23rd March 2019, Saturday

E-budhabar

चुनाव सकिएको डेढ वर्ष पुग्नलाग्दा पनि उस्तै रिस ?



सिन्धुली । प्रतिनिधिसभा र प्रदेशसभाको निर्वाचन सकिएको गत मंसि रमै एक वर्ष पुरा भइसकेको छ । चुनावका बेला तत्कालीन एमाले र माओवादीकेन्द्रवीच तालमेल भई एक खालको परिणाम आएर अहिले नेकपाको नेतृत्वमा सरकार बनेको पनि वर्ष दिन भइसेकको छ । यो वीचमा केन्द्रमा पार्टी एकताले पूर्णता नलिए पनि जिल्ला, क्षेत्र, नगरस्तरमै भए पनि स्वतःस्फूर्त रूपमा एकताको काम भइ पनि रहेका छन् । तर, चुनाव पछि यति लामो समय बितिसक्दा पनि तत्कालीन माओवादी नेताहरूवीच चुनावको बेला टिक नपाएको झाेंकमा शुरु भएको घोचपेच अझै रोकिएको छैन ।
गत शुक्रबार नारी दिवसको अवसर पारेर दुधौली नगरपालिकाले आयोजना गरेको कार्यक्रममा प्रमुख अतिथि थिए, सो क्षेत्रका प्रदेशसभा सांसद तथा नेकपाका केन्द्रीय सदस्य लेखनाथ दाहाल (राजन) । उनलाई प्रमुख अतिथिका रूपमा नल्याउन पोलिटव्यूरो सदस्य विषमलाल अधिकारी दनुवारलगायतले निकै कसरत गरे । तर त्यो कसरत असफल भयो । दाहाल त्यो कार्यक्रममा गएको तत्कालीन माओवादी केन्द्रका अर्का नेता डम्बर कार्कीलाई पनि मन परेको थिएन । अहिले पार्टीको प्रदेश कमिटीमा सिफारिस कार्कीले नारी दिवसको उक्त कार्यक्रम सकिनासाथ आफ्नो असन्तुष्टि आफ्नो फसबुक वालमा पोखे । उनले लेखे, ‘आज नारी दिवसको दिन भाका मिलाईमिलाई पुरुष बासेको पनि देखियो ।’ उनले यसो भनेर सिधै दाहालमाथि निसाना लगाएका थिए ।
कार्कीले दाहालविरुद्ध यस्तो कुण्ठा पोख्नुको खास कारण भने गत निर्वाचनसँग जोडिएको छ । दाहालको भुगोल क्षेत्र नं २ हो । तर, चुनावमा उनी उनी उठे, क्षेत्र नं १ को ‘ख’ बाट । त्यहाँबाट चुनावमा उम्मेदवारका लागि सिफारिस भएका थिए, कार्की । तर, माथि केन्द्रले टिकट दियो, दाहाललाई । पार्टी कमिटीले दाहालको चुनावको कमाण्डर कार्कीलाई बनायो । तर जुन चुनावीसभामा कार्कीले सम्बोधन गर्न थाल्थे दाहालको मुख कालो निलो हुन्थयो । कारण, टिकट नपाएको झोकमा उनी उम्मेदवार दाहालविरुद्ध विषवमन गर्थे । बोल्न नदिऔं, चुनावी कमाण्डर नै उनै । बोल्न दिऊ आफै विरुद्ध खनिने । यस्तो सकसका बीच पनि दाहालले चुनाव जितेका थिए । तर, त्यतिबेलादेखिको रिस अहिले पनि माझामाझ भएको छैन ।
गत शनिबार संवाद समूहले जिल्लाको खनियाँखर्कमा जिल्लाका सबै सांसद र नेकपाका शीर्ष नेतृत्वसँग सिन्धुलीको समृद्धिबारे साझा एजेन्डा बनाउन संवाद कार्यक्रम राखेको थियो । त्यहाँ पनि कार्कीले दाहालतिर लक्षित गर्दै आफ्ना भनाइ राखे । आफू मात्र नभएर श्रीमतीलाई पनि अवसर दिलाउने प्रवृत्ति नेताहरूमा विकास भएको भन्दै कार्कीले नेतृत्वको आलोचना गरेका थिए । सांसद दाहालकी पत्नी दिपा बोहरा सुनकोशी गाउँपालिका प्रमुख छिन् । स्रोतका अनुसार दाहाल र संघीय सांसद सदस्य हरिबोल गजुरेलप्रति जिल्लामा तत्कालीन माओवादीका अरू नेताहरू एक ठाउँमा छन् । पोलिटब्युरो सदस्य दनुवार, कार्की, रुद्र ठाडा, निरु दर्लामी, गणेश बुढाथोकीलगायत सबै दुई नेताविरुद्ध एक ठाउँ उभिएका थिए । संगठन हाँक्ने कुनै क्षमता नै नभएका ,कार्यकर्ता पंक्तिवाट पनि अपरिचित रामककुमार पौडेललाई गजुरेल र दाहालले जिल्ला अध्यक्षमा सिफारिस गरेको पनि अरुले रुचाएका छैनन् ।

Leave a Reply

Your email address will not be published. Required fields are marked *

... र यो पनि ...

चक्रपथ

चियाका नाममा कार्यकर्ताको ताँती

ShareTweet काठमाडौं । नेपाली चिया तथा कफीको विकास एवं विस्तारका लागि आयोजना भएको एक कार्यक्रममा चिया र कफीसँग सरोकार नै नभएका व्यक्तिहरूले चीन भ्रमण गरेर फजुल खर्च- ...
पूरा पढ्नुहोस्

स्रष्टा र सिर्जना

नयाँ स्वादको खोजी

ShareTweet वैदेशिक रोजगारीमा एकाध वर्ष रमाएर स्वदेशमै फर्की आफ्नै पेशा–व्यवसायमा भिजेका थुप्रै पात्रहरू छन, हामी बाँचिरहेको समाजभित्र । मूलतः वैदेशिक रोजगारीमा- ...
पूरा पढ्नुहोस्

नयाँ पुस्तक

समाचार समिति पत्रकारिता ः नेपाली दस्तावेज

ShareTweet प्रकाश सिलवाल नेपाली पत्रकारिता र साहित्य क्षेत्रमा क्रियाशील÷जुझारु नाम हो । उहाँको पछिल्लो पत्रकारितासम्बन्धी पुस्तक सञ्चार जगत्का लागि नयाँ कोसेलीका- ...
पूरा पढ्नुहोस्

छोटकरीमा