17th November 2019, Sunday

E-budhabar
Header Right Side NTC Advertisement

तीन वर्षपछि बल्ल विभाग गठनको कुरा



काठमाडौं । नेपाली कांग्रेसको विधानमा महाधिवेशन भएको दुई महिनाभित्र केन्द्रीय विभागहरू गठन गर्नुपर्ने उल्लेख छ । तर लाजमर्दो कुरा कांग्रेसको चौधौं महाधिवेशन सकिएको गत फागुनमा ती वर्ष पूरा भएको छ । तीन वर्षपछि बल्ल गत सोमबार मात्र कांग्रेसका शीर्ष नेताहरूबीच विभाग गठनको विषय अनौपचारिक छलफलमा प्रवेश गरेको छ ।
पार्टीभित्र चर्कंदो विवाद समाधानका निम्ति सभापति शेरबहादुर देउवाले सोमबार आफ्नै निवास बूढानीलकण्ठमा डाकेको शीर्ष नेताको अनौपचारिक बैठकमा विभाग गठनको कुरा प्रवेश पाएको हो । पार्टीको सबैभन्दा महŒवपूर्ण निकाय मानिने २९ केन्द्रीय कार्यसम्पादन समिति त गठन हुन नसकेको बेला विभाग गठन गर्ने त धेरै टाढाको कुरा भएको बताइन्छ । महाधिवेशनलगत्तै कार्यसम्पादन समिति गठन गरिएको भएपनि त्यहाँ शीर्ष नेताहरू छुटेको भन्दै विरोध भएपछि त्यसलाई भंग गरिएको थियो । खासमा केन्द्रीय कार्यसमितिको समस्या शेखर कोइरालासँग जोडिएको बताइन्छ । अघिल्लोपटक सो समितिमा उनी परेका थिएनन् । शीर्षनेतालाई कार्य सम्मपादन समितिमा राख्दा संस्थापन समूह अल्पमतमा पर्ने र संस्थापन समूहको बहुमत पु¥याउँदा शीर्ष नेता छुट्ने समस्याले गर्दा कार्यसम्पादन गठन गर्न नसकिएको बताइन्छ । कार्यसम्पादन २९ सदस्यीय हुन्छ । जसमा कार्यसमितिका अनिवार्य हुन्छन् । २९ मध्ये देउवाले रामचन्द्र पौडेल समूहलाई ११ दिएर आफूले १८ राख्न चाहेका छन् । पौडेल समूहले ११ पाउँदा पदाधिकारी पौडेलबाहेक महामन्त्री शशांक कोइराला, कोषाध्यक्ष सीतादेवी यादव पर्ने नै भए । बाँकी आठ जना गर्दा पौडेल समूहका वरिष्ठ छुट्ने तथा संस्थापन समूहका कनिष्ठले समेटिने गर्दा समस्याको गाँठो कसिएको हो । एक नेताले भने, ‘वरिष्ठ नेता जति पौडेल समूहमा छन्, काम गर्न सजिलोका लागि पनि संस्थापन समूहको बहुमत हुनुपर्छ, अनि कसरी कुरा मिल्छ ?’
केन्द्रीय सदस्यको वरियताको विवाद पनि सुल्झेको छैन । वरिष्ठ नेताहरू वरीयतामा तल राखिएको भन्दै केन्द्रीय सदस्यहरूले असन्तुष्टि जनाउँदै आएका छन् । त्यति मात्र होइन, नेतृत्वविरुद्ध जिल्ला सभापतिहरूले भेला गरेर महासमिति बैठकको निर्णय बहुमतको बलमा केन्द्रीय कमिटीले उल्ट्याएको मा विरोध गर्दै त्यसलाई सच्याउन माग गरेका छन् । त्यो निर्णय नसच्याउने हो भने विशेष महाधिवेशन बोलाउने चेतावनी उनीहरूले दिएका छन् ।

Leave a Reply

Your email address will not be published. Required fields are marked *

... र यो पनि ...

चक्रपथ

अलपत्रै छाडियो कम्प्युटर ल्याब

ShareTweet काठमाडौं । नेपाल दूरसञ्चार प्राधिकरणले अत्याधुनिक कम्प्युटर ल्याब राख्न देशभरिका करिब एक हजार विद्यालयसँग सम्झौता गरेको लामो समय बितिसक्दा पनि अझै काम- ...
पूरा पढ्नुहोस्

स्रष्टा र सिर्जना

कति दुख्छ कालापानी ?

ShareTweet यतिबेला राष्ट्रवादी स्वरलहरी गुन्जिइरहेका छन्, सर्वत्र । युवापंक्ति सडकमा ओर्लिएका छन् । आवाज घन्काइरहेका छन्– ‘लिपुलेक हाम्रो हो ।’ नेपालको भूभाग एकपक्षीय- ...
पूरा पढ्नुहोस्

नयाँ पुस्तक

आफ्नै ठगी बुद्धिले रूपज्योति फन्दामा

ShareTweet काठमाडौं । अर्बौंको कारोबार भएका चर्चित व्यापारी रूपज्योति करोड चानचुनको ठगीमा परेका छन् । जग्गा बेच्न भन्दै विज्ञेन्द्र मल्लसँग एक करोड २६ लाख बैना लिएर- ...
पूरा पढ्नुहोस्

छोटकरीमा