालीको विकास, विस्तार र अनुसन्धानसमेतको...
पूरा पढ्नुहोस्

स्रष्टा र सिर्जना

‘गीता’ को राजनीति

कुनै वैचारिक मुद्दाका आधारमा नभई व्यक्तिगत टकरावको उत्पत्ति हुँदा विभाजनको पीडा झेल्ने नेपालका सीमित राजनीतिक दलमा पूर्वपञ्चहरूको पार्टी राष्ट्रिय प्रजातन्त्र पार्टीले बदनामी कमाउँदै आएको छ । विभाजन र एकताको अनेक अभ्यास गरिसकेको सो पार्टी पछिल्लो समय फेरि एकताको सूत्रमा बाँधिएको छ । पछिल्लो समय तीन समूहमा विभाजित राप्रपा केही दिनपूर्व...
पूरा पढ्नुहोस्

नयाँ पुस्तक

फरक स्वरध्वनि

तीन दशकयता कविता–कर्म र साधनामै व्यस्त छन्, वीरु बाङ्देल । सिक्किमका बासिन्दा बाङ्देलले नेपाली भाषामा उम्दा काव्य सिर्जना गरेर पृथक पहिचान बनाउँदै आएका छन् । कवितालाई नै लेखनको मूल विषय बनाएका उनले आजको समाज र राजनीतिक परिस्थितिहरूको भित्री यथार्थको अभिव्यक्ति धेरै नै प्रभावशाली ढंगले पस्किँदै आएका छन् । उनको पछिल्लो...
पूरा पढ्नुहोस्

छोटकरीमा

  • चिरायुको कर्जा फाइल किन गायब ?

    काठमाडौं । पदीय दुरुपयोगको चरम नमुना हेर्नुपरे नेपाल राष्ट्र बैंकका डेपुटी गभर्नर चिन्तामणि सिवाकोटीले आफू पदमा रहँदा गरेका अनियमित कार्यहरू हेरे पुग्छ । विगतमा आफूले गरेका अनियमित कार्यहरूबाट सफाइ पाएको दाबी सिवाकोटीले गरे पनि कतिपय कसुरमा भने उनीमाथि कारबाही भएको छैन । डेपुटी गभर्नर भएपछि सिवाकोटीले चिरायु अस्पतालको कर्जा प्रवाह...
  • म्याट्रेस खरिदको १५ करोड फ्रिज हुने खतरा

    काठमाडौं । सरकारले दिएको पैसा समयमा नै खर्च गर्न नसक्दा नेपाल प्रहरीको म्याटेस खरिदका लागि छुट्याएको १५ करोड ४० लाख रुपैयाँ फ्रिज हुने अवस्था देखिएको छ । आर्थिक वर्ष सकिन अब चार महिना मात्र बाँकी छ । यो चार महिनामा नेपाल प्रहरीले खरिद गर्न सक्ने अवस्था नरहेको बताइन्छ । यो...
  • मुद्दती खाताको परिचय नै फे¥यो एनआईसीले

    काठमाडौं । एनआईसी एसिया बैंकले मुद्दती खातामा उच्च ब्याजदर सँगै २१ लाख रुपैयाँसम्मको बिमा सुविधा पनि दिँदै आएको छ । सर्वाधिक उच्च ब्याजदर पाइने खाताका रूपमा चिनिएको मुद्दती निक्षेप खातामा एनआईसी एसिया बैंकले न्यु सुपर चामत्कारिक मुद्दती निक्षेप खाता खोलेकै आधारमा बिमा सुविधा पनि थप गरेको हो । यसअघि विभिन्न...