22nd July 2019, Monday

अवैध मुद्रा कारोबारीको सेटिङ बालुवाटारसम्म



काठमाडौं । करिब २५ लाखबराबरको अवैध विदेशी मुद्रासहित हप्ता प्रहरीको फन्दामा परेका त्रिभुवन विमानस्थलका क्याफे सञ्चालक सुवास श्रेष्ठ राजस्व अनुसन्धानबाट पाँच दिनअघि नै छुटिसकेका छन् । उनको जालो प्रधानमन्त्रीदेखि प्रहरी उच्च तहसम्म साँठगाँठ रहेकै कारण राजस्व अनुसन्धान विभागले पनि उनलाई तुरुन्तै धरौटी छोडिदिएको हो ।
श्रेष्ठले तत्कालीन पर्यटनमन्त्री शरदसिंह भण्डारीसँग सेटिङ मिलाएर अन्तर्राष्ट्रिय विमानस्थलभित्र सम्पूर्ण सुरक्षा घेरा पार गरेर अन्तिममा क्याफे सञ्चालन गर्दै आएका थिए । श्रेष्ठले सो ठाँउमा क्याफे चलाउन राष्ट्रिय सुरक्षा परिषद् र विमानस्थल सुरक्षा समितिको समेत सिफारिस लिएर क्याफे सञ्चालनको अनुमति पाएका हुन् । सुरक्षा परिषद्मा नेपाली सेना, नेपाल प्रहरी, राष्ट्रिय अनुसन्धान विभाग र सशस्त्र प्रहरीको प्रतिनिधि हुन्छन् । परिषद्ले उनलाई सजिलै क्याफे सञ्जालको अनुमति दिएको थियो । यति धेरै सुरक्षा निकायको नेतृत्वमा भएको समितिबाट समेत श्रेष्ठले संवेदनशील क्षेत्रमा क्याफे सञ्चालन गर्दा सुरक्षा चुनौती नरहने सुझाव दिएको थियो । त्यसैगरी श्रेष्ठले विमानस्थल सुरक्षा समितिबाट पनि सो क्याफे सञ्चालन गर्दा सुरक्षा चुनौती नरहेको सिफारिसपत्र लिएका थिए । सो शिफारिसका आधारमा श्रेष्ठलाई क्याफे सञ्चालनको स्थान मिलेको थियो । श्रेष्ठले क्याफे सञ्चालनको जिम्मा लिँदाताका विमानस्थलमा कार्यरत एक अधिकृतका अनुसार उच्च तहमा सेटिङ मिलाएरै क्याफे चलाउने ठाँउ हात पारेका थिए । श्रेष्ठले सञ्चालन गरेको क्याफेमा सामान्य पानी, कोक, चक्लेटलगायत हल्का खाने कुरा राख्ने भनेर खोलिएको हो । तर उनले मम, चाउमिनदेखि सबै खाने कुरा बेच्न थाले । ती सबै खानेकुराका प्याकेट बाहिरबाटै लिने गरेको थिए ।
स्रोतका अनुसार श्रेष्ठको उच्च पंहुच देखेरै प्रहरी कर्मचारीदेखि अध्यागमनका अधिकारी र विमानस्थलका कर्मचारीहरूले उनको बिराशेध गरेका थिएनन् । स्रोतका अनुसार श्रेष्ठको सम्बन्ध प्रधानमन्त्री केपी शर्मा ओलीदेखि प्रहरीको उच्च तहसम्म छ । स्रोतका अनुसार व्यापारी श्रेष्ठले पछिल्लो समयमा प्रधानमन्त्री ओलीसँग समेत पहुँच बनाएका थिए । श्रेष्ठलाई प्रधानमन्त्रीसम्म पुु¥याउने काम गरेका थिए, प्रधानमन्त्रीनिकट गोविन्द थापाले गरेका थिए । स्रोतका अनुसार गोविन्द थापा र श्रेष्ठबीच निकट सम्बन्ध छ, थापाले नै श्रेष्ठलाई प्रधानमन्त्री निवास बालुवाटार पटकपटक लगेर भेट गराएको खुलेको छ । पक्राउ परेका श्रेष्ठले पोल खोल्ने डरले प्रहरी प्रधान कार्यालयदेखि विमानस्थलसम्म खैलाबैला भएको थियो ।

Leave a Reply

Your email address will not be published. Required fields are marked *

... र यो पनि ...

चक्रपथ

टेलिकमका ग्रहकलाई भारी छुट

ShareTweet काठमाडौं । सम्भव भएसम्म सस्तो मूल्यमा अत्याधुनिक दूरसञ्चार सेवाहरु ग्राहकलाई उपलब्ध गराउँदै आएको नेपाल टेलिकमले असार २७ गते शुक्रबार देखि लागू हुनेगरी- ...
पूरा पढ्नुहोस्

स्रष्टा र सिर्जना

कलाको कदर

ShareTweet हरेक सर्जकले एउटा अपेक्षा सँगालेका हुन्छन्– आफ्नो सिर्जनाले उचित मूल्य पाओस् । त्यस्तो मूल्य भौतिक पनि हुन्छ र आत्मिक पनि । अझ, कला–शिल्पीहरूले त त्यस्तो- ...
पूरा पढ्नुहोस्

नयाँ पुस्तक

काठमाडौंका चुलीहरूको गाइड

ShareTweet काठमाडौं उपत्यकालाई समृद्ध तुल्याउने अजस्र स्रोतहरू हुन्– वरिपरिका डाँडाहरू । उपत्यकावरिपरिका हरियाली वनजंगलले स्वच्छ हावा दिएको छ, पानी दिएको छ र सुन्दरता- ...
पूरा पढ्नुहोस्

छोटकरीमा