16th July 2019, Tuesday

बारमा अन्तर्घातीको खोजी



काठमाडौं । नेपाल बार एसोसिएसनको नयाँ नेतृत्वमा वाम–प्रगतिशील समावेशी समूहले दुई तिहाइभन्दा बढी वर्चस्व स्थापित गरेको छ ।
२५ सदस्यीय कार्यसमितिमा अध्यक्ष चण्डेश्वर श्रेष्ठसहित ६ उपाध्यक्ष, कोषाध्यक्षसहित २२ जना प्रगतिशील समूहबाट निर्वाचित भएका छन् । लोकतान्त्रिक समूहबाट महासचिव लीलामणि पौडेलसहित एक उपाध्यक्ष र एक सदस्य निर्वाचित भएका छन् । वाम प्रगतिशीलको जितलाई ठूलो सफलताका रूपमा चर्चा गरिए पनि दुई तिहाइको सरकार सञ्चालन गरिरहेका बेला कसरी बारमा संगठनमा पकड राख्ने महासचिव पद गुम्यो भन्ने समीक्षा सुरु भएको छ ।
अध्यक्षमा श्रेष्ठले लोकतान्त्रिक समूहका सुनिल पोखरेललाई १ सय ४९ मतले पराजित गरे । दुई ठूला पार्टी मिलेका बेला श्रेष्ठ कम्तीमा ३ सयदेखि ५ सय मतान्तरले विजय हुनुपर्नेमा उनीमाथि पनि अन्तर्घात भएको वाम समूहको ठहर छ । त्योभन्दा पनि महासचिवका उम्मेदवार सुरेन्द्र थापामाथि विशेष गरी ललितपुर जिल्ला बारबाट धेरै अन्तर्घात भएकाले पराजित हुनुपरेको बताइन्छ । उपत्यकाबाहिरको मतमा प्रत्यासी लीलामणि पौडेलको तुलनामा एक सय हाराहारी मतले मात्र पछि परेका थिए । जबकि, ती मत ललितपुर जिल्ला र उच्च अदालत पाटनको मत गन्दा कभर गरेर कम्तीमा ५० देखि सय मतले जित्ने अनुमान थियो । तर मतगणननाका क्रममा उनीमाथि झन्डै डेढ सय मत अन्तर्घात भएको तथ्य भेटिएपछि उनी चार सय ७७ मतले पौडेलसँग पराजित भए । श्रेष्ठ पूर्वमाओवादी समूह तथा थापा पूर्वएमाले समूहबाट प्रतिनिधित्व गर्छन् । बारसम्बद्ध सदस्यहरूले पार्टी नेतृत्वलाई थापामाथि पूर्वमाओवादी समूहबाट रमण श्रेष्ठ र पूर्वएमाले समूहका टीकाराम भट्टराईलगायतले अन्तर्घात गरेको रिपोर्ट गरेका छन् । संसदीय दलका उपनेता सुवास नेम्वाङले पनि अराजकता झन् बढ्न सक्नेमा चिन्ता जनाउँदै थापामाथि भएको अन्तर्घातलाई गम्भीर रूपले लिएका छन् । त्यसो त महान्यायाधिवक्ता अग्नि खरेललेसमेत थापालाई हराउन भूमिका खेलेकोसमेत चर्चा हुने गरेको छ । देशममा दुई तिहाइ मतका साथ सरकारको नेतृत्व गरिरहेको बेला यसपटकको बार निर्वाचनलाई नेकपाले गम्भीरतापूर्वक लिएको थियो । त्यसैले पनि थापाको हारलाई प्रतिष्ठासँग जोडेर नेकपाले आन्तरिक छानबिन गर्ने र अन्तर्घातीहरूलाई अबका दिनमा कुनै पनि महŒवपूर्ण जिम्मेवारी नदिने योजना बनाएको बताइन्छ ।

Leave a Reply

Your email address will not be published. Required fields are marked *

... र यो पनि ...

चक्रपथ

टेलिकमका ग्रहकलाई भारी छुट

ShareTweet काठमाडौं । सम्भव भएसम्म सस्तो मूल्यमा अत्याधुनिक दूरसञ्चार सेवाहरु ग्राहकलाई उपलब्ध गराउँदै आएको नेपाल टेलिकमले असार २७ गते शुक्रबार देखि लागू हुनेगरी- ...
पूरा पढ्नुहोस्

स्रष्टा र सिर्जना

सावित्रीको साढे पाँच दशक

ShareTweet शकुन्तला गुरुङ शर्माले नाट्य क्षेत्रमा पाइला टेक्दा नेपाली समाज पूरै परम्परागत मान्यताबाट निर्देशित थियो । स्त्रीहरूको कुनै स्वतन्त्र निजता र हैसियत- ...
पूरा पढ्नुहोस्

नयाँ पुस्तक

दरबारको इतिवृत्तान्त

ShareTweet विज्ञानले एकपछि अर्को चमत्कार थप्दै लगिरहेको छ । नयाँ–नयाँ प्रविधिको विकास र परिमार्जनले हरेक क्षेत्र÷माध्यम सहज बन्दै गइरहेको छ । प्रविधिको तीव्रतर विकास- ...
पूरा पढ्नुहोस्

छोटकरीमा