30th May 2020, Saturday

E-budhabar
Header Right Side NTC Advertisement

समृद्धि लक्षित नीति तथा कार्यक्रम

काठमाडौं । सुःखी नेपाली ः समृद्ध नेपालको नारासहित व्यवस्थापिका संसद्मा प्रस्तुत सरकारको नीति तथा कार्यक्रम मंगलबार बहुमतले पारित भएको छ । १९ वैशाखमा राष्ट्रपति विद्या भण्डारीद्वारा प्रस्तुत नीति तथा कार्यक्रममा प्रमुख प्रतिपक्षी दल कांग्रेसले औपचारिकताका लागि शब्द संशोधनको प्रस्ताव गरे पनि ध्वनि मतका आधारमा बहुमतबाट पारित भएको हो ।
नीति तथा कार्यक्रमलाई आर्थिक वर्षको बजेटको मार्गदर्शक मानिन्छ । दोहोरो अंकको आर्थिक वृद्धिदर, उत्पादकत्व शक्ति र रोजगारी अभिवृद्धि, भौतिक पूर्वाधार लक्षित विकास, सामाजिक सुरक्षाको सुनिश्चितता, शिक्षा–स्वास्थ्यजस्ता आधारभूत आवश्यकतासँग जोडिएको मौलिक हकको कार्यान्वयन, सुशासन लक्षित नीति कार्यक्रमलाई कतिपय आलोचकहरूले महŒवाकांक्षी भएको टिप्पणी गरेका छन् । यस आर्थिक वर्षलाई समृद्धि लक्षित नीति र कानुनका साथै पूर्वाधार तयार गर्ने आधार वर्षका रूपमा सरकारले घोषणा गरेको थियो । त्यसअनुसार गत वर्षको बजेटमा प्रदेश र स्थानीय तहको जग स्थापित गर्न आवश्यक पूर्वाधार तयारीका लागि पनि ठूलो मात्रामा बजेट विनियोजन भएको थियो । तर, आगामी आर्थिक वर्षको नीति तथा कार्यक्रम भने त्यसभन्दा माथि उठेर विगतका अधिकांश राम्रा कार्यक्रमलाई निरन्तरता दिँदै केही नयाँ कार्यक्रमहरू समेटिएको छ ।
प्रधानमन्त्री केपी ओलीले मंगलबार नीति तथा कार्यक्रममाथि उठेका प्रश्नहरूको सटीक जवाफ फर्काए । उनले प्रतिपक्षीसहित आलोचकहरूले सपनाको पुलिन्दा भनेकोमा देश बनाउने अठोटका रूपमा बुझिदिन आग्रह गरे । ‘राति निदाएको बेला देखिएको सपना होइन, हामीले त देश बनाउने सपनाको कुरा गरेको हो, कहाँ पुग्ने के गर्ने, के बनाउने आकांक्षा, अठोट, उद्देश्य र लक्ष्यसहितको कार्यक्रम हो,’ प्रधानमन्त्री ओलीले भने, ‘यसले देश बनाउने कुरा गरेको छ, एक वर्षभित्र के गर्न सकिन्छ, कति वर्षभित्र कहाँ पुग्न सकिन्छ मार्गदर्शन गरेको छ ।’
दिगो विकासको लक्ष्यसहितको सपना संयुक्त राष्ट्रसंघको सपना भएको भन्दै उनले लामो बहस र छलफलसहित संसारभरिका राष्ट्रहरूले तय गरेको लक्ष्य पूरा गर्न सुझबुझपूर्ण तरिकाले सरकारले नीति तथा कार्यक्रम ल्याइएको बताए । राष्ट्रसंघको दिगो विकासको लक्ष्य पूरा गर्ने गर्ने अठोटसहित अघि बढ्न खोज्दा आलोचना गरेर समय खेर फाल्नेभन्दा त्यसलाई पूरा गर्नेतर्फ सत्ता पक्ष–प्रतिपक्ष एकजुट हुनुपर्नेतर्फ प्रधानमन्त्रीले ध्यानाकर्षण गराए । लोकतन्त्रलाई मजबुद बनाउने, भ्रष्टाचार नियन्त्रण गर्दै सुशासन कायम गर्ने, भौतिक पूर्वाधारको तीव्र विकास, कृषिसहितका क्षेत्रहरूमा उत्पादकत्व शक्ति बढाएर व्यापक रोजगारीको सिर्जनातर्फ मुलुक अघि बढिरहेको उनले बताए ।
नेकपाका अध्यक्ष पुष्पकमल दाहाल ‘प्रचण्ड’ले आत्मभत्र्सना र निन्दा गर्ने प्रवृत्तिबाट माथि उठेर देश बनाउने काममा अग्रसर हुन प्रतिपक्षीसहित सबैलाई आह्वान गरे । राजनीतिक नेतृत्वले सुझबुझ नदेखाउँदा महŒवपूर्ण उपलब्धिहरू संस्थागत गर्न नसकिएको विगतबाट पाठ सिक्नुपर्नेमा ध्यानाकर्षण गराउँदै उनले सुखी नेपाली र समृद्ध नेपालको नारा साकार पार्ने सरकारको प्रयासलाई धन्यवाद दिए । सरकारले तोकिएको समयभित्रै संघीय कानुनहरू निर्माण गरेर समृद्धिका लागि आधार खडा गरेको जिकिर गर्दै उनले निश्चित चरणसम्म अस्वस्थ प्रतिस्पर्धाबाट माथि उठेर देश र जनताको समृद्धिको आकांक्षा पूरा गर्न सबैले हातेमालो गर्नुपर्नेमा जोड दिए । प्रतिपक्षको रचनात्मक आलोचनालाई सरकारले खबरदारी र सुझावका रूपमा लिने र कतिपय कमजोरीलाई सुधार गरेर जान सकिने प्रचण्डको भनाइ थियो ।
अधुरा राष्ट्रिय गौरवका आयोजनाहरूलाई तोकिएकै समयभित्र सम्पन्न गर्ने, प्राथमिकता प्राप्त गौतम बुद्ध विमानस्थललाई २०१९ भित्र तथा पोखरा विमानस्थललाई २०२१ भित्र सम्पन्न गर्ने नीति तथा कार्यक्रमले समेटेको छ । त्यस्तै, चार वर्षभित्र सम्पूर्ण स्थानीय तहमा कालोपत्रे सडक बनाउने, राष्ट्रसेवकहरूको तलब सुविधामा पुनरावलोकन गर्ने, ज्येष्ठ नागरिकसहितको सामाजिक सुरक्षा भत्ता बढाउने, दुई वर्षभित्र सबै स्थानीय तहमा प्राविधिक शिक्षालय स्थापना गरिसक्ने, जनताको सहभागितामा कम्तीमा ३ हजार ५ सय मेगावाट जलविद्युत् आयोजना आर्थिक वर्षभित्रै निर्माण सुरु गरिसक्ने, सातै प्रदेशमा औद्योगिक ग्रामहरू सञ्चालन गर्ने, सबै स्थानीय तहमा एक चिकित्सक उपलब्ध गराउने, शिक्षा क्षेत्रमा व्यापक बजेट विनियोजन गर्नेलगायत विषय नीति तथा कार्यक्रममा आएको छ । नीति तथा कार्यक्रम पारित भएसँगै राष्ट्रिय योजना आयोगसँगको समेत परामर्शमा अर्थमन्त्री डा. युवराज खतिवडाले आगामी १५ जेठमा ल्याइने आर्थिक वर्षको बजेटलाई अन्तिम रूप दिनेछन् । सबैतिर चित्त बुझाउन बजेट छर्ने प्रवृत्तिभन्दा समृद्धिको लक्ष्यसँग जोडिएका क्षेत्रमा बढी बजेट केन्द्रित गर्न सरकारलाई आफ्नै दल नेकपाका नेताहरूले सुझाव दिइरहेका छन् । त्यस्तै, निर्वाचन घोषणापत्रअनुसार सामाजिक सुरक्षा भत्ता बढाउन, प्रदेश र स्थानीय तहलाई दिइने अनुदानको दायरा बढाउनुपर्ने माग पनि उठेको छ । अन्तरप्रदेश परिषद्को बैठकमा मुख्यमन्त्रीहरूले दिइएको उक्त सुझावलाईसमेत ध्यान दिएर सरकारले आर्थिक वर्षको बजेटको तयारी गरिरहेको बुझिएको छ ।

Leave a Reply

Your email address will not be published. Required fields are marked *

... र यो पनि ...

  • प्रदेश प्रमुखकसँग राष्ट्रपति रुष्ट

    काठमाडौं । संवैधानिक भूमिका र पदीय मर्यादालाई बिर्सिंदै राजनीतिक दलका प्रमुखको निवासमा पुगेर मागपत्र पेस गरेको सूचना पाएपछि राष्ट्रपति विद्या भण्डारी प्रदेश प्रमुखहरूसँग रुष्ट भएकी छन् । प्रदेश प्रमुखहरूको त्यस्तो कदमले लज्जाबोध गराएको भन्दै संविधानविद्ले चिन्ता व्यक्त गरेका छन् भने आमनागरिकसमेत आक्रोशित भएका छन् । प्रसंग गत २ गतेको हो...
  • रोकिएन हायातको मनपरी

    काठमाडौं । २७ वर्षअघि अर्थात् २०४९ सालदेखि आफूखुुसी गर्दै आएको तारागाउँ रिजेन्सी होटल्स लिमिटेडको मनपरी अझै रोकिएको छ । होटलले फेरि आफूखुसी सम्पत्ति तथा दायित्व मूल्यांकन (डीडीए) गराउने चलखेल सुरु गरेको छ । घाटा देखाउँदै नेपाल सरकारको लगानी ३९.६७ प्रतिशतबाट घटेर ९.०१ प्रतिशत घटाएको हायातले फेरि चलखेल सुरु गरेको हो...
  • दलाली गर्दै, पुरस्कार दिँदै

    काठमाडौं । साहित्यका नाममा दलाली गर्नेहरूको हामीकहाँ कमी छैन । लामो समयदेखि विभिन्न शक्तिकेन्द्र र व्यक्तिहरूलाई प्रभावमा पारेर साहित्यकै नाममा दलाली गर्दै आएको नइ प्रकाशनले राखेका विभिन्न पुरस्कारहरूको स्रोतहरू के हुन् भन्नेचाहिँ अहिलेसम्म गुपचुप नै देखिन्छ । नरेन्द्रराज प्रसार्इं र इन्दिरा प्रसाईंले दुई दशकअघि स्थापना गरेको नइ प्रकाशनले हरेक व्यवस्था...

चक्रपथ

बीजकोयाका हाकिमको यो हर्कत

काठमाडौं । प्रजनन पिँढी बीजकोया स्रोत केन्द्र बन्दीपुर तनहुँका हाकिम शंकरप्रसाद न्यौपानेको चर्तिकलाले सीमा नाघेको छ । अवकाशको केही महिना बाँकी रहँदा वरिष्ठ बाली संरक्षण अधिकृतको हैसियतमा रहेका उनले अनियमिता र भ्रष्टाचारको शृंखला नै चलाएको भन्दै सर्वत्र गुनासो आएको छ । माहुरी, च्याउ, रेशम खेतीलगायत बालीको विकास, विस्तार र अनुसन्धानसमेतको...
पूरा पढ्नुहोस्

स्रष्टा र सिर्जना

‘गीता’ को राजनीति

कुनै वैचारिक मुद्दाका आधारमा नभई व्यक्तिगत टकरावको उत्पत्ति हुँदा विभाजनको पीडा झेल्ने नेपालका सीमित राजनीतिक दलमा पूर्वपञ्चहरूको पार्टी राष्ट्रिय प्रजातन्त्र पार्टीले बदनामी कमाउँदै आएको छ । विभाजन र एकताको अनेक अभ्यास गरिसकेको सो पार्टी पछिल्लो समय फेरि एकताको सूत्रमा बाँधिएको छ । पछिल्लो समय तीन समूहमा विभाजित राप्रपा केही दिनपूर्व...
पूरा पढ्नुहोस्

नयाँ पुस्तक

फरक स्वरध्वनि

तीन दशकयता कविता–कर्म र साधनामै व्यस्त छन्, वीरु बाङ्देल । सिक्किमका बासिन्दा बाङ्देलले नेपाली भाषामा उम्दा काव्य सिर्जना गरेर पृथक पहिचान बनाउँदै आएका छन् । कवितालाई नै लेखनको मूल विषय बनाएका उनले आजको समाज र राजनीतिक परिस्थितिहरूको भित्री यथार्थको अभिव्यक्ति धेरै नै प्रभावशाली ढंगले पस्किँदै आएका छन् । उनको पछिल्लो...
पूरा पढ्नुहोस्

छोटकरीमा

  • चिरायुको कर्जा फाइल किन गायब ?

    काठमाडौं । पदीय दुरुपयोगको चरम नमुना हेर्नुपरे नेपाल राष्ट्र बैंकका डेपुटी गभर्नर चिन्तामणि सिवाकोटीले आफू पदमा रहँदा गरेका अनियमित कार्यहरू हेरे पुग्छ । विगतमा आफूले गरेका अनियमित कार्यहरूबाट सफाइ पाएको दाबी सिवाकोटीले गरे पनि कतिपय कसुरमा भने उनीमाथि कारबाही भएको छैन । डेपुटी गभर्नर भएपछि सिवाकोटीले चिरायु अस्पतालको कर्जा प्रवाह...
  • म्याट्रेस खरिदको १५ करोड फ्रिज हुने खतरा

    काठमाडौं । सरकारले दिएको पैसा समयमा नै खर्च गर्न नसक्दा नेपाल प्रहरीको म्याटेस खरिदका लागि छुट्याएको १५ करोड ४० लाख रुपैयाँ फ्रिज हुने अवस्था देखिएको छ । आर्थिक वर्ष सकिन अब चार महिना मात्र बाँकी छ । यो चार महिनामा नेपाल प्रहरीले खरिद गर्न सक्ने अवस्था नरहेको बताइन्छ । यो...
  • मुद्दती खाताको परिचय नै फे¥यो एनआईसीले

    काठमाडौं । एनआईसी एसिया बैंकले मुद्दती खातामा उच्च ब्याजदर सँगै २१ लाख रुपैयाँसम्मको बिमा सुविधा पनि दिँदै आएको छ । सर्वाधिक उच्च ब्याजदर पाइने खाताका रूपमा चिनिएको मुद्दती निक्षेप खातामा एनआईसी एसिया बैंकले न्यु सुपर चामत्कारिक मुद्दती निक्षेप खाता खोलेकै आधारमा बिमा सुविधा पनि थप गरेको हो । यसअघि विभिन्न...