18th September 2019, Wednesday

E-budhabar
Header Right Side NTC Advertisement

अर्यालविरुद्ध मुद्दा



अर्यालविरुद्ध मुद्दा

काठमाडौं । अख्तियार दुरुपयोग अनुसन्धान आयोगले मालपोत कार्यालय चावहिलका कामु प्रमुख पदमप्रसाद अर्यालसहित नायब सुब्बाद्वय दयाराम खत्री र लेखनाथ भट्टराईसहितविरुद्ध सोमबार विशेष अदालतमा मुद्दा दायर गरेको छ । गत हप्ता बुधबार साप्ताहिकले मालपोत प्रमुखबारे ‘आफ्नै भवन खाली, भाडा लिएर कमिसन खाने ?’ शीर्षकमा समाचार प्रकाशित गरेको थियो । अख्तियारले मुद्दा दायर गरिसकेपछि चावहिल मालपोत कार्यालय प्रमुखविहीन बनेको छ ।
मालपोत अधिकृत अर्यालसहितले २०७१ मा पर्सा मालपोत कार्यालयमा कार्यरत हुँदा वीरगन्ज उपमहानगरपालिका वडा नम्बर ४ कि.नं.२३७ क्षे.फ. ७३.२० वर्गमिटर जग्गा २०७१ पुस २१ मा लिखत पारित गर्दा प्रचलित कानुनबमोजिम राजस्व निर्धारण गर्दा हेर्नुपर्ने वा परीक्षण गर्नुपर्ने घरबाटो सिफारिसलगायत कागजात नहेरेको, परीक्षण नगरेको, आवश्यक प्रमाण संकलन नगरी घटी राजस्व निर्धारण गरी लिखत पारित गरेका कारण नेपाल सरकारलाई हानिनोक्सानी पु¥याएको आरोप छ । घर उल्लेख गर्न छुट भए जसले बिक्री गरेको हो, उसैलाई निवेदन लेख्न लगाई राजस्व लिनुपर्नेमा नलिएपछि उनीहरूविरुद्ध मुद्दा दायर गर्ने आधार अख्तियारले पाएको छ । चावहिल मालपोत कार्यालयमा एउटाको जग्गा अर्कैको नाममा नामसारी गर्ने र बिक्री गरेको आरोपमा मालपोत कार्यालयका प्रमुख कमल तिमिल्सिनाविरुद्ध केही महिनाअघि मात्र विशेष अदालतमा अख्तियारले मुद्दा दायर गरेको छ । त्यसअघि छुट जग्गा दर्ताको आरोपमा कर्मचारी सहित ५४ जनाविरुद्ध मुद्दा दायर भएको थियो । यसरी डेढ वर्षको बीचमा चावहिल मालपोत कार्यालयका १५ भन्दा बढी कर्मचारीविरुद्ध अख्तियारमा मुद्दा दायर भइसकेको छ ।

Leave a Reply

Your email address will not be published. Required fields are marked *

... र यो पनि ...

चक्रपथ

३ नम्बर प्रदेशमा संविधान दिवसको भव्य तयारीे

ShareTweet काठमाडौं । संविधान दिवसको अवसरमा ३ नम्बर प्रदेश सरकारले विविध कार्यक्रमहरू गर्ने भएको छ । सोमबार प्रदेशका मुख्यमन्त्री डोरमणि पौडेलको संयोजकत्वमा दिवस- ...
पूरा पढ्नुहोस्

स्रष्टा र सिर्जना

तिमी कहाँ सुरक्षित छौ ?

ShareTweet कुनै महिलाका निम्ति सुरक्षित ठाउँ कुन होला ? घर, विद्यालय वा सार्वजनिक स्थल ? केही दिनपूर्व वीरगन्जकी एउटी किशोरीको अनुहारमा दुई किशोरले एसिड छ्यापे । एकान्त- ...
पूरा पढ्नुहोस्

नयाँ पुस्तक

प्रेममा तरंगित सिर्जना

ShareTweet युवा–सर्जक हरिराम पौडेलको गीति–सिर्जना प्रेमका कोमल अनुभूतिहरूका खानी हुन्, सायद । किनभने, प्रेमका अनगिन्ति आवाजहरू उनका गीति–लेखनमा सहजै र सर्वस्वीकृत- ...
पूरा पढ्नुहोस्

छोटकरीमा