18th October 2019, Friday

E-budhabar
Header Right Side NTC Advertisement

असक्षम सहसचिवलाई मन्त्रीकै काख



काठमाडौं । सिंगो मन्त्रालयभरि नै असक्षम भनी चिनिएका एक सहसचिवलाई मन्त्रालयको महŒवपूर्ण महाशाखाको जिम्मेवारी दिने तयारीस्वरूप कृषि तथा पशुपन्छी विकास मन्त्रालयको माथिल्लो तहका कर्मचारीहरूको सरुवा र हेरफेर गरिएको छ । आफूलाई पूर्वमाओवादी केन्द्रनिकट भनी चिनाउने सहसचिव तेजबहादुर सुवेदीलाई योजना महाशाखाको प्रमुख बनाउने गरी सहसचिव तहका कर्मचारीहरूको सरुवा गरिएको हो ।
अहिले सो मन्त्रालयको कृषि विकास महाशाखाको प्रमुख रहेका सहसचिव सुवेदीलाई योजना महाशाखाको प्रमुख बनाउने हेतुले सो महाशाखा हेरिरहेका सहसचिव योगेन्द्रकुमार कार्कीलाई अन्यत्रै सरुवा गरिएको छ । सहसचिव कार्कीलाई ३ नम्बर प्रदेशको सचिव बनाएर पठाइएको छ । सहसचिव सुवेदीलाई योजना महाशाखामा ल्याउनका लागि मन्त्री चक्रपाणि खनालले मुख्यसचिव लोकदर्शन रेग्मी र प्रधानमन्त्री केपी शर्मा ओलीका प्रमुख सल्लाहकार विष्णु रिमालसँग लबिइङ गरी सहसचिव कार्कीलाई ३ नम्बर प्रदेशमा सरुवा गरेको बुझिएको छ ।
योजना महाशाखामा ल्याउन लागिएको सहसचिव सुवेदी मन्त्रालयभित्र भने असक्षम र आर्थिक चलखेलमा बढी नै ध्यान दिने कर्मचारीका रूपमा चिनिन्छन् । विगतमा मन्त्रालयभित्रकै विभिन्न आयोजनाहरूमा कार्यरत रहँदा उनले थुप्रै अनियमित कार्य गरेको बताइन्छ । विगतमा कृषि तथा खाद्य सुरक्षा आयोजनाको आयोजना प्रमुख हुँदा उनले थुप्रै अनियमितता गरेको जनाइन्छ । विश्व बैंकको सहयोगमा सञ्चालित उक्त आयोजनाको गाडी खरिद, मेसिन खरिद र अन्न भण्डारणका लागि चाहिने हर्मेटिक ब्याग किन्दा उनले लाखौं अनियमितता गरेको सूत्रको दाबी छ ।
सहसचिव सुवेदीले कालीमाटी फलफूल तथा तरकारी बजारका बिचौलियाहरूलाई पनि प्रश्रय दिँदै आइरहेका छन् । कालीमाटीको सटर व्यापारीहरूले लामो समयदेखि कब्जा गरी आफूखुसी तरकारीको मूल्य तोक्दै र बेच्दै आइरहेकोमा मन्त्री खनालले ती बिचौलियाहरूलाई हटाउन निर्देशन दिएका थिए । उद्योग, वाणिज्य तथा आपूर्ति मन्त्री मातृका यादव आफ्नो मन्त्रालय मातहतको वाणिज्य विभागका कर्मचारीहरूलाई कालीमाटीका व्यापारीहरूले थुनेपछि आफै छुटाउन गएका थिए । त्यसपछि मात्रै मन्त्री खनाल कालीमाटीका बिचौलियाहरूलाई कारबाही गर्न तयार देखिएका थिए । तर, मन्त्री खनालको निर्देशन पाए पनि सहसचिव सुवेदीको असक्षमताका कारण अहिलेसम्म पनि कालीमाटीको ५९ वटा सटरहरूमा तिनै व्यापारीहरूले कब्जा जमाउँदै आएका छन् भने ती व्यापारीहरूले महिनौंसम्म सरकारलाई तिर्नुपर्ने भाडासमेत बुझाइरहेका छैनन् । सहसचिव सुवेदी कालीमाटी फलफूलको अध्यक्षसमेत भएका हुँदा उनले चाहेको खण्डमा बिचौलियाहरूलाई हटाउन सक्थे । तर, अहिलेसम्म पनि बिचौलियाहरूलाई नहटाई उनले संरक्षण गर्दै आइरहेको बताइन्छ ।
मन्त्री खनालले पनि सहसचिव सुवेदीको सबै क्रियाकलाप थाहा पाए पनि आँखा चिम्लेर बसेका छन् । अझ, पछिल्लो समय त उनलाई योजनाजस्ता महŒवपूर्ण महाशाखाको जिम्मेवारी दिने तयारीसमेत गरेकोमा मन्त्रालयका कर्मचारीहरू नै चकित परेका छन् ।

Leave a Reply

Your email address will not be published. Required fields are marked *

... र यो पनि ...

चक्रपथ

३ नम्बर प्रदेशमा संविधान दिवसको भव्य तयारीे

ShareTweet काठमाडौं । संविधान दिवसको अवसरमा ३ नम्बर प्रदेश सरकारले विविध कार्यक्रमहरू गर्ने भएको छ । सोमबार प्रदेशका मुख्यमन्त्री डोरमणि पौडेलको संयोजकत्वमा दिवस- ...
पूरा पढ्नुहोस्

स्रष्टा र सिर्जना

समान पीडा

ShareTweet शिव रेग्मीले सिंगो जीवन नेपाली भाषा–साहित्यको प्रवद्र्धनमा बिताए । भाषा–साहित्यसँग जोडिएका खोज–अनुसन्धानमूलक कार्यमा उनको गहिरो अभिरुचि रह्यो । त्यही- ...
पूरा पढ्नुहोस्

नयाँ पुस्तक

विसंगतिमाथि चोट

ShareTweet पोखराको साहित्यिक परिवेशमा भिजेका अधिकांश सर्जकहरूले मुक्तक विधामा कलम नचलाएका कमै दृष्टान्त होलान् । सरुभक्त, तीर्थ श्रेष्ठ, प्रकट पगेनी ‘शिव’, रमेश श्रेष्ठलगायत- ...
पूरा पढ्नुहोस्

छोटकरीमा