18th October 2019, Friday

E-budhabar
Header Right Side NTC Advertisement

जुत्तामेलामा ग्राहक ठगिँदै



काठमाडौं । भृकुटीमण्डपमा भइरहेको जुत्ताहरूको महाकुम्भ मेलामा व्यापक ठगी भएको छ । ठगी भएको भन्दै सयौं उपभोक्ताहरू गुनासो गर्दै हिँडेका छन् । जुत्ताहरूको महाकुम्भ मेलामा जुत्ता किनेपछि वारेन्टी बिल पाए पनि त्यसमा दिएको बिलमा गलत फोन नम्बर राख्ने गरिएको भेटिएको छ ।
‘नेपाली जुत्ताचप्पल प्रयोग गरौं, स्वदेशी उत्पादनमा गर्व गरौं’ भन्ने नाराका साथ भृकुटीमण्डपमा ‘महासेल महाकुम्भ जुत्ता मेला’ आयोजना गर्ने गरिए पनि अधिकांश जुत्ताहरू ड्यामेज र नबिकेका वर्षौं पुराना जुत्ताहरू भएको बुझिएको छ । केही नयाँ जुत्ता अगाडि देखाएर राखेर सो प्रदर्शनमार्फत राखिएका केही जुत्ता कम्पनीहरूले भने ग्राहकलाई झुक्याइरहेको पाइएको छ ।
मेलामा जाने ग्राहकलाई ‘६ महिनाको वारेन्टी, ‘नेपाली ब्रान्डका सामान हुन्, हाम्रो आफ्नै उत्पादन हो’ आदि चिल्ला कुरा गरेर ग्राहकलाई जुत्ता–चप्पल किन्न आकर्षित गर्ने गरिएको पाइएको छ । तर, ग्राहकले किनेको जुत्ता चप्पलको न कुनै वारेन्टी हुन्छ, न त बिक्रेताले भने जस्तो ग्राहकले सुविधा नै पाउँछन् । एक ग्राहकले वेलकम सुज स्टोर्सको जुत्ता १७ सय तिरेर खरिद गरेका थिए । जसमा ६ महिनाको वारेन्टी पनि भनिएको थियो ।
तर, ती ग्राहकका केही दिनमा नै लाउन नमिल्ने गरी सोल खुस्कियो । बिल बोकेर भृकुटीमण्डपमा मेला लागेको ठाउँमा गुनासो गरे । मेलामा रहेका बिक्रेताले बिलमा भएको फोन नम्बरमा फोन गरेर ल्याइदिनुहोला, हामी बनाइदिन्छौ भनेर फर्काइदिए । तर, उक्त फोन नम्बरमा कहिल्यै फोन नलाग्ने पीडितको गुनासो छ । चैत महिनाभरि लाग्ने सो ‘महासेल महाकुम्भ जुत्ता मेला’ आठवटा जुत्ता कम्पनी आफ्ना उत्पादनहरू बिक्री वितरणमा राखेका छन् । त्यसमध्ये वेलकम सुज स्टोर्सले भने ग्राहकलाई वारेन्टी दिने नाममा दुःख दिने गरेको छ । वेलकम सुजको काठमाडौंको पुतलीसडकसहित केही स्थानमा र देशका अन्य ठाउँमा पनि शाखा रहेको छ । स्वाभाविकै रूपमा स्वदेश उत्पादन प्रयोग गर्नुपर्छ । त्यही भएर पनि भृकुटीमण्डपमा मेला लाग्दा भीड लाग्ने गर्छ । तर, यस प्रकारको हेल्चेक्र्याइँले भने नेपाली उत्पादनसँग विश्वास घट्दै गइरहेको छ ।

Leave a Reply

Your email address will not be published. Required fields are marked *

... र यो पनि ...

चक्रपथ

३ नम्बर प्रदेशमा संविधान दिवसको भव्य तयारीे

ShareTweet काठमाडौं । संविधान दिवसको अवसरमा ३ नम्बर प्रदेश सरकारले विविध कार्यक्रमहरू गर्ने भएको छ । सोमबार प्रदेशका मुख्यमन्त्री डोरमणि पौडेलको संयोजकत्वमा दिवस- ...
पूरा पढ्नुहोस्

स्रष्टा र सिर्जना

समान पीडा

ShareTweet शिव रेग्मीले सिंगो जीवन नेपाली भाषा–साहित्यको प्रवद्र्धनमा बिताए । भाषा–साहित्यसँग जोडिएका खोज–अनुसन्धानमूलक कार्यमा उनको गहिरो अभिरुचि रह्यो । त्यही- ...
पूरा पढ्नुहोस्

नयाँ पुस्तक

विसंगतिमाथि चोट

ShareTweet पोखराको साहित्यिक परिवेशमा भिजेका अधिकांश सर्जकहरूले मुक्तक विधामा कलम नचलाएका कमै दृष्टान्त होलान् । सरुभक्त, तीर्थ श्रेष्ठ, प्रकट पगेनी ‘शिव’, रमेश श्रेष्ठलगायत- ...
पूरा पढ्नुहोस्

छोटकरीमा