14th August 2020, Friday

E-budhabar
Header Right Side NTC Advertisement

चार घन्टा बालुवाटारमा अन्तरंग

चार घन्टा बालुवाटारमा अन्तरंग

काठमाडौं । चीनको बेइजिङमा आयोजित बीआरआई फोरममा सहभागी भएर आइतबार बिहान ११ बजे त्रिभुवन अन्तर्राष्ट्रिय विमानस्थलमा उत्रनासाथ नेकपाका वरिष्ठ नेता माधवकुमार नेपालको मोबाइलको घन्टी बज्यो । प्रधानमन्त्री निवास बालुवाटारको फोन थियो । प्रम सचिवालयबाट गरिएको फोनमा उनलाई भनियो, ‘कमरेड ! पोलिटब्युरो गठनलगायत पार्टी एकताका बाँकी काममा छलफल गर्न आज दिउँसो २ बजे तपाईंसँग प्रधानमन्त्रीज्यूको भेटघाटका लागि समय तय भएको छ, त्यही खबरका लागि फोन गरेको, हजुर आइदिनुहोला ।’ भनेको समयमा एक मिनेट पनि ढिला नगर्ने नेता नेपाल २ बजे नै बालुवाटर पुगेका थिए । प्रधानमन्त्री निवासको भित्री कक्षमा प्रधानमन्त्री केपी शर्मा ओली र नेपालबीच झन्डै चार घन्टा छलफल भयो । त्यहाँ प्रधानमन्त्रीका स्वकीय सचिवालयका र सल्लाहकार समूहका समेत कुनै सदस्यलाई प्रवेश दिइएको थिएन । नेता नेपाल एकैचोटि साँझ ६ बजे त्यहाँबाट बाहिरिएका थिए ।
दुई नेताबीच चार घन्टासम्म के छलफल भयो भन्ने प्रधानमन्त्री टिमका सदस्यहरूलाई बढी कौतूहलता भएको थियो । उनीहरूको अनुमान थियो, ‘दुई नेताबीच पोलिटब्युरो गठनलगायत एकताका बाँकी काममा सहमति जुट्यो ।’ पछिल्लो समय जिल्ला कमिटीको एकता पनि सहमतिमा टुंग्याएर राम्रो सन्देश दिएका नेताहरूले पनि अरू काम पनि सहमतिमै टुंगो लगाउने भए भन्ने पर्नु अस्वाभाविक पनि थिएन । ११ महिनापछि नेकपाको स्थापना दिवसको अवसर पारेर वैशाख ९ मा बल्लतल्ल जिल्ला अध्यक्षको एकता टुंग्याए पनि पोलिटब्युरो गठन, जनवर्गीय संगठनको एकता, केन्द्रीय सदस्यहरूको जिम्मेवारीको काम बाँकी नै छ । वैशाख ९ गतेको कार्यक्रममा पनि पूर्वनिर्धारित अरू कार्यक्रममा जानुपरेकाले थोरै समय बसेर कार्यक्रमस्थलबाट वरिष्ठ नेता नेपाल महासचिव विष्णु पौडेललाई जानकारी दिएर बाहिरिएका थिए । तर, यसलाई पनि नेपालको असन्तुष्टिका रूपमा बाहिर प्रचार गरिएको थियो । त्यसको पर्सिपल्टै नेपाल चीन प्रस्थान गरेका थिए । त्यसो त तत्कालीन नेकपा एमालेको नवौं महाधिवेशनपछि चाहे सरकारमा मन्त्रीहरू पठाउने सन्दर्भमा होस्, चाहे अरू विभिन्न नियुक्ति हुन् अथवा पार्टी एकतापछि पनि चाहे प्रदेश कमिटी गठन गर्दा होस् वा चाहे अरू कुनै विषयमा अध्यक्ष तथा प्रधानमन्त्री ओलीले आफूखुसी गर्दै आएका थिए । पार्टीभित्र सल्लाह नगर्ने यस्तो प्रवृत्तिको नेता नेपालले विभिन्न मञ्चहरूमा असहमति प्रकट गर्दै आएका थिए ।
आखिर चार घन्टाको बालुवाटार बैठकमा के भयो त ? यसबारे नेता नेपालसँग सोध्दा उनले भने, ‘पार्टी एकताको बाँकी कामबारे छलफल गर्न बोलाइएको थियो, तर चार घन्टा बस्दा विषय प्रवेश नै भएन ।’ धेरै लामो अन्तरालपछि यति लामो समय दुईजना मात्र बसेर गरिएको भलाकुसारीमा दुई नेताबीच सुरुमा देशभरका व्यक्तिले लिएका सरकारी जग्गाबारे कुरा भएको थियो । बालुवाटारलगायत देशभरका यस्ता जग्गा सरकारले फिर्ता लिने कामलाई तीव्र बनाएको विषयमा कुरा भएको थियो । त्यस्तै खुलामञ्चमा अनधिकृत तरिकाले बनाएका टहराका विषयमा पनि दुई नेताबीच कुरा भएको थियो ।
त्यसपछि दुई नेता निजी जीवन र सम्बन्धमा प्रवेश गरेका थिए । पछिल्लो समय दुई नेताबीचको सम्बन्धमा आएको उतारचढावबारे पनि समीक्षा भएको बुझिएको छ । दुई नेताबीच नीति, सिद्धान्तबारे कुनै विमति छैन । यो पार्टीलाई यहाँसम्म ल्याउनुमा हिजो दुःखका बेलादेखि आजसम्म योगदानमा कुनै कमी छैन । नेतृत्वका लागि प्रतिस्पर्धा हुँदा पनि मित्रवत् प्रतिस्पर्धा भएको छ । अहिले राजनीति नयाँ चरणमा प्रवेश हुँदा पनि दुईजनाको सम्बन्ध कताकता चिसोजस्तो अनुभूति आफूहरूलाई मात्र नभएर कार्यकर्ता तहसम्म भएको आदिबारे नेताबीच भलाकुसारी भएको थियो । एकअर्कासँग नखुल्ने, सार्वजानकि रूपमा संवाद गर्नुपर्ने खालको वातावरण किन भयो, कसरी भयो भन्ने विषयमा पनि दुई नेताले मन माझामाझ गरेको बुझिएको छ ।
पार्टी एकताको विषयमा दुई नेताबीच सोमबार दिउँसो छलफल गरेर टुंगो लगाउने कुरा भएको थियो । नेता नेपालले सोमबार साँझ पारिवारिक कामको सिलसिलामा अमेरिका जाने बताएपछि अध्यक्ष भोलि (सोमबार) बिहान सचिवालय बसेर नीति तथा कार्यक्रमबारे छलफल गरौंला, त्यसपछि अमेरिका उड्नुअघि नै दुईजना बसेर पोलिटब्युरो गठनलगायत विषय टुंगो लगाउने बताएका थिए । तर, भोलिपल्ट बिहान सचिवालय बसे पनि दुई नेता बस्ने कार्यक्रम अध्यक्ष ओली अस्वस्थ भएका कारण स्थगित भएको थियो । अस्वस्थताकै कारण ओली बर्खे अधिवेशनको पहिलो बैठकलाई सम्बोधन गर्न गएनन् । सो बैठकमा नेकपाका उपनेता सुवास नेम्वाङले सम्बोधन गरेका थिए । नेता नेपाल सोमबार बेलुकी अमेरिका गरिसकेका छन् । उनी फर्कने कार्यक्रम छ । उनी शनिबार फर्केपछि पार्टी एकताको बाँकी काम टुंगो लाग्ने बताइन्छ ।

Leave a Reply

Your email address will not be published. Required fields are marked *

... र यो पनि ...

  • कोरोनाका नाममा ३२ लाख झ्वाम

    काठमाडौं । कोभिड–१९ अर्थात् कोरेनाका कारण संसारभरि आक्रान्त फैलिरहेको बेला केहीलाई भने यो आर्थिक दुरुपयोग गर्ने मेलो भएको छ । जिल्ला अस्पताल तनहुँका कर्मचारीहरूले प्रदेश सरकारले पठाएको ५० लाख रकम त्यसैगरी मनपरी ढंगले भत्ताका नाममा खर्च गरेका छन् । आइसोलेसन र क्वारेन्टिनमा सिटामोलसम्म पुग्न नसकेको बेला सबै आइसोलेसन केन्द्रमा अत्यन्त...
  • काम रोकेर आन्दोलनमा व्यस्त

    काठमाडौं । कोभिड–१९ को जोखिम झन् बढ्दै गएको छ । विश्वव्यापी रूपमै यो महामारीले सताउँदा अग्रपंक्तिमा रहेर स्वास्थ्यकर्मीका साथै अस्पतालमा कार्यरत कर्मचारीहरूले महामारीविरुद्ध आफूहरूलाई उभ्याए । नेपालका स्वास्थ्यकर्मीहरूले पनि कोभिड–१९ मा खेलेका भूमिकालाई सराहना गर्ने गरिएको छ । तर, कोभिड–१९ को जोखिम बढ्दै जाँदा निजामती कर्मचारी अस्पतालमा कार्यरत कर्मचारीहरू भने...
  • ६ अर्ब उठ्नेमा अझै आशंका

    काठमाडौं । डेडिकेटेड र टंक लाइनको महसुल विवाद सुल्झाउने जिम्मा विद्युत् नियमन आयोगलाई दिने भित्री तयारी चलिरहे पनि सो आयोगको क्षमतामाथि प्रश्नचिह्न उब्जिएको छ । यो विवाद सुल्झाउन आयोगले नसक्ने जिकिर गर्न थालिएको छ । तर, ऊर्जा, जलस्रोत तथा सिँचाइ मन्त्रालयले भने सो आयोगलाई नै जिम्मा दिन खोजेको छ ।...

चक्रपथ

चारवटै विषयगत सभापति यथावत्

काठमाडौं । राष्ट्रियसभा अन्तर्गतका समितिहरूमा भएको सभापतिको निर्वाचनमा सबै समितिका सभापतिहरू निर्विरोध निर्वाचित भएका छन् । हाल निर्विरोध निर्वाचित भएकाहरू नै यसअघि पनि त्यही समितिका सभापति थिए । कार्यकाल सकिएपछि पुनः उनीहरूलाई नै सभापतिमा चयन गरिएको हो । समिति सभापति चयन गर्न शुक्रबार निर्वाचन भएको हो । निर्वाचनबाट प्रत्यायोजित व्यवस्थापन...
पूरा पढ्नुहोस्

स्रष्टा र सिर्जना

पारिजात ः एउटी स्वाभिमानी स्रष्टा

दार्जिलिङको सुन्दर प्रकृतिको काखमा डुबुल्की मार्दै कहिले फ्रकभरि चाँपका कोपिला बटुलेर नागबेलीको माला लगाएर, जंगलमा लुकामारी खेलेर बाल्यकाल बिताएकी पारिजातको प्रारम्भिक शिक्षा त्यही नै सम्पन्न भएको थियो । सांस्कृतिक कार्यकलापमा बढी रुचि देखाउने पारिजातको पढाइ भने मध्यमस्तरको थियो । उनले अनौपचारिक रूपमा घरमै केही अध्ययन गरेर औपचारिक अध्ययनका लागि दार्जिलिङका...
पूरा पढ्नुहोस्

नयाँ पुस्तक

छोटो क्यानभासको चित्र

सामन्तकालीन अर्थ, सामाजिक, राजनीतिक र सांस्कृतिक व्यवस्थाले नारीलाई एउटा ‘तुच्छ वस्तु’ का रूपमा परिभाषित ग¥यो । नारीको बहुमुखी अस्तित्वलाई स्वीकार गर्न तत्कालीन समाजव्यवस्थाले चाहेन । एउटा भनाइ नै बन्यो, ‘वीर भोग्या वसुन्धरा...।’ सामन्तवादभन्दा धेरै हिसाबले प्रगतिशील ठानिने पुँजीवादले पनि नारीलाई ‘वीर भोग्या वसुन्धरा’ को तहभन्दा माथि उकास्ने चाहना राखेन ।...
पूरा पढ्नुहोस्

छोटकरीमा

  • प्रहरी कार्यालयले नै कोरोनो ल्याउने त्रास

    काठमाडौं । गोंगबुस्थित एक होटलमा बस्दै आएका रोल्पाका कृष्णबहादुर बोहोराको हत्याप्रकरणमा नेपालप्रहरीले तत्कालै चितवनबाट अभियुक्तप्रकाउ गरेर अनुसन्धानमा सफलताप्राप्त गरेको छ । चितवनकीकल्पना मुडभरी (पौडेल) ले आफैंले हत्या गरेको स्वीकारसमेत गरिसकेकीछन् । तर, सोही सन्दर्भमामंगलबार महानगरीय प्रहरी परिसर टेकुमापत्रकार सम्मेलन गरेर भने प्रहरीले उल्टै कोरोना संक्रमण पो फैलायो किभन्ने आशंका बढाएको...
  • कमलामाई–मेसान मैत्रीपूर्ण सम्बन्ध कायमै

    काठमाडौं । सिन्धुलीको कमलामाई नगरपालिका र चीनको सिचुवान प्रान्तस्थित मेसान सिटीबीच मैत्रीपूर्ण सम्बन्ध स्थापना भएको छ । बुधबार आयोजना गरिएको भर्चुअल समारोहमा कमलामाई नगरपालिकाका प्रमुख खड्ग खत्री र मेसान सिटीका मेयर ह्यु आनखुनले समझदारीपत्रमा हस्ताक्षर गरे । दुवै नगरका प्रमुखले आपसी हितका आधारमा मैत्रीपूर्ण सहयोग आदानप्रदान गर्ने प्रतिबद्धता जनाएका छन्...
  • सेनाका परिवारलाई ७ लाख रुपैयाँ

    काठमाडौं । मोेटरसाइकल दुर्घटनामा परी असामयिक निधन भएका नेपाली सेनाका सिपाही शिवराज रानाका परिवारलाई मेगा बैंक नेपाल लिमिटेडले बिमाबापत ७ लाख रुपैयाँ प्रदान गरेको छ । मेगा बैंकमा ‘मेगा कर्पोरेट बेनिफिट सेभिङ अकाउन्ट’ खोलेका दिवंगत सैनिक जवान रानालाई मेगा बैंकले सोही खाताको बिमाबापत ७ लाख रुपैयाँ हस्तान्तरण गरेको हो ।...