18th October 2019, Friday

E-budhabar
Header Right Side NTC Advertisement

खरिदारको अर्ब सम्पत्ति ?



काठमाडौं । जनसम्पर्क हुने कार्यालयमा भ्रष्टाचार घट्ने होइन, झन् बढेको छ । खुलेआम घुस मागेर सेवाग्राहीलाई दुःख दिने क्रममा कुनै कमी आउन सकेको छैन । नागरिक बडापत्र राखिए पनि त्यसअनुसार काम हुन सकेको छैन । दुई तिहाइको सरकार आए पनि कर्मचारीको बानीमा परिवर्तन हुन सकेको छैन । मन्त्रीको नाममा समेत घुस असुली हुने गरेको छ । खरिदार नायबसुब्बा तहका कर्मचारीले घुस खाएर अर्ब सम्पत्ति जोडेका छन् । ती सम्पत्ति छानबिन गर्ने हो भने कहाली लाग्ने अवस्था छ । यस्तै कहाली लाग्ने सम्पत्ति आर्जन गर्ने खरिदार हुन्, चावहिल मालपोत कार्यालयका लक्ष्मण बस्नेत ।
उनले काठमाडौं उपत्यका मालपोत कार्यालयहरू सबै चहार्दै सरकारी जग्गा गैरकानुनी रूपमा दर्ता गर्नेदेखि छुट जग्गा दर्ता र सेवाग्राहीसँग घुस असुली गरी चावहिलको भत्केको पाटीमा तीन रोपनी क्षेत्रफलमा घर बनाएका छन् । उनले यसका अलावा काठमाडौका धेरै ठाउँमा जग्गा जोडेका छन् भने छोराको नाममा चावहिलकै नमस्ते नेपाल सहकारीमा ५ करोड भन्दा बढी लगानी गरेका छन् । उक्त सहकारीमा उनले छोरालाई कर्मचारी नै राखेका छन् । चावहिल भत्केको पुल क्षेत्रमा कम्तीमा ७० लाख आनाले हिसाब गर्दा पनि ३३ करोड ६० लाखको जग्गा नै हुन आउँछ । त्यसअतिरिक्त उनको धेरै ठाउँमा जग्गा छ । भोजपुरबाट चप्पल लगाएर काठमाडौं झरेका उनी आज यति सम्पत्तिले पनि नपुगेर मालपोत कार्यालयको मुद्दा फाँटमा बसी पचासौं रोपनी छुट जग्गा दर्ता गर्दै घुस असुलीमा तल्लीन छन् । भूमि व्यवस्था, सहकारी तथा गरिबी निवारणमन्त्री पद्मा अर्याललाई दिनुपर्छ भन्दै उनले घुस असुली गर्दै आएका छन् । कानुनविपरीत छुट जग्गा दर्ता गरेको आरोपमा गत वर्ष कर्मचारीसहित ५४ जनाविरुद्ध मुद्दा दायर भयो । तर घुस असुली गर्ने मुख्य भूमिका निभाएका खरिदार लक्ष्मण बस्नेत दीप बस्नेतलाई भनसुन गरी उन्मुक्ति पाए । छुट जग्गा दर्तामा उनले नै सबै डिल गरेका थिए । तर मुद्दा भने अरु कर्मचारीबिरुद्ध मात्र दर्ता गरी अख्तियारले बस्नेतलाई उन्मुक्ति दिएको थियो ।
चावहिल मालपोत कार्यालयका प्रमुख कलक खड्कालाई पनि दबाब दिएर उनी कार्यालय सार्दा पनि कमिसन खाने दाउमा छन् । छुट जग्गा दर्तामा करोडौंको हेराफेरी गरेर नपुगी कार्यालय सार्दा पनि उनी घुसको मोलमोलाइमा छन् । कार्यालय सार्न उनले कार्यालय प्रमुख खड्कालाई दबाब दिएको दियै छन् ।

Leave a Reply

Your email address will not be published. Required fields are marked *

... र यो पनि ...

चक्रपथ

३ नम्बर प्रदेशमा संविधान दिवसको भव्य तयारीे

ShareTweet काठमाडौं । संविधान दिवसको अवसरमा ३ नम्बर प्रदेश सरकारले विविध कार्यक्रमहरू गर्ने भएको छ । सोमबार प्रदेशका मुख्यमन्त्री डोरमणि पौडेलको संयोजकत्वमा दिवस- ...
पूरा पढ्नुहोस्

स्रष्टा र सिर्जना

समान पीडा

ShareTweet शिव रेग्मीले सिंगो जीवन नेपाली भाषा–साहित्यको प्रवद्र्धनमा बिताए । भाषा–साहित्यसँग जोडिएका खोज–अनुसन्धानमूलक कार्यमा उनको गहिरो अभिरुचि रह्यो । त्यही- ...
पूरा पढ्नुहोस्

नयाँ पुस्तक

विसंगतिमाथि चोट

ShareTweet पोखराको साहित्यिक परिवेशमा भिजेका अधिकांश सर्जकहरूले मुक्तक विधामा कलम नचलाएका कमै दृष्टान्त होलान् । सरुभक्त, तीर्थ श्रेष्ठ, प्रकट पगेनी ‘शिव’, रमेश श्रेष्ठलगायत- ...
पूरा पढ्नुहोस्

छोटकरीमा