18th February 2020, Tuesday

E-budhabar
Header Right Side NTC Advertisement

खर्बको परियोजना निकम्मापनको सिकार

काठमाडौं । प्रधानमन्त्री कृषि आधुनिकीकरण परियोजना उच्च तहका कर्मचारीहरूको राइँदाइँ गने थलोमा परिणत हुँदै गएपछि सो परियोजना नै अब पुनरावलोकन हुने भएको छ । केही दिनअघि सरकारले ल्याएको नीति तथा कार्यक्रममा नै सो परियोजनाको पुनरावलोकन गरिने उल्लेख गरिएको छ ।
कृषि तथा पशुपन्छी विकास मन्त्रालयको अहिलेसम्मकै ठूलो उक्त परियोजना सुरु भएदेखि नै विवादमा पर्दै आएको छ । सो परियोजनाका अधिकांश कार्यक्रमहरू प्रभावकारी रूपमा सञ्चालन हुन नसकेपछि केही महिनापूर्व प्रधानमन्त्री केपी शर्मा ओलीले समेत असन्तुष्टि जनाएका थिए । ‘प्रधानमन्त्री’ पदावली झुन्डिएको सो परियोजना विश्व बैंकको आर्थिक सहयोगमा आर्थिक वर्ष २०७३÷७४ बाट सुरु गरिएको हो । १ खर्ब, ३० अर्ब, ७४ करोड २० लाख रूपैयाँको सो परियोजना १० वर्षे परियोजना हो । १० वर्षभित्र २१ वटा सुपरजोन, तीन सयवटा जोन, १ हजार ५ सय ब्लक र १० हजार पकेट क्षेत्र घोषित गरी सो परियोजना सञ्चालन गर्ने लक्ष्य रहेको छ ।
तर मन्त्रालयका उच्च तहका कर्मचारीहरूले भने सो परियोजनालाई दुहुनो गाई बनाउन थालेपछि र परियोजनाका कर्मचारीहरूमा पनि निकम्मापन देखिएपछि परियोजनाले सोचेजस्तो गति समात्न सकेको छैन । सो परियोजनालाई दुहुनो गाई बनाउने कार्यमा सचिव युवकध्वज जीसीलगायत केही सहसचिव नै सक्रिय रहेको बताइन्छ । सचिव जीसीले आफ्नो दबाब र जोडबलमा जोन नै स्थापना नभएको क्षेत्रमा सुपरजोन स्थापना गरेपछि उनी विवादमा आएका थिए । पहिला जोन स्थापना गरेपछि त्यसको सफलतापछि सुपरजोनमा विस्तार गर्न सकिने सो परियोजनाको उद्देश्य रहे पनि सचिव जीसीले भने जोन नै नभएको कफीलाई सुपरजोनमा पारेका थिए । उनले गुल्मी, पाल्पा, अर्घाखाँची र बागलुङ जिल्लालाई समेटेर कफी सुपरजोन बनाएका थिए ।
सो परियोजनाका कर्मचारीहरूको नालायकीपनकै कारण गएको हिउँदमा आठवटा हिमाली जिल्लाका किसानहरू एक लाखवटा स्याउको बिरुवा पाउनबाट वञ्चित भएका थिए । मनाङ, मुस्ताङ, मुगु, सोलुखुम्बुलगायत आठवटा हिमाली जिल्लामा इटालीबाट उच्च गुणस्तरको स्याउको बिरुवा ल्याएर रोप्ने कार्यक्रम रहे पनि परियोजनाका कर्मचारीहरूले बिरुवा ल्याउँदा कमिसन नपाउने भएपछि त्यो कार्यक्रम त्यत्तिकै तुहिन पुगेको थियो । गत पुस–माघमा नै इटालीबाट स्याउको बिरुवा ल्याएर रोप्नुपर्नेमा कर्मचारीहरूले कुनै पहल नगर्दा सो कार्यक्रम अलपत्र परेको थियो ।
यसैगरी, सो परियोजनाले गएको भदौ–असोजतिर नै सुरु गर्नुपर्ने तीनवटा कार्यक्रम अहिलेसम्म पनि सुरु गरेको छैन । करिब ५० करोड बजेट रहेको बहुवर्षीय कार्यक्रम भण्डारण घर (वेयर हाउस) को निर्माण कार्य अहिलेसम्म सुरु गरिएको छैन । सो कार्यक्रम तराईका चार जिल्ला सुनसरी, कपिलवस्तु, बर्दिया र पर्सामा सुरु गर्नुपर्ने थियो । चुरे सघन खेती विकास कार्यक्रम पनि आर्थिक वर्ष सकिन लाग्दासमेत सुरु गरिएको छैन । चुरे क्षेत्रका बस्तीहरूमा सघन खेती गर्ने भनेर परियोजनाले १० करोड रुपियाँ बजेट छुट्ट्याइसकेको छ । उक्त कार्यक्रम गएको भदौ–असोजमा नै सुरु गरिसक्नुपर्ने थियो । प्रधानमन्त्री युवा लक्षित कार्यक्रम पनि अगाडि बढ्न सकेको छैन । १० करोड रूपैयाँको उक्त कार्यक्रम गएको भदौमा नै सुरु हुनुपर्ने थियो ।
दसवर्षे अवधिको सो परियोजना सुरु भएको तेस्रो वर्ष बित्न नपाउँदै विवादको घेरामा परेपछि पुनरावलोकन गर्न सरकार तत्पर रहेको बुझिएको छ । मन्त्रालयका अहिलेकै कर्मचारीहरूलाई सो परियोजनाको जिम्मा दिँदा गति लिन नसक्ने देखिएको हुँदा सरकार पुनरावलोकन गर्न तयार भए पनि अब कस्तो मोडेलमा सो परियोजना सञ्चालन हुने हो, त्यसबारे अन्योल नै रहेको छ ।

Leave a Reply

Your email address will not be published. Required fields are marked *

... र यो पनि ...

  • सामान्यमा आफ्नै हात जगन्नाथ

    काठमाडौं । रोजेको आकर्षक ठाउँमा जाने इच्छा प्रायः सबै कर्मचारीको हुन्छ । कतिपय कर्मचारी त पहुँच नपुगेकै कारण वर्षौंदेखि दुर्गम र अनाकर्षक ठाउँमा बस्दै आएका छन् । वर्षौंदेखि घरपरिवारसँग टाढिएर बस्नुपरेको धेरै दर्दनाक पीडा छन् । तर, सामान्य प्रशासन मन्त्रालयमा बसेका केहीले भने आफ्नो सरुवा पनि भनेको ठाउँमा आफैंले गरेर...
  • हिमालयन बैंकमा होडबाजी

    काठमाडौं । हिमालयन बैंकमा राणा, श्रेष्ठ, खेतान र पाण्डे समूहबीचको विवाद उत्कर्षमा पुगेको छ । आज बुधबार हुने साधारणसभाबाट राणा र श्रेष्ठ समूहको एकाधिकार तोड्न खेतान समूह सक्रिय भएको छ । एन ट्रेडिड्र कम्पनी प्रालि झम्सिखेलका तर्फबाट अध्यक्ष बनेका मनोजबहादुर श्रेष्ठ र आभा इन्टरनेसनलन प्रालि थापाथलीका तर्फबाट बैंकका प्रमुख कार्यकारी...
  • खरिपाटीमा ‘कोरोना’को त्रास

    काठमाडौं । कोरोना भाइरसबाट संक्रमित मुलुक चीनबाट फर्काइने नागरिकलाई राख्न भक्तपुरको खरिपाटीस्थित नेपाल विद्युत् प्राधिकरणको तालिम केन्द्र छनोट गरिएसँगै कर्मचारीहरूमा आतंक मच्चिएको छ । चीनबाट फर्काइने नागरिकलाई राख्न तीनचार ठाउँबारे छलफल चले पनि अन्ततः खरिपाटीमा नै राख्ने टुंगोमा सरकार पुगेको हो । सो स्थान सुरक्षित रहेको हुँदा सरकारले क्वारेन्टाइन राख्ने...

चक्रपथ

फागुनबाट नेकपाको विशेष अभियान

पार्टी प्रवेश, ¥यालीदेखि जनसभभासम्मको योजना काठमाडौं । नेपाल कम्युनिस्ट पार्टी (नेकपा) ले फागुन १ बाट पार्टी एकता सुदृढीकरण र जनसम्बन्ध विस्तार विशेष अभियान सञ्चालन गर्ने भएको छ । खासगरी पाँचमहिने कार्ययोजनासहित बनेको विशेष अभियान मूल रूपमा तीन महिना विशेष रूपले सञ्चालन गर्ने नेकपाको तयारी छ । गत १९ माघमा सम्पन्न...
पूरा पढ्नुहोस्

स्रष्टा र सिर्जना

ढुंगे युगतिर डोर्याउने धृष्टता

केही दिनपूर्व, प्रदर्शनीमार्गको एउटा पुस्तक पसलको दराजमा सजाइएको एउटा पुस्तकमा आँखा प¥यो, जुन पुस्तक एकजना विदेशी लेखकले लेखेका थिए र जसमा उनले नेपालका हिमालीदेखि अरु भूभाग घुम्दाका अनुभवलाई उतारेका थिए । हरेक पुस्तक किन्दा छुट लिने बानी नै परिसकेको हुँदा पुस्तक बिक्रेतालाई सोधें, ‘यो पुस्तक किन्दा कति छुट पाइन्छ ?’...
पूरा पढ्नुहोस्

नयाँ पुस्तक

फरक स्वरध्वनि

तीन दशकयता कविता–कर्म र साधनामै व्यस्त छन्, वीरु बाङ्देल । सिक्किमका बासिन्दा बाङ्देलले नेपाली भाषामा उम्दा काव्य सिर्जना गरेर पृथक पहिचान बनाउँदै आएका छन् । कवितालाई नै लेखनको मूल विषय बनाएका उनले आजको समाज र राजनीतिक परिस्थितिहरूको भित्री यथार्थको अभिव्यक्ति धेरै नै प्रभावशाली ढंगले पस्किँदै आएका छन् । उनको पछिल्लो...
पूरा पढ्नुहोस्

छोटकरीमा

  • फोटोमा हारजितको फैसला

    काठमाडौं । ‘तपाईंहरू यही हुनुहुन्छ तर तपाईंहरूकै फोटो राजारानीको जस्तो गरी राखिएको छ । यो फोटो राख्ने सामान्तवादी प्रवृत्ति हो । राजावादी प्रवृत्ति भयो । यो फोटो निकाल्नुहोस्, यसपटक सक्नुहुन्न भने अर्कोपटक नराख्नुहोला ।’ नेकपा केन्द्रीय कमिटी बैठक चलिरह“दा केन्द्रीय सदस्य राजेन्द्र राईले उठेर यसरी कडा स्वरमा प्रतिवाद गरेपछि १५...
  • कुन पार्टीमा जालिन् शिवमाया ?

    काठमाडौं । कुनै हालतमा राजीनामा नदिने अडानमा रहेकी तत्कालीन उपसभामुख डा. शिवमाया तुम्बाहम्फेले पार्टी केन्द्रीय सदस्यको हैसियतमा क्रियाशील हुने इच्छा व्यक्त गरेकी छन् । तत्कालीन सभामुख कृष्णबहादुर महराले गरेको गल्तीको सजाय आफूलाई दिन लागिएको भन्दै तुम्बाहाम्फेले आफूले गल्ती गरेको लिखित कारण पार्टीले दिनुपर्ने सर्त राखेकी थिइन् । सभामुखमा उम्मेद्वारी दिने...
  • वैदेशिक रोजगार पत्रकार समाजमा थापा

    काठमाडौं । वैदेशिक रोजगार पत्रकार समाजको साधारणसभाले हरिबहादुर थापाको अध्यक्षतामा सर्वसम्मतिले नयाँ कार्यसमिति चयन गरेको छ । शनिबार राजधानीमा सम्पन्न समाजको साधारणसभाले मिडिया मिसनका सञ्चालक थापाको अध्यक्षतामा ११ सदस्यीय कार्यसमिति गठन गरेको हो । वैदेशिक रोजगार क्षेत्रमा कलम चलाउने सक्रिय सञ्चारकर्मीहरूको संस्थाका रूपमा समाज १० वर्षअघि स्थापना भएको हो ।...