11th July 2020, Saturday

E-budhabar
Header Right Side NTC Advertisement

रित्तिएपछि उपेन्द्रसँग गला, दमननाथ सूत्रधार

काठमाडौं । संघीय समाजवादी फोरम र नयाँ शक्ति पार्टीबीचको एकीकरण घोषणा समारोह प्रज्ञा भवन कमलादीमा सोमबार अनौठो दृश्य देखियो । कांग्रेस नेता तथा पूर्वसभामुख दमननाथ ढुंगानाले डा. बाबुराम भट्टराई र उपेन्द्र यादवसँगै हातेसाङ्लोसहित पार्टी एकता घोषणाको खुसियालीमा सहभागी नेता–कार्यकर्ताहरूलाई अभिभावदन गरे । खचाखच हलमा हल्लीखल्ली मच्चियो–ढुंगाना पनि पार्टी प्रवेश गरेका हुन् ? कार्यक्रममा गएर शुभेच्छा प्रकट गर्नु फरक कुरा हो तर एउटै लहरमा भट्टराई र यादवसँग कुम जोड्दै अभिभावदन गरेपछि भने सहभागीहरू आश्चर्यचकित हुनु स्वाभाविकै थियो । त्यसो त पार्टी घोषणा समारोहमा ढुंगानाको पुलक्कित अनुहार टेलिभिजन स्क्रिनमा पनि देखिएको थियो । गत चुनावमा भक्तपुरमा संघीय सांसदको उम्मेदवारसमेत रहेका कांग्रेस नेता ढुंगानाको त्यस्तो गतिविधिबारे अहिलेसम्म उक्त पार्टीले मुख खोलिसकेको छैन ।
नेपालले कष्टसाध्य नाकाबन्दी खेपिरहेका बेला भारतको पक्षमा वकालत गरेको भन्दै ढुंगानाले नेपाली जनताबाट धेरै आलोचना खेपेका थिए । आइएनजिओहरूको पहलमा वर्तमान कम्युनिस्ट सरकार गठबन्धनविरुद्ध आन्तरिक रणनीति बनाउने काममा पनि ढुंगानाको नाम मुछिँदै आएको छ । उनकै पहलमा अन्ततः बाबुरामसँग एकता गर्न उपेन्द्र सहमत भएको बताइएको छ । २०७२ असोज ३ गते संविधान जारी भएकै दिन बहिष्कार गरेर संविधानसभा भवनबाट बाहिरिएका भट्टराई जलाउनुपर्ने पक्षमा उभिएका मधेसकेन्द्रित दलहरूको लहरमा उभिएका थिए । लगत्तै भट्टराईले अब कांग्रेस, एमाले र माओवादीको औचित्य सकिएको घोषणा गर्दै वैकल्पिक शक्ति निर्माणको घोषणा गरे । त्यसक्रममा पूर्वमाओवादीका केही निकटस्थहरू, पूर्वरिटायर्ड कर्मचारी, सामाजिक क्षेत्रमा काम गरेका व्यक्तिहरूसँग मिलेर नयाँ शक्ति पार्टी निर्माण गरेका बाबुराम बल्लतल्ल पछिल्लो चुनावमा एक सिटसहित गोरखाबाट संघीय संसद्मा विजयी बने । तर, तामझामसहित गठन भएको नयाँ शक्तिमा पहिरो जाने क्रम रोकिएन । मिडियामा कहिलेकाहीँ अन्तर्वार्ता दिने, कहिलेकाहीँ लेख लेखेर बौद्धिक विलासिता गर्दा पनि पार्टीको प्रभाव विस्तार नभएपछि मेची–महाकाली पदयात्रातिर लागे । पार्टी फुटाउँदा पनि केही जोर नचलेपछि ढुंगानाकै योजना र सल्लाहमा बाबुरामले उपेन्द्रसँग एकता गरेको बताइएको छ । त्यसो त उपेन्द्रसँग गला मिलाइदिन तिनै ढुंगानाले दुई पटकसम्म सांग्रिला होटल लाजिम्पाटमा मध्यस्थता गरेको बुझिइएको छ । भारतका विश्वासपात्र ढुंगानाले किन भट्टराई र उपेन्द्रलाई मिलाए ? अहिले नेपालको राजनीति यो प्रश्नले गर्माएको छ ।
दुई पार्टी मिलेर संघीय समाजवादी पार्टी नेपाल बनेको छ । उक्त पार्टीमा भट्टराई र यादव दुवै अध्यक्ष छन् । यादव समूहको ६० प्रतिशतमाथि हिस्सा छ । तर, एकता घोषणासभामा समानुपातिक समावेशितासँगै सात प्रदेशको सट्टा ११ प्रदेशको व्यवस्थाका लागि आन्दोलन गर्ने घोषणाले भने दुई पार्टी एकताको असलियत बिस्तारै खुल्न थालेको बताउन थालिएको छ । मुलुकमा सातवटा प्रदेश अर्थतन्त्रले धान्न नसकिरहेका बेला फेरि जातीय पहिचानको मुद्दा उठाएर मुलुकलाई थप चार प्रदेशमा विस्तार गर्ने मुद्दाप्रति आमजनमत आक्रोशित भएको छ । विगतमा मधेसकेन्द्रित दलले जातीय क्षेत्रीय पहिचान फेरेर पार्टीको नामै परिर्वतन गरेर अघि बढिरहेका बेला उनीहरूले पुरानै मुद्दा ब्युँताउन खोजेका छन् । त्यसैले पार्टीहरू एकताबद्ध हुनु राम्रै भए पनि समाजवादी पार्टी गठनलगत्तै विभिन्न आशंकायुक्त प्रश्नहरू उठिरहेका छन् ।

Leave a Reply

Your email address will not be published. Required fields are marked *

... र यो पनि ...

  • डाटा सेवाको अवधी थप

    चैत २७, काठमाडौं । विश्वव्यापी रुपमा कोरोना भाइरसको महामारीले सिर्जना गरेको विषम परिस्थितिका कारण मुलुकमा कायम रहेको लकडाउनको अवस्थामा नेपाल टेलिकमले आफ्ना ग्राहकवर्गलाई भ्वाइस तथा डाटा सेवामा उपलब्ध गराएको स्टे कनेक्टेड अफरको अवधि थप गरेको छ । नेपाल सरकारले तेश्रो पटक लकडाउनको समयावधि थप गरेपछि कम्पनीले ग्राहकहरुको सुविधालाई ध्यानमा राखी...
  • प्रदेश प्रमुखकसँग राष्ट्रपति रुष्ट

    काठमाडौं । संवैधानिक भूमिका र पदीय मर्यादालाई बिर्सिंदै राजनीतिक दलका प्रमुखको निवासमा पुगेर मागपत्र पेस गरेको सूचना पाएपछि राष्ट्रपति विद्या भण्डारी प्रदेश प्रमुखहरूसँग रुष्ट भएकी छन् । प्रदेश प्रमुखहरूको त्यस्तो कदमले लज्जाबोध गराएको भन्दै संविधानविद्ले चिन्ता व्यक्त गरेका छन् भने आमनागरिकसमेत आक्रोशित भएका छन् । प्रसंग गत २ गतेको हो...
  • रोकिएन हायातको मनपरी

    काठमाडौं । २७ वर्षअघि अर्थात् २०४९ सालदेखि आफूखुुसी गर्दै आएको तारागाउँ रिजेन्सी होटल्स लिमिटेडको मनपरी अझै रोकिएको छ । होटलले फेरि आफूखुसी सम्पत्ति तथा दायित्व मूल्यांकन (डीडीए) गराउने चलखेल सुरु गरेको छ । घाटा देखाउँदै नेपाल सरकारको लगानी ३९.६७ प्रतिशतबाट घटेर ९.०१ प्रतिशत घटाएको हायातले फेरि चलखेल सुरु गरेको हो...

चक्रपथ

बीजकोयाका हाकिमको यो हर्कत

काठमाडौं । प्रजनन पिँढी बीजकोया स्रोत केन्द्र बन्दीपुर तनहुँका हाकिम शंकरप्रसाद न्यौपानेको चर्तिकलाले सीमा नाघेको छ । अवकाशको केही महिना बाँकी रहँदा वरिष्ठ बाली संरक्षण अधिकृतको हैसियतमा रहेका उनले अनियमिता र भ्रष्टाचारको शृंखला नै चलाएको भन्दै सर्वत्र गुनासो आएको छ । माहुरी, च्याउ, रेशम खेतीलगायत बालीको विकास, विस्तार र अनुसन्धानसमेतको...
पूरा पढ्नुहोस्

स्रष्टा र सिर्जना

‘गीता’ को राजनीति

कुनै वैचारिक मुद्दाका आधारमा नभई व्यक्तिगत टकरावको उत्पत्ति हुँदा विभाजनको पीडा झेल्ने नेपालका सीमित राजनीतिक दलमा पूर्वपञ्चहरूको पार्टी राष्ट्रिय प्रजातन्त्र पार्टीले बदनामी कमाउँदै आएको छ । विभाजन र एकताको अनेक अभ्यास गरिसकेको सो पार्टी पछिल्लो समय फेरि एकताको सूत्रमा बाँधिएको छ । पछिल्लो समय तीन समूहमा विभाजित राप्रपा केही दिनपूर्व...
पूरा पढ्नुहोस्

नयाँ पुस्तक

फरक स्वरध्वनि

तीन दशकयता कविता–कर्म र साधनामै व्यस्त छन्, वीरु बाङ्देल । सिक्किमका बासिन्दा बाङ्देलले नेपाली भाषामा उम्दा काव्य सिर्जना गरेर पृथक पहिचान बनाउँदै आएका छन् । कवितालाई नै लेखनको मूल विषय बनाएका उनले आजको समाज र राजनीतिक परिस्थितिहरूको भित्री यथार्थको अभिव्यक्ति धेरै नै प्रभावशाली ढंगले पस्किँदै आएका छन् । उनको पछिल्लो...
पूरा पढ्नुहोस्

छोटकरीमा

  • चिरायुको कर्जा फाइल किन गायब ?

    काठमाडौं । पदीय दुरुपयोगको चरम नमुना हेर्नुपरे नेपाल राष्ट्र बैंकका डेपुटी गभर्नर चिन्तामणि सिवाकोटीले आफू पदमा रहँदा गरेका अनियमित कार्यहरू हेरे पुग्छ । विगतमा आफूले गरेका अनियमित कार्यहरूबाट सफाइ पाएको दाबी सिवाकोटीले गरे पनि कतिपय कसुरमा भने उनीमाथि कारबाही भएको छैन । डेपुटी गभर्नर भएपछि सिवाकोटीले चिरायु अस्पतालको कर्जा प्रवाह...
  • म्याट्रेस खरिदको १५ करोड फ्रिज हुने खतरा

    काठमाडौं । सरकारले दिएको पैसा समयमा नै खर्च गर्न नसक्दा नेपाल प्रहरीको म्याटेस खरिदका लागि छुट्याएको १५ करोड ४० लाख रुपैयाँ फ्रिज हुने अवस्था देखिएको छ । आर्थिक वर्ष सकिन अब चार महिना मात्र बाँकी छ । यो चार महिनामा नेपाल प्रहरीले खरिद गर्न सक्ने अवस्था नरहेको बताइन्छ । यो...
  • मुद्दती खाताको परिचय नै फे¥यो एनआईसीले

    काठमाडौं । एनआईसी एसिया बैंकले मुद्दती खातामा उच्च ब्याजदर सँगै २१ लाख रुपैयाँसम्मको बिमा सुविधा पनि दिँदै आएको छ । सर्वाधिक उच्च ब्याजदर पाइने खाताका रूपमा चिनिएको मुद्दती निक्षेप खातामा एनआईसी एसिया बैंकले न्यु सुपर चामत्कारिक मुद्दती निक्षेप खाता खोलेकै आधारमा बिमा सुविधा पनि थप गरेको हो । यसअघि विभिन्न...