15th August 2020, Saturday

E-budhabar
Header Right Side NTC Advertisement

कृषि आधुनिकीकरण परियोजना बन्यो दुहुनो गाई

काठमाडौं । कर्मचारी तहमा देखिएको मनोमानीका कारण देशकै ठूलो कृषि परियोजना दिनानुदिन समस्याग्रस्त बन्दै गइरहेको छ । तीन वर्षअघि सुरु गरिएको प्रधानमन्त्री कृषि आधुनिकीकरण आयोजना कृषि तथा पशुपन्छी विकास मन्त्रालयका माथिल्लो तहका कर्मचारीहरूको रजाइँ गर्ने थलो बनेपछि प्रधानमन्त्री स्वयंबाट आलोचित बन्न पुगेको छ ।
आयोजनाका कामकारबाही चित्तबुझ्दो नभएपछि केही दिनपूर्व प्रधानमन्त्री केपी शर्मा ओलीले सार्वजनिक कार्यक्रममै रोष प्रकट गरेका थिए । आइतबार मन्त्रालयले आयोजना गरेको एक कार्यक्रममा प्रधानमन्त्री ओलीले सो आयोजनाबाट प्रधानमन्त्रीको नाम हटाइदिए हुने मन्तव्य व्यक्त गरेका थिए । प्रधानमन्त्रीको नाम जोडिएको उक्त आयोजनाले सन्तोषजनक काम नगरेको थाहा पाएपछि प्रधानमन्त्री ओलीले त्यस्तो रोष प्रकट गरेका हुन् ।
तत्कालीन मन्त्री हरिबोल गजुरेलको कार्यकालमा उक्त आयोजना सुरु गरिएको थियो । मन्त्री गजुरेलको पालामा स्वदेशी डिजाइनमै उक्त आयोजना तयार पारेर सुरु गरिएको हो । अरू आयोजनाहरूका डिजाइन विदेशी कम्पनी र परामर्शदाताहरूले गर्ने गरे पनि सो आयोजनाको डिजाइन भने स्वदेशी परामर्शदाताहरूकै प्रयत्नमा भएको थियो ।
उक्त आयोजना कृषि तथा पशुपन्छी क्षेत्रको अहिलेसम्मको ठूलो बजेटको आयोजना थियो । १ खर्ब १३ अर्ब बजेटको उक्त आयोजनालाई कृषि क्षेत्रको विकासको लागि स्वर्णिम आयोजना मानिएको छ । विगतमा कृषिका अरू आयोजनाहरूको बजेट ५–६ अर्बभन्दा बढी थिएन । तर, प्रधानमन्त्री कृषि आधुनिकीकरण आयोजनाको बजेट ठूलो हुनुका साथै देशभरका कृषि तथा पशुपन्छीका विकासका लागि कोसेढुंगासमेत मानिएको थियो ।
सुरुमा सातवटा सुपरजोन र केही जोनहरू स्थापना गरी आयोजनाको काम अघि बढाइएको थियो । झापामा धान बाली, बारामा माछा पालन, काभ्रेपलाञ्चोकमा आलु खेती, कास्कीमा तरकारी खेती, दाङमा मकै बाली, जुम्लामा स्याउ खेती र कैलालीमा गहुँ बालीको विकास गर्ने हेतुले सुपरजोन स्थापना गरिएका थिए । अहिले सुपरजोनको संख्या १४ पुगेको छ भने जोनहरूचाहिँ ६७ वटा छन् ।
तर, पछिल्लो समय भने आयोजना डिजाइन गर्दाताकाको मर्मभन्दा विपरीत गएर मन्त्रालयकै उच्च तहका कर्मचारीहरूले अनावश्यक हस्तक्षेप गर्न थालेपछि सो आयोजना विवादमा पर्दै आएको छ । आयोजनाको निर्देशन समितिको अध्यक्ष मन्त्री चक्रपाणि खनाल र कार्यान्वयन समितिको अध्यक्षमा सचिव युवकध्वज जीसी रहेका छन् भने आयोजना प्रमुखमा चाहिँ लक्ष्मण पौडेल रहेका छन् ।
तर, सचिव जिसीले भने अनावश्यक हस्तक्षेप गरेर आफ्नो स्वार्थ पूरा गर्न थालेपछि सो आयोजना विवादित बन्न पुगेको बताइन्छ । आयोजना सुरु गर्दाताका बसेको मन्त्रिपरिषद्को बैठकले ‘जोन स्थापना गरिएको ठाउँमा राम्रो काम भयो भने सुपरजोन स्थापना गर्न सकिने’ निर्णय गरेको थियो । तर, सचिव जीसीले भने जोन नै स्थापना नभएको ठाउँमा एकैचोटि सुपरजोन स्थापना गर्न दबाब दिएपछि आयोजना प्रमुख पौडेलले त्यसलाई कार्यान्वयन गरेका छन् । सुरुमा गुल्मी, बागलुङ, पाल्पा र अर्घाखाँची जोनमा परेको थिएन । तर, सचिव जीसीले आफ्नो गृहजिल्ला पाल्पालाई लक्षित गरेर अरू तीन जिल्ला समेटी चार जिल्लाको कफी सुपरजोन बनाएका छन् । जोन नै घोषणा नगरेका जिल्लाहरूलाई समेटी सुपरजोन बनाइँदा मन्त्रिपरिषद्को निर्णयको खिल्ली उडाउने काम त भएको छ नै, आयोजना डिजाइन गर्दाताकाको मर्म र नियमलाई समेत मिच्ने काम भएको छ ।

Leave a Reply

Your email address will not be published. Required fields are marked *

... र यो पनि ...

  • कोरोनाका नाममा ३२ लाख झ्वाम

    काठमाडौं । कोभिड–१९ अर्थात् कोरेनाका कारण संसारभरि आक्रान्त फैलिरहेको बेला केहीलाई भने यो आर्थिक दुरुपयोग गर्ने मेलो भएको छ । जिल्ला अस्पताल तनहुँका कर्मचारीहरूले प्रदेश सरकारले पठाएको ५० लाख रकम त्यसैगरी मनपरी ढंगले भत्ताका नाममा खर्च गरेका छन् । आइसोलेसन र क्वारेन्टिनमा सिटामोलसम्म पुग्न नसकेको बेला सबै आइसोलेसन केन्द्रमा अत्यन्त...
  • काम रोकेर आन्दोलनमा व्यस्त

    काठमाडौं । कोभिड–१९ को जोखिम झन् बढ्दै गएको छ । विश्वव्यापी रूपमै यो महामारीले सताउँदा अग्रपंक्तिमा रहेर स्वास्थ्यकर्मीका साथै अस्पतालमा कार्यरत कर्मचारीहरूले महामारीविरुद्ध आफूहरूलाई उभ्याए । नेपालका स्वास्थ्यकर्मीहरूले पनि कोभिड–१९ मा खेलेका भूमिकालाई सराहना गर्ने गरिएको छ । तर, कोभिड–१९ को जोखिम बढ्दै जाँदा निजामती कर्मचारी अस्पतालमा कार्यरत कर्मचारीहरू भने...
  • ६ अर्ब उठ्नेमा अझै आशंका

    काठमाडौं । डेडिकेटेड र टंक लाइनको महसुल विवाद सुल्झाउने जिम्मा विद्युत् नियमन आयोगलाई दिने भित्री तयारी चलिरहे पनि सो आयोगको क्षमतामाथि प्रश्नचिह्न उब्जिएको छ । यो विवाद सुल्झाउन आयोगले नसक्ने जिकिर गर्न थालिएको छ । तर, ऊर्जा, जलस्रोत तथा सिँचाइ मन्त्रालयले भने सो आयोगलाई नै जिम्मा दिन खोजेको छ ।...

चक्रपथ

चारवटै विषयगत सभापति यथावत्

काठमाडौं । राष्ट्रियसभा अन्तर्गतका समितिहरूमा भएको सभापतिको निर्वाचनमा सबै समितिका सभापतिहरू निर्विरोध निर्वाचित भएका छन् । हाल निर्विरोध निर्वाचित भएकाहरू नै यसअघि पनि त्यही समितिका सभापति थिए । कार्यकाल सकिएपछि पुनः उनीहरूलाई नै सभापतिमा चयन गरिएको हो । समिति सभापति चयन गर्न शुक्रबार निर्वाचन भएको हो । निर्वाचनबाट प्रत्यायोजित व्यवस्थापन...
पूरा पढ्नुहोस्

स्रष्टा र सिर्जना

पारिजात ः एउटी स्वाभिमानी स्रष्टा

दार्जिलिङको सुन्दर प्रकृतिको काखमा डुबुल्की मार्दै कहिले फ्रकभरि चाँपका कोपिला बटुलेर नागबेलीको माला लगाएर, जंगलमा लुकामारी खेलेर बाल्यकाल बिताएकी पारिजातको प्रारम्भिक शिक्षा त्यही नै सम्पन्न भएको थियो । सांस्कृतिक कार्यकलापमा बढी रुचि देखाउने पारिजातको पढाइ भने मध्यमस्तरको थियो । उनले अनौपचारिक रूपमा घरमै केही अध्ययन गरेर औपचारिक अध्ययनका लागि दार्जिलिङका...
पूरा पढ्नुहोस्

नयाँ पुस्तक

छोटो क्यानभासको चित्र

सामन्तकालीन अर्थ, सामाजिक, राजनीतिक र सांस्कृतिक व्यवस्थाले नारीलाई एउटा ‘तुच्छ वस्तु’ का रूपमा परिभाषित ग¥यो । नारीको बहुमुखी अस्तित्वलाई स्वीकार गर्न तत्कालीन समाजव्यवस्थाले चाहेन । एउटा भनाइ नै बन्यो, ‘वीर भोग्या वसुन्धरा...।’ सामन्तवादभन्दा धेरै हिसाबले प्रगतिशील ठानिने पुँजीवादले पनि नारीलाई ‘वीर भोग्या वसुन्धरा’ को तहभन्दा माथि उकास्ने चाहना राखेन ।...
पूरा पढ्नुहोस्

छोटकरीमा

  • प्रहरी कार्यालयले नै कोरोनो ल्याउने त्रास

    काठमाडौं । गोंगबुस्थित एक होटलमा बस्दै आएका रोल्पाका कृष्णबहादुर बोहोराको हत्याप्रकरणमा नेपालप्रहरीले तत्कालै चितवनबाट अभियुक्तप्रकाउ गरेर अनुसन्धानमा सफलताप्राप्त गरेको छ । चितवनकीकल्पना मुडभरी (पौडेल) ले आफैंले हत्या गरेको स्वीकारसमेत गरिसकेकीछन् । तर, सोही सन्दर्भमामंगलबार महानगरीय प्रहरी परिसर टेकुमापत्रकार सम्मेलन गरेर भने प्रहरीले उल्टै कोरोना संक्रमण पो फैलायो किभन्ने आशंका बढाएको...
  • कमलामाई–मेसान मैत्रीपूर्ण सम्बन्ध कायमै

    काठमाडौं । सिन्धुलीको कमलामाई नगरपालिका र चीनको सिचुवान प्रान्तस्थित मेसान सिटीबीच मैत्रीपूर्ण सम्बन्ध स्थापना भएको छ । बुधबार आयोजना गरिएको भर्चुअल समारोहमा कमलामाई नगरपालिकाका प्रमुख खड्ग खत्री र मेसान सिटीका मेयर ह्यु आनखुनले समझदारीपत्रमा हस्ताक्षर गरे । दुवै नगरका प्रमुखले आपसी हितका आधारमा मैत्रीपूर्ण सहयोग आदानप्रदान गर्ने प्रतिबद्धता जनाएका छन्...
  • सेनाका परिवारलाई ७ लाख रुपैयाँ

    काठमाडौं । मोेटरसाइकल दुर्घटनामा परी असामयिक निधन भएका नेपाली सेनाका सिपाही शिवराज रानाका परिवारलाई मेगा बैंक नेपाल लिमिटेडले बिमाबापत ७ लाख रुपैयाँ प्रदान गरेको छ । मेगा बैंकमा ‘मेगा कर्पोरेट बेनिफिट सेभिङ अकाउन्ट’ खोलेका दिवंगत सैनिक जवान रानालाई मेगा बैंकले सोही खाताको बिमाबापत ७ लाख रुपैयाँ हस्तान्तरण गरेको हो ।...