25th April 2019, Thursday

E-budhabar

बीओकेमा गम्भीर समस्या



काठमाडौं । बैक अफ काठमाडौं गम्भीर समस्यामा परेको छ । सर्वसाधारणको निक्षेपबाट चलेको बैंकमा सञ्चालकहरूले मनोमानी गर्दा बैंक समस्यामा परेको हो । बैंकमा आन्तरिक किचलो तथा मनोमानी बढेपछि राष्ट्र बैंकले लाभांश वितरणमा रोक लगाएको छ । यस घाटापछि बैंकका लगाएपछि सञ्चालकहरू तनावमा परेका छन् । लाभांश रोक पनि एक खालको कारबाही नै भएको बताइन्छ ।
पछिल्लोपटक बैंक अफ काठमान्डु (बीओके) मा संस्थागत सुशासनको पालनमा गम्भीर समस्या देखिएको बताइन्छ । राष्ट्र बैंकको निर्देशनअनुसार कुुनै पनि बैंक तथा फाइनान्स कम्पनीमा एकाघर परिवारका एकै व्यक्तिको नाउँमा ठूलो परिमाणमा संस्थापक सेयर हुुनुहुँदैन । तर बैंक अफ काठमान्डुमा संस्थापक सेयरधनी डम्बरबहादुर मल्लको नाउँमा दुई प्रतिशतभन्दा बढी सेयर रहेको छ । सोही आधारमा उक्त सेयर मिलान गर्न भन्दै राष्ट्र बैंकले बैंक अफ काठमान्डुलाई निर्देशन दिएको हो । राष्ट्र बैंकको निर्देशनका कारण बिओकेले गत आर्थिक वर्षको खुुद मुनाफामध्येबाट प्रस्ताव गरेको १४ प्रतिशत बोनस सेयर, ११ प्रतिशत नगद लाभांश वितरण गर्ने प्रस्ताव पनि अन्योलमा परेको छ । बैंकमा अहिले पनि मल्लको नाउँमा झन्डै २ प्रतिशतभन्दा बढी सेयर स्वामित्व रहेको र यदि हालकै अवस्थामा बैंकले लाभांश वितरण गर्ने हो भने मल्लको भागमा मात्र झन्डै ३ करोड रूपैयाँ पर्न आउँछ । यसरी एकै व्यक्तिको नाउँमा ठूलो परिमाणमा सेयर हुुँदा बैंकमा संस्थागत सुशासन कमजोर हुुने भन्दै राष्ट्र बैंकले बिओकेलाई कारबाही गरेको हो । राष्ट्र बैंकले बिओकेलाई कारबाही गर्दै बढी अनुुपातमा रहेको सेयर बिक्री गरेर राष्ट्र बैंकले तोकेको सीमाभित्र नल्याएसम्म लाभांश वितरण गर्न प्रतिबन्ध लगाएको छ ।
राष्ट्र बैंकको निर्देशनअनुसार कुनै एक बैंक तथा वित्तीय संस्थाको संस्थापक सेयरमा लगानी गर्दा चुक्ता पुँजीको बढीमा १५ प्रतिशत र अन्य बैंक तथा वित्तीय संस्थामा चुत्ता पुँजीको बढीमा १ प्रतिशतसम्म मात्र लगानी गर्न सकिनेछ । तर, बिओकेमा मल्लको सेयर राष्ट्र बैंकको तोकेको व्यवस्थाभन्दा निकै नै उच्च रहेको छ ।
हाल बैंक सञ्चालक समितिको अध्यक्षमा प्रकाश श्रेष्ठ रहेका छन् भने सञ्चालक समिति सदस्यहरूमा राधेश पन्त, जितेन्द्र धिताल, डा. हेमराज सुवेदी, गोविन्दप्रसाद शर्मा रेग्मी, मदनलाल जोशी र दिव्यनिधि विष्ट रहेका छन् । त्यसैगरी सीईओ शोभनदेव पन्त रहेका छन् ।

Leave a Reply

Your email address will not be published. Required fields are marked *

... र यो पनि ...

चक्रपथ

स्थानीयमा पुगेन किताबको पैसा

ShareTweet काठमाडौं । तीन दिनअघि सरकारले निकै तामझामपूर्वक ‘विद्यार्थी भर्ना अभियान’ सुरु भएको घोषणा ग¥यो । ‘हाम्रो नगर हाम्रो गाउँ, सबै बालबालिकालाई विद्यालय पु¥यायौं’- ...
पूरा पढ्नुहोस्

स्रष्टा र सिर्जना

अब टाउको कमै दुख्ला

ShareTweet केही दिनपूर्व एकजना साथी प्रफुल्ल मुद्रामा देखिए । उनी प्रफुल्ल हुनुका एउटै कारण थियो– ‘पब्जी’ माथि प्रतिबन्ध । पब्जी–पीडित अभिभावकको लहरमा उनी पनि आबद्ध- ...
पूरा पढ्नुहोस्

नयाँ पुस्तक

श्रमप्रति समर्पित

ShareTweet कविता लेख्नुको अर्थ सत्यको अन्वेषण गर्नु हो । जुन कविता सत्यको अन्वेषण गर्न चुकेका हुन्छन्, मानवीय गरिमा र संवेदनालाई टिप्न असक्षम ठहरिन्छन्, त्यस्ता कविता- ...
पूरा पढ्नुहोस्

छोटकरीमा