30th May 2020, Saturday

E-budhabar
Header Right Side NTC Advertisement

‘प्रधानमन्त्री’को नाममा अनियमितताको खेती

काठमाडौं । नयाँ वर्षको पहिलो दिन प्रधानमन्त्री केपी शर्मा ओलीले दिएको शुभकामना सन्देशमा भनिएको छ, ‘व्यावसायिक स्याउ फार्मलाई प्रोत्साहन गर्न मनाङ पुगेको छु ।’ तर, प्रधानमन्त्री ओलीले स्याउ फार्मलाई प्रोत्साहन गर्न मनाङ पुगेको विषयलाई गर्वका साथ उठाए पनि त्यसको तीतो पक्ष भने अर्कै रहेको छ ।
गएको वर्ष असोजमा प्रधानमन्त्री ओली मनाङ पुग्दा हिमाली जिल्लाका किसानहरूलाई १ लाख बोट स्याउको बिरुवा दिने घोषणासमेत भएको थियो । प्रधानमन्त्री आधुनिक कृषि परियोजनाअन्तर्गत इटालीबाट १ लाख स्याउको बिरुवा ल्याउनेगरी प्रक्रिया अघिसमेत बढेको थियो । मनाङ, मुस्ताङ, मुगु, हुम्ला, सोलुखुम्बुलगायतका जिल्लाका किसानलाई स्याउको बिरुवा वितरण गर्ने योजना रहेको थियो । तर, सो परियोजनाका कर्मचारीहरूको लापरबाही र कमिसन नआउने भएपछि गएको हिउँदमा रोप्नुपर्ने स्याउको बिरुवा इटालीबाट आएन र त्यो कार्यक्रम त्यत्तिकै तुहिन पुग्यो । इटालीबाट स्याउको बिरुवा ल्याउन परियोजनाले १० करोड रुपैयाँ बजेट छुट्ट्याएको थियो । त्यति रकमले इटालीबाट उच्च जातको स्याउको बिरुवा ल्याउने योजना रहेको थियो ।
प्रधानमन्त्रीको नाम जोडिएको सो परियोजनाका कर्मचारीहरूको भ्रष्ट र अनियमित प्रवृत्तिका कारण स्याउको बिरुवाको प्रकरणलगायत थुप्रै घटना हुन पुगेका छन् । यसैबीच, काभेपलाञ्चोक जिल्लामा सुरु गर्न लागिएको क्यानिङ (जुस, जाम, क्यान्डी प्रशोधित उद्योग) उद्योगका लागि पूर्वाधार नपुगेको एउटा कम्पनीलाई योजना पार्न कृषि तथा पशुपन्छी मन्त्रालयका उच्च तहका कर्मचारीहरू अहिले सक्रिय रहेका छन् । फलफूल प्रशोधन कार्यका लागि परियोजनाबाट स्वीकृत १५ करोड रुपियाँमा कमिसन पाइने भएपछि तीन÷तीनपटक आवेदन दिएर पनि अस्वीकृत भएको एउटा कम्पनीलाई सो कार्यक्रम दिलाउन मन्त्रालयको योजना महाशाखाका प्रमुख, वरिष्ठ अधिकृतलगायत माथिल्लो तहका कर्मचारीहरूले अहिले सक्रियता देखाइरहेको बताइन्छ ।
यसरी नै, सो परियोजनाको काभ्रेमा सञ्चालित आलु सुपर जोन कार्यान्वयन इकाइमा पनि अनियमितता भएको पाइएको छ । आर्थिक वर्ष २०७५÷७६ मा सो सुपरजोनका करिब अढाइ करोड रुपैयाँ बेरुजु देखिन पुगेको थियो । देशका अरू भागहरूमा सञ्चालित विभिन्न सुपरजोन र जोनहरूमा समेत अनियमितता देखिएपछि प्रधानमन्त्री स्वयंले आफ्नो पद जोडिएको उक्त योजनाबाट प्रधानमन्त्री नाम हटाउन यसअघि नै सार्वजनिक रूपमै सुझाव दिएका थिए ।
पछिल्लो समय, सो परियोजनामा व्यापक अनियमितता भइरहेको कुरा सतहमै आइरहेका छन् । मन्त्रालयको अहिलेसम्मकै ठूलो सो परियोजनालाई दुहुनो गाई बनाउन मन्त्री, सचिव, सहसचिवहरू नै सक्रिय रहेको बताइन्छ ।

Leave a Reply

Your email address will not be published. Required fields are marked *

... र यो पनि ...

  • प्रदेश प्रमुखकसँग राष्ट्रपति रुष्ट

    काठमाडौं । संवैधानिक भूमिका र पदीय मर्यादालाई बिर्सिंदै राजनीतिक दलका प्रमुखको निवासमा पुगेर मागपत्र पेस गरेको सूचना पाएपछि राष्ट्रपति विद्या भण्डारी प्रदेश प्रमुखहरूसँग रुष्ट भएकी छन् । प्रदेश प्रमुखहरूको त्यस्तो कदमले लज्जाबोध गराएको भन्दै संविधानविद्ले चिन्ता व्यक्त गरेका छन् भने आमनागरिकसमेत आक्रोशित भएका छन् । प्रसंग गत २ गतेको हो...
  • रोकिएन हायातको मनपरी

    काठमाडौं । २७ वर्षअघि अर्थात् २०४९ सालदेखि आफूखुुसी गर्दै आएको तारागाउँ रिजेन्सी होटल्स लिमिटेडको मनपरी अझै रोकिएको छ । होटलले फेरि आफूखुसी सम्पत्ति तथा दायित्व मूल्यांकन (डीडीए) गराउने चलखेल सुरु गरेको छ । घाटा देखाउँदै नेपाल सरकारको लगानी ३९.६७ प्रतिशतबाट घटेर ९.०१ प्रतिशत घटाएको हायातले फेरि चलखेल सुरु गरेको हो...
  • दलाली गर्दै, पुरस्कार दिँदै

    काठमाडौं । साहित्यका नाममा दलाली गर्नेहरूको हामीकहाँ कमी छैन । लामो समयदेखि विभिन्न शक्तिकेन्द्र र व्यक्तिहरूलाई प्रभावमा पारेर साहित्यकै नाममा दलाली गर्दै आएको नइ प्रकाशनले राखेका विभिन्न पुरस्कारहरूको स्रोतहरू के हुन् भन्नेचाहिँ अहिलेसम्म गुपचुप नै देखिन्छ । नरेन्द्रराज प्रसार्इं र इन्दिरा प्रसाईंले दुई दशकअघि स्थापना गरेको नइ प्रकाशनले हरेक व्यवस्था...

चक्रपथ

बीजकोयाका हाकिमको यो हर्कत

काठमाडौं । प्रजनन पिँढी बीजकोया स्रोत केन्द्र बन्दीपुर तनहुँका हाकिम शंकरप्रसाद न्यौपानेको चर्तिकलाले सीमा नाघेको छ । अवकाशको केही महिना बाँकी रहँदा वरिष्ठ बाली संरक्षण अधिकृतको हैसियतमा रहेका उनले अनियमिता र भ्रष्टाचारको शृंखला नै चलाएको भन्दै सर्वत्र गुनासो आएको छ । माहुरी, च्याउ, रेशम खेतीलगायत बालीको विकास, विस्तार र अनुसन्धानसमेतको...
पूरा पढ्नुहोस्

स्रष्टा र सिर्जना

‘गीता’ को राजनीति

कुनै वैचारिक मुद्दाका आधारमा नभई व्यक्तिगत टकरावको उत्पत्ति हुँदा विभाजनको पीडा झेल्ने नेपालका सीमित राजनीतिक दलमा पूर्वपञ्चहरूको पार्टी राष्ट्रिय प्रजातन्त्र पार्टीले बदनामी कमाउँदै आएको छ । विभाजन र एकताको अनेक अभ्यास गरिसकेको सो पार्टी पछिल्लो समय फेरि एकताको सूत्रमा बाँधिएको छ । पछिल्लो समय तीन समूहमा विभाजित राप्रपा केही दिनपूर्व...
पूरा पढ्नुहोस्

नयाँ पुस्तक

फरक स्वरध्वनि

तीन दशकयता कविता–कर्म र साधनामै व्यस्त छन्, वीरु बाङ्देल । सिक्किमका बासिन्दा बाङ्देलले नेपाली भाषामा उम्दा काव्य सिर्जना गरेर पृथक पहिचान बनाउँदै आएका छन् । कवितालाई नै लेखनको मूल विषय बनाएका उनले आजको समाज र राजनीतिक परिस्थितिहरूको भित्री यथार्थको अभिव्यक्ति धेरै नै प्रभावशाली ढंगले पस्किँदै आएका छन् । उनको पछिल्लो...
पूरा पढ्नुहोस्

छोटकरीमा

  • चिरायुको कर्जा फाइल किन गायब ?

    काठमाडौं । पदीय दुरुपयोगको चरम नमुना हेर्नुपरे नेपाल राष्ट्र बैंकका डेपुटी गभर्नर चिन्तामणि सिवाकोटीले आफू पदमा रहँदा गरेका अनियमित कार्यहरू हेरे पुग्छ । विगतमा आफूले गरेका अनियमित कार्यहरूबाट सफाइ पाएको दाबी सिवाकोटीले गरे पनि कतिपय कसुरमा भने उनीमाथि कारबाही भएको छैन । डेपुटी गभर्नर भएपछि सिवाकोटीले चिरायु अस्पतालको कर्जा प्रवाह...
  • म्याट्रेस खरिदको १५ करोड फ्रिज हुने खतरा

    काठमाडौं । सरकारले दिएको पैसा समयमा नै खर्च गर्न नसक्दा नेपाल प्रहरीको म्याटेस खरिदका लागि छुट्याएको १५ करोड ४० लाख रुपैयाँ फ्रिज हुने अवस्था देखिएको छ । आर्थिक वर्ष सकिन अब चार महिना मात्र बाँकी छ । यो चार महिनामा नेपाल प्रहरीले खरिद गर्न सक्ने अवस्था नरहेको बताइन्छ । यो...
  • मुद्दती खाताको परिचय नै फे¥यो एनआईसीले

    काठमाडौं । एनआईसी एसिया बैंकले मुद्दती खातामा उच्च ब्याजदर सँगै २१ लाख रुपैयाँसम्मको बिमा सुविधा पनि दिँदै आएको छ । सर्वाधिक उच्च ब्याजदर पाइने खाताका रूपमा चिनिएको मुद्दती निक्षेप खातामा एनआईसी एसिया बैंकले न्यु सुपर चामत्कारिक मुद्दती निक्षेप खाता खोलेकै आधारमा बिमा सुविधा पनि थप गरेको हो । यसअघि विभिन्न...