27th May 2020, Wednesday

E-budhabar
Header Right Side NTC Advertisement

गुलियो बेच्नेको तीतो हर्कत

काठमाडौं । उच्च गुणस्तरका बिस्कुट, कुकिज र पव उत्पादन गर्दै आइरहेको खजुरीको कम्पनीले केही मजदुरलाई निष्कासन र निलम्बन गरेपछि विवाद चर्किन पुगेको छ । केही मजदुरहरूले युनियन गठन गरेपछि सो कम्पनीले ती मजदुरहरूलाई निष्कासन र निलम्बन गरेको थियो ।
ललितपुरको चापागाउँमा अवस्थित सो कम्पनीले लामो समयदेखि बिस्कुटलगायत तयारी खाजाहरूको उत्पादन गर्दै आइरहेको छ । चितवन र हेटौंडामा समेत कारखाना रहेको सो कम्पनीले चापागाउँस्थित कारखानामा करिब तीन सय महिलालाई रोजगारी दिएको छ । सो कारखानामा काम गर्ने मजदुरहरू अधिकांश महिला छन्, सुपरभाइजर र जनशक्ति प्रबन्धक मात्र पुरुष । सो कारखानामा ओमनाथ महर्जन, रामनाथ महर्जन, जगन्नाथ महर्जनलगायत दाजुभाइको लगानी रहेको छ ।
पछिल्लो समयमा भने सो कारखानामा कार्यरत मजदुरहरूले आफ्नो हक, हित र सुविधाका लागि युनियन गठन गरेका थिए । केही मजदुरले अखिल नेपाल औद्योगिक मजदुर संघ (खजुरिको) गठन गरेर क्रियाशीलता देखाउँदै आएका थिए । तर, मजदुरहरूले युनियन गठन गरेपछि व्यवस्थापनले भने केही समयदेखि कुनै निहुँ बनाएर युनियनमा आबद्ध मजदुरहरूलाई निष्काशन र निलम्बन गर्ने तयारी भित्रभित्रै थालिरहेको थियो ।
करिब डेढ महिनाअघि भने सो कम्पनीले युनियनको कारखाना एकाइका उपाध्यक्ष विष्णुमाया स्याङ्तान, सचिव सपना सुन्दास, सहसचिव मेनुका घिमिरे र सदस्य कौशिला परियारलाई निष्काशन गरेको थियो । उनीहरूलाई कारखानामा कुनै जानकारी नगराई बिदामा बसेको आरोप लगाएर निष्कासन गरेको थियो । बिनाजानकारी बिदामा बसेको आरोप लगाएर ती मजदुरहरूलाई निकाले पनि ६ महिनामा एक दिन गयल भए पनि त्यसबारे व्यवस्थापनलाई जानकारी दिन सकिने व्यवस्था ऐनमा नै उल्लेख छ । तीन दिनभन्दा बढी बिनाजानकारी गयल भए मात्र निष्कासन गर्ने अधिकार व्यवस्थापनलाई रहन्छ । तर, निष्कासित मजदुरहरूलाई भने त्यही निहुँ पारेर निष्कासन गरिएको छ । अहिले निष्कासनमा परेका चारैजना मजदुरले श्रम अदालतमा मुद्दा दायर गरिसकेका छन् ।
यसैगरी, सो कम्पनीले एकाइका अध्यक्ष शीतल श्रेष्ठ र एकजना साधारण सदस्यलाई पनि निलम्बन गरेको छ । उनीहरूलाई युनियन गठन गरेको आरोपमा निलम्बन गरिएको हो । हरेक दुई÷दुई वर्षमा मजदुरहरूको तलब र सुविधा वृद्धि गर्नुपर्ने भएको हुँदा सो कम्पनीले मजदुरहरूको तलब र सुविधा वृद्धि गरेको दुई वर्ष पुग्नै लाग्दा मजदुरहरूको निष्कासन र निलम्बन गरेको हो । युनियनले सामूहिक सौदाबाजी गर्न कमिटी गठन गर्ने बेला अध्यक्षलगायत मजदुरलाई निष्कासन र निलम्बन गरेर तलब र सुविधा बढाउनेतिर व्यवस्थापनले भाँजो हाल्न खोजेको बताइन्छ । युनियन हुँदा आफूहरूलाई अप्ठ्यारो पर्ने ठानेर व्यवस्थापनले त्यस्तो अप्रिय कदम चालेको मजदुरहरूको आरोप रहेको छ ।
निष्काशित र निलम्बित मजदुरहरूलाई पुनर्बहाली गर्न मजदुर संगठनहरूले व्यवस्थापनलाई सात दिनको म्याद दिएको थियो । तर, सात दिन गुज्रिसक्दा पनि व्यवस्थापनले मजदुरहरूलाई पुनर्बहाली नगरेको बताइन्छ । अब भने मजदुरहरूले कारखाना नै ठप्प पारेर आन्दोलनमा उत्रिने तयारी गरिरहेका छन् । मजदुरहरूले आन्दोलन गर्ने तयारी गरेपछि व्यवस्थापनले भने मजदुरहरूलाई धम्क्याउँदै ‘जागिर खाने मन छ भने खुरुखुरु काम गर्ने, होइन भने जे मन लाग्छ, त्यही गरे हुन्छ’ भन्दै आएको बताइन्छ ।

Leave a Reply

Your email address will not be published. Required fields are marked *

... र यो पनि ...

  • प्रदेश प्रमुखकसँग राष्ट्रपति रुष्ट

    काठमाडौं । संवैधानिक भूमिका र पदीय मर्यादालाई बिर्सिंदै राजनीतिक दलका प्रमुखको निवासमा पुगेर मागपत्र पेस गरेको सूचना पाएपछि राष्ट्रपति विद्या भण्डारी प्रदेश प्रमुखहरूसँग रुष्ट भएकी छन् । प्रदेश प्रमुखहरूको त्यस्तो कदमले लज्जाबोध गराएको भन्दै संविधानविद्ले चिन्ता व्यक्त गरेका छन् भने आमनागरिकसमेत आक्रोशित भएका छन् । प्रसंग गत २ गतेको हो...
  • रोकिएन हायातको मनपरी

    काठमाडौं । २७ वर्षअघि अर्थात् २०४९ सालदेखि आफूखुुसी गर्दै आएको तारागाउँ रिजेन्सी होटल्स लिमिटेडको मनपरी अझै रोकिएको छ । होटलले फेरि आफूखुसी सम्पत्ति तथा दायित्व मूल्यांकन (डीडीए) गराउने चलखेल सुरु गरेको छ । घाटा देखाउँदै नेपाल सरकारको लगानी ३९.६७ प्रतिशतबाट घटेर ९.०१ प्रतिशत घटाएको हायातले फेरि चलखेल सुरु गरेको हो...
  • दलाली गर्दै, पुरस्कार दिँदै

    काठमाडौं । साहित्यका नाममा दलाली गर्नेहरूको हामीकहाँ कमी छैन । लामो समयदेखि विभिन्न शक्तिकेन्द्र र व्यक्तिहरूलाई प्रभावमा पारेर साहित्यकै नाममा दलाली गर्दै आएको नइ प्रकाशनले राखेका विभिन्न पुरस्कारहरूको स्रोतहरू के हुन् भन्नेचाहिँ अहिलेसम्म गुपचुप नै देखिन्छ । नरेन्द्रराज प्रसार्इं र इन्दिरा प्रसाईंले दुई दशकअघि स्थापना गरेको नइ प्रकाशनले हरेक व्यवस्था...

चक्रपथ

बीजकोयाका हाकिमको यो हर्कत

काठमाडौं । प्रजनन पिँढी बीजकोया स्रोत केन्द्र बन्दीपुर तनहुँका हाकिम शंकरप्रसाद न्यौपानेको चर्तिकलाले सीमा नाघेको छ । अवकाशको केही महिना बाँकी रहँदा वरिष्ठ बाली संरक्षण अधिकृतको हैसियतमा रहेका उनले अनियमिता र भ्रष्टाचारको शृंखला नै चलाएको भन्दै सर्वत्र गुनासो आएको छ । माहुरी, च्याउ, रेशम खेतीलगायत बालीको विकास, विस्तार र अनुसन्धानसमेतको...
पूरा पढ्नुहोस्

स्रष्टा र सिर्जना

‘गीता’ को राजनीति

कुनै वैचारिक मुद्दाका आधारमा नभई व्यक्तिगत टकरावको उत्पत्ति हुँदा विभाजनको पीडा झेल्ने नेपालका सीमित राजनीतिक दलमा पूर्वपञ्चहरूको पार्टी राष्ट्रिय प्रजातन्त्र पार्टीले बदनामी कमाउँदै आएको छ । विभाजन र एकताको अनेक अभ्यास गरिसकेको सो पार्टी पछिल्लो समय फेरि एकताको सूत्रमा बाँधिएको छ । पछिल्लो समय तीन समूहमा विभाजित राप्रपा केही दिनपूर्व...
पूरा पढ्नुहोस्

नयाँ पुस्तक

फरक स्वरध्वनि

तीन दशकयता कविता–कर्म र साधनामै व्यस्त छन्, वीरु बाङ्देल । सिक्किमका बासिन्दा बाङ्देलले नेपाली भाषामा उम्दा काव्य सिर्जना गरेर पृथक पहिचान बनाउँदै आएका छन् । कवितालाई नै लेखनको मूल विषय बनाएका उनले आजको समाज र राजनीतिक परिस्थितिहरूको भित्री यथार्थको अभिव्यक्ति धेरै नै प्रभावशाली ढंगले पस्किँदै आएका छन् । उनको पछिल्लो...
पूरा पढ्नुहोस्

छोटकरीमा

  • चिरायुको कर्जा फाइल किन गायब ?

    काठमाडौं । पदीय दुरुपयोगको चरम नमुना हेर्नुपरे नेपाल राष्ट्र बैंकका डेपुटी गभर्नर चिन्तामणि सिवाकोटीले आफू पदमा रहँदा गरेका अनियमित कार्यहरू हेरे पुग्छ । विगतमा आफूले गरेका अनियमित कार्यहरूबाट सफाइ पाएको दाबी सिवाकोटीले गरे पनि कतिपय कसुरमा भने उनीमाथि कारबाही भएको छैन । डेपुटी गभर्नर भएपछि सिवाकोटीले चिरायु अस्पतालको कर्जा प्रवाह...
  • म्याट्रेस खरिदको १५ करोड फ्रिज हुने खतरा

    काठमाडौं । सरकारले दिएको पैसा समयमा नै खर्च गर्न नसक्दा नेपाल प्रहरीको म्याटेस खरिदका लागि छुट्याएको १५ करोड ४० लाख रुपैयाँ फ्रिज हुने अवस्था देखिएको छ । आर्थिक वर्ष सकिन अब चार महिना मात्र बाँकी छ । यो चार महिनामा नेपाल प्रहरीले खरिद गर्न सक्ने अवस्था नरहेको बताइन्छ । यो...
  • मुद्दती खाताको परिचय नै फे¥यो एनआईसीले

    काठमाडौं । एनआईसी एसिया बैंकले मुद्दती खातामा उच्च ब्याजदर सँगै २१ लाख रुपैयाँसम्मको बिमा सुविधा पनि दिँदै आएको छ । सर्वाधिक उच्च ब्याजदर पाइने खाताका रूपमा चिनिएको मुद्दती निक्षेप खातामा एनआईसी एसिया बैंकले न्यु सुपर चामत्कारिक मुद्दती निक्षेप खाता खोलेकै आधारमा बिमा सुविधा पनि थप गरेको हो । यसअघि विभिन्न...