24th June 2019, Monday

गरिब र धनीलाई छुट्ट्याएर पढाउने व्यवस्था खारेज गरौं ः बिडारी



काठमाडौं । राष्ट्रिय सभाका सांसद तथा संघीय संसदको प्रत्यायोजित व्यवस्थापन तथा सरकारी आश्वासन समितिका सभापति रामनारायण बिडारीले दोहोरो शिक्षा प्रणालीको चर्को विरोध गरेका छन् । शुक्रवार राष्ट्रिय सभाको बैठकमा बोल्दै उनले गरिव र धनीका छोराछोरीलाई समान रूपमा पढ्ने व्यवस्था मिलाउन सरकारसमक्ष आग्रह पनि गरेका छन् । उनले शिक्षमा विभेद लामो समयदेखि नेपालले भोग्दै आएको भन्दै त्यसलाई हटाउन माग गरेका हुन् ।
पहिला नारी शिक्षा मातृ शिक्षा हुनुपर्ने, छोराछोरी नपढाउने मुर्दावाद भन्दै वर्षौ आफूहरू हिँडेको प्रसंग कोट्याँउदै उनले अझै उक्त विभेद कायम गरेकामा आपत्ति प्रकट गरे । उनले संसदमा प्रश्न गरे, ‘फेरि नारा लगाउनुपर्ने अवस्था बनेको हो ?’
‘गरीब र धनीलाई छुट्ट्याएर पढाउने मुर्दावाद भन्नुपर्ने बेला आएको हो ?’ प्रश्न गर्दै सांसद विडारीले भने, ‘गरिब र धनीका छोरीलाई समान रूपमा पढ्ने व्यवस्था राज्यको नीतिमा हुनुपर्ने हो, छ पनि तर व्यवहारमा लागू भएन ।’

मेडिकल कलेजमा पढ्न भनेर भर्ना हुन गएका विद्यार्थीसँग मेडिकल कलेजले अवैध शुल्क लिएको र ५१ दिनसम्म पढाइ अस्तव्यस्त पार्नेहरूलाई कानुनअनुसार कारवाही गर्न उनले माग गरे ।
‘५१ दिनसम्म पढाइ अस्तव्यस्त भयो । यो एक प्रकारको कानुन विपरीतको काम थियो,’ सांसद बिडारीले भने, ‘कानुनी भाषामा यो एक प्रकारको ठगीको काम हो, उनीहरूलाई सजाय गर्नु पर्दैन ? अब पैसा दिने भनेर पुग्छ ?’

Leave a Reply

Your email address will not be published. Required fields are marked *

... र यो पनि ...

चक्रपथ

नेकपामा प्याकेज छलफल अनिश्चित

ShareTweet काठमाडौं । प्रधानमन्त्री केपी शर्मा ओलीको कार्यशैलीले एकीकरणको बाँकी काम धकेलिँदै जाँदा नेकपाभित्र गुनासो र असन्तुष्टि चुलिँदै गएको छ । पार्टीभित्रको- ...
पूरा पढ्नुहोस्

स्रष्टा र सिर्जना

मसिना अक्षर, खँदिलो लेखन

ShareTweet अक्षर र लेखन मनोविज्ञानबारे मलाई खासै जानकारी छैन । राम्रा अक्षर हुनेहरूलाई परीक्षामा राम्रो अंक प्राप्त हुने कुराचाहिँ सर्वसिद्ध छ । अक्षर सिकाइका क्रममा- ...
पूरा पढ्नुहोस्

नयाँ पुस्तक

वीरेन्द्रको प्रशस्ती

ShareTweet राजदरबारमा शाही पाश्र्ववर्तीका रूपमा १७ वर्ष बिताएका सुन्दरप्रताप रानाले रहस्यमयी दरबार हत्याकाण्ड भएको १८ वर्षपछि दरबारको दुःखान्त नामक पुस्तक बाहिर- ...
पूरा पढ्नुहोस्

छोटकरीमा