23rd March 2019, Saturday

E-budhabar

अन्सारी छानबिनको घेरामा



काठमाडौं । राष्ट्रिय मुस्लिम आयोगमा अध्यक्षका लागि वैधानिक परिषद्बाट सिफारिस भएका समिम अन्सारीले संसदीय सुनुवाइ समितिको छानबिनको घेरामा परेका छन् । परिषद्बाट सिफारिस भए पनि संसदीय सुनुवाइ अघि नै उनीबारे उजुरी परेको थियो ।
जन्ममिति फरक–फरक परेको, शैक्षिक योग्यता नक्कली भएको र सिफारिस हुनुअघि पार्टीको केन्द्रीय सदस्य रहेकोलगायत विषयमा उनीउपर प्रश्न उठेको थियो । उनीलगायत अन्य आयोगका अध्यक्षहरूको २०७५ माघ ६ गते सिफारिस भएको थियो । तर अरु प्रस्तावित आयोग अध्यक्षमाथि समितिमा उजुरी नपरे पनि अन्सारीमाथि भने उजुरी परेको थियो । हिजोको समितिको बैठकमा सदस्यहरूले विभिन्न विवाद उठिसकेपछि स्वेच्छाले हट्न सुझाव दिए पनि उनले मानेनन् । सत्तारूढ नेकपाका सांसद योगेश भट्टराईले प्रस्तावित अध्यक्ष अन्सारीलाई स्वेच्छाले पछि हट्नु सुझाव दिए पनि आफुले कुनै गल्ती नगरेको भन्दै नहट्ने जवाफ दिए । बैठकमा नेकपा सांसद भट्टराईले अन्सारीलाई नागरिकतामा फरक–फरक जन्ममिति र प्रमुख जिल्ला अधिकारीको नाम उल्लेख नहुनुको कारण सोधेका थिए ।
अन्ततः समितिले उनका विवादित कागजातबारे सक्कलै झिकाउने निर्णय गरेको छ । काठमाडौंमा जन्मिएर पनि सबै शैक्षिक योग्यताको प्रमाणपत्र भारतीय हुनुको कारण पनि सोधका थिए । अन्सारीले सबै शैक्षिक प्रमाणपत्र भारतको पेस गरेका छन् । बैठकमा विवादित प्रश्नहरूउपर जिल्ला प्रशासन कार्यालयबाट यथार्थ विवरण माग्ने निर्णय भएको सदस्य योगेश भट्टराईले जानकारी दिए । उनले सुनुवाइ समितिबाट अनुमोदन भए पनि कानुनी झमेला आउने भन्दै स्वेच्छाले पछि हट्न सुझाव दिएका थिए । तर अन्सारीले आफूले पार्टी कार्यालयमा पहिल्यै बन्दसूचीबाट नाम हटाउन निवेदन दिइसकेकोमा पार्टीले नहटाएकोमा आफू दोषी नहुने बताएका थिए । तर उनले पार्टी कार्यलयलाई चैत ३ मा मात्र सोसम्बन्धी निवेदन दर्ता गराएका थिए भने पार्टीले १० गत्तेको सचिवालय बैठकको निर्णय भन्दै निर्वाचन आयोगलाई पत्र लेखेको थियो । जबकि १० गतेको सचिवालय बैठकमा यसबारे कुनै छलफल नै नभएको सचिवालयकै सदस्यहरूले बताउँदै आएका छन् ।

Leave a Reply

Your email address will not be published. Required fields are marked *

... र यो पनि ...

चक्रपथ

चियाका नाममा कार्यकर्ताको ताँती

ShareTweet काठमाडौं । नेपाली चिया तथा कफीको विकास एवं विस्तारका लागि आयोजना भएको एक कार्यक्रममा चिया र कफीसँग सरोकार नै नभएका व्यक्तिहरूले चीन भ्रमण गरेर फजुल खर्च- ...
पूरा पढ्नुहोस्

स्रष्टा र सिर्जना

नयाँ स्वादको खोजी

ShareTweet वैदेशिक रोजगारीमा एकाध वर्ष रमाएर स्वदेशमै फर्की आफ्नै पेशा–व्यवसायमा भिजेका थुप्रै पात्रहरू छन, हामी बाँचिरहेको समाजभित्र । मूलतः वैदेशिक रोजगारीमा- ...
पूरा पढ्नुहोस्

नयाँ पुस्तक

समाचार समिति पत्रकारिता ः नेपाली दस्तावेज

ShareTweet प्रकाश सिलवाल नेपाली पत्रकारिता र साहित्य क्षेत्रमा क्रियाशील÷जुझारु नाम हो । उहाँको पछिल्लो पत्रकारितासम्बन्धी पुस्तक सञ्चार जगत्का लागि नयाँ कोसेलीका- ...
पूरा पढ्नुहोस्

छोटकरीमा