25th April 2019, Thursday

E-budhabar

पूर्वडीआईजीको नाममा मिटरब्याजको धन्दा



काठमाडौं । ६० को दशकमा क्यासिनोमा जुवा हारेर टाट पल्टिएकाहरूलाई घरजग्गाको धनीपुर्जा वा गाडी धितो राखेर मिटरब्याजमा पैसा लगानी गर्नेहरू पछिल्लो समयमा पनि यसमा सक्रिय छन् । पछिल्लो समयमा आपतविपत्मा परेकाहरूको घरजग्गाको पुर्जा वा गाडी धितोमा राखी मिटरब्याजमा पैसा लगानी गर्दै आएका छन् । मिटरब्याजमा दुई करोड दिएर दुई वर्षमा आठ करोड रूपैयाँ तिर्दा पनि चुक्ता नगरेको भन्दै महेशबहादुर सिंहले कन्चटमा बन्दुक तेर्साएपछि एक समय चर्चित अर्बिट इन्टरनेसनलका उद्धव केसी सपरिवार जापान पलायन हुनुपरेको छ । उद्धव केसी एक उदाहरण हुन्, कैयौं उद्धव केसीहरूलाई उनीहरूले मिटरब्याजमा पैसा लगानी गरी करोडको सम्पत्ति लाख दिएर हडपेका छन् ।
महेश सिंह, वीरेन्द्रलाल श्रेष्ठ, बलराम सापकोटा ‘बले’देखि ऋषि सुवेदीको धन्दा मिटरब्याज नै हुँदै आएको छ । यिनीहरूमध्ये अधिकांशले प्रहरीको पैसा लगानी गर्दै आएका छन् । प्रहरीको पैसा लिएर चर्को ब्याजमा लगानी गर्दै आएको यो समूहका महेश सिंह र वीरेन्द्रलालले धेरैका करोडका घर लाखमै कब्जा गरी रोडमा ल्याइदिए । महेश सिंहलाई प्रहरीले सम्पत्ति शुद्धीकरण अनुसन्धान विभागमा मुद्दा चलाएपछि मिटर ब्याजको धन्दाबाट पलायन भइसकेका छन् । बलराम सापकोटा बलेले झापाको धुलाबारीमा होटल मेची क्राउनमा लगानी गरेका छन् । बले पछिल्लो समयमा अदालतका बिचौलिया पनि हुन् । उनले प्रधानन्यायाधीश चोलेन्द्रशमशेर राणासँग पनि आफ्नो कनेक्सन छ भन्दै मुद्दामा करोडौंको डिल गर्दै आएका छन् ।
वीरेन्द्रलाल श्रेष्ठले अहिले पनि मिटरब्याजमा लगानी गर्दै आएका छन् । यद्यपि किरण गौतम र कल्याण तिम्सिना एआईजी हुँदाजस्तो उनको चकचकी छैन । अहिले मिटरब्याजमा उदाउँदा पात्र हुन्, ऋषि सुवेदी । प्युठान घर भएका उनी पूर्वडीआईजी नवराज सिलवाल, नेपाल प्रहरीका प्रवक्ता एसएसपी उत्तम सुवेदीको नाम लिँदै मिटरब्याजमा लगानी गर्दै आएका छन् । राष्ट्रिय अनुसन्धान विभागका पूर्वअसई सुवेदीले एसएसपी सुवेदीलगायतसँग सापटी लिएर मिटरब्याजमा लगानी गरी छोटो समयमा अथाह सम्पत्ति आर्जन गरेका छन् । विराटनगरतिरका कुमारी पुरीले सुवेदीसँग डेढ वर्षअघि १५ लाख सापटी लिएका थिए । उनले अहिलेसम्म ३५ लाख तिरिसक्दा पनि अझै सावाँजतिको त्यति नै छ । उनले केही दिनअघि पुरीलाई यो रकम पूर्वडीआईजी सिलवाल र सुवेदीको हो भन्दै तुरुन्त चुक्ता गर्न चेतावनी दिएपछि उनी तनावमा परेका छन् । प्रहरीका बीचौलियाका रूपमा चिनिने सुवेदी एक प्रहरी अधिकृतका विरुद्ध अर्कालाई कुरा लगाएर एकअर्कामा विवाद गराउने काममा पनि उत्तिकै लाग्ने गरेका छन् । यस्तै प्रवृत्तिका कारण विवाद हुँदा एसपी आभूषण तिम्सिना र सुवेदीबीच दुई वर्षअघि हात हालाहालसमेत भएको थियो ।
यसैबीच, एक प्रहरी अधिकृतले मिटरब्याजमा लगानी गरेको ३ करोड रुपैयाँ डुबेको छ । डीएसपी कुमुद ढुंगेलले एक होटल सञ्चालकलाई प्रहरीका उच्च अधिकारीबाट लिएर दिएको ३ करोड डुबेको हो । उक्त रकम डुबेको कुरा पहिला लाजिम्पाट र हाल महाराजगन्ज चक्रपथमा सारिएको भेनस रेस्टुरेन्टमा उनले आफ्ना निकटहरूसँग चिन्ता प्रकट गरेका छन् । उनी उक्त रकम डुबेपछि नगर प्रहरीको प्रमुखमा सरुवा भएर आउने र त्यहाँ हरेक बिहान खेल्न आउनेहरूसँग कनेक्सन मिलाएर उक्त रेस्टुरेन्टको व्यापार वृद्धि गराउने चक्करमा लागेका छन् । उनी केही दिनअघि रूपन्देहीबाट चन्द्रनिगाहपुरमा सरुवा भएका हुन् ।

Leave a Reply

Your email address will not be published. Required fields are marked *

... र यो पनि ...

चक्रपथ

स्थानीयमा पुगेन किताबको पैसा

ShareTweet काठमाडौं । तीन दिनअघि सरकारले निकै तामझामपूर्वक ‘विद्यार्थी भर्ना अभियान’ सुरु भएको घोषणा ग¥यो । ‘हाम्रो नगर हाम्रो गाउँ, सबै बालबालिकालाई विद्यालय पु¥यायौं’- ...
पूरा पढ्नुहोस्

स्रष्टा र सिर्जना

अब टाउको कमै दुख्ला

ShareTweet केही दिनपूर्व एकजना साथी प्रफुल्ल मुद्रामा देखिए । उनी प्रफुल्ल हुनुका एउटै कारण थियो– ‘पब्जी’ माथि प्रतिबन्ध । पब्जी–पीडित अभिभावकको लहरमा उनी पनि आबद्ध- ...
पूरा पढ्नुहोस्

नयाँ पुस्तक

श्रमप्रति समर्पित

ShareTweet कविता लेख्नुको अर्थ सत्यको अन्वेषण गर्नु हो । जुन कविता सत्यको अन्वेषण गर्न चुकेका हुन्छन्, मानवीय गरिमा र संवेदनालाई टिप्न असक्षम ठहरिन्छन्, त्यस्ता कविता- ...
पूरा पढ्नुहोस्

छोटकरीमा