1st June 2020, Monday

E-budhabar
Header Right Side NTC Advertisement

संसद्मा मस्तीपछि राजदूतमा दौड

संसद्मा मस्तीपछि राजदूतमा दौड

काठमाडौं । प्रधानमन्त्री केपी शर्मा ओलीको मितव्ययिताको धज्जी उडाउँदै व्यवस्थापिका संसद्लाई ‘भन्सार’ बनाएर राज्यको ढुकुटीमा लुट मच्चाएका संघीय संसद्का महासचिव मनोहरप्रसाद भट्टराई त्यतिले नपुगेर अब राजदूत हुने दौडमा लागेका छन् । विशिष्ट श्रेणीबाट अवकाश भएपछि पनि राज्यबाट दोहोरो सुविधा लिँदै आएका उनी दुई वर्ष कायममुकायसहित ११ वर्ष संसद्को महासचिव भइसकेका छन् । पहिले तत्कालीन सभामुख सुवास नेम्वाङलाई पट्याएर महासचिवमा पुनर्नियुक्ति खाएका उनी अहिले सभामुख कृष्णबहादुर महरालाई खुसी पारेर राजदूत हुने दौडमा रहेको बुझिएको छ ।
औंलामा गन्न सकिने थोरै मात्र नेपालीले उपभोग गर्ने अत्यन्तै विलासी जीवन यापन गर्दै आएका उनी नैतिक रूपमा स्वच्छ मान्छे मानिँदैनन् । उनले आफ्नो अहिलेसम्मको ११ वर्षको कार्यअवधिमा संसद्लाई भद्रगोल बनाएका छन् । भत्तामा नाममा राज्यको ढुकटीमा तर मार्नेदेखि लिएर कानुनले दिएकोभन्दा बढी सुविधा लिएर सरकारी ढुकुटी दुरूपयोग गरिरहेका छन् । कानुनमा महासचिव भट्टराईले एउटा गाडी, चालक र मुख्य सचिवसरह पारिश्रमिक पाउने व्यवस्था भए पनि उनले पाँचवटा गाडी र तीनजना चालक लिने गरेको समाचार यसअघि नै सार्वजनिक भइसकेको छ  । त्यति मात्र होइन, उनी मासिक तलब र पेन्सन दुवै लिने गरेका थिए । संसद्को अभिलेखमा भट्टराईको नाममा बा१झ ८२०६ कार र बा२झ १६८६ नम्बरको किया गरी दुईवटा गाडी मात्रै देखाइएको छ । स्रोतका अनुसार जगेडाको सूचीमा राखिएका बा१झ ८४९१, मर्मतको सूचीमा रहेको बा१झ ९१६० मित्सुबिसी र बा१झ ९७०० नम्बरको स्कोर्पियो पनि महासचिवले प्रयोग गर्ने गरेका छन् । छुट्टै कानुनबाट नियुक्त भएका महासचिव भट्टराईले ८० प्रतिशत प्रोत्साहन भत्ता लिने गरेका थिए । जबकि सचिवालय सञ्चालन तथा व्यवस्थापन समितिको २०७२ असोज ६ मा भएको ५९औं बैठकले समेत महासचिव प्रोत्साहन भत्ता पाउने व्यवस्था गरेको छैन ।
यति मात्र होइन, उनले यो सबै गर्नकै लागि त्यहाँको सबै कुरा बुझेका व्यक्ति राम डंगोललाई उपसचिवसरहको सेवासुविधासहित स्वकीय सचिवमा नियुक्त गरेका छन् । नासुबाट सेवा अवधिका कारण स्वतः अधिकृत बढुवा भएपछि अवकाश पाएका डंगोललाई गैरकानुनी काम गर्न सजिलोका लागि नै स्वकीय सचिवमा नियुक्त गरिएको बुझिएको छ । संसदबाट डकारुन्जेल खाइसकेपछि पनि नपुगेर उनी अहिले राजदूतको दौडमा लागेका छन् । त्यसका लागि उनले सभामुख महराको फेर समाएको बुझिएको छ । महरालाई कसरी हुन्छ खुसी पार्ने ध्याउन्नमा उनी लागेको स्रोतको दाबी छ ।
सरकारले खाली रहेका केही देशमा केही दिनभित्रै राजदूत नियुक्तिको तयारी गरिरहेको छ । पाँच देशमा राजदूत खाली भएको चार महिना बितिसकेको छ । पुस ६ गतेको मन्त्रिपरिषद् बैठकले स्पेनका भरत रायमाझी, बंगलादेशमा चोपलाल भुसाल, दक्षिण कोरियाका अर्जुनबहादुर सिंह र दक्षिण अफ्रिकाका अमृत राईलाई र केही दिनअघि कतारका रमेश कोइरालालाई फिर्ता बोलाएको थियो । मानव तस्करीको आरोप लागेकी लक्की शेर्पालाई फिर्ता बोलाएपछि अस्टे«लियामा पनि राजदूत खाली छ ।

Leave a Reply

Your email address will not be published. Required fields are marked *

... र यो पनि ...

  • प्रदेश प्रमुखकसँग राष्ट्रपति रुष्ट

    काठमाडौं । संवैधानिक भूमिका र पदीय मर्यादालाई बिर्सिंदै राजनीतिक दलका प्रमुखको निवासमा पुगेर मागपत्र पेस गरेको सूचना पाएपछि राष्ट्रपति विद्या भण्डारी प्रदेश प्रमुखहरूसँग रुष्ट भएकी छन् । प्रदेश प्रमुखहरूको त्यस्तो कदमले लज्जाबोध गराएको भन्दै संविधानविद्ले चिन्ता व्यक्त गरेका छन् भने आमनागरिकसमेत आक्रोशित भएका छन् । प्रसंग गत २ गतेको हो...
  • रोकिएन हायातको मनपरी

    काठमाडौं । २७ वर्षअघि अर्थात् २०४९ सालदेखि आफूखुुसी गर्दै आएको तारागाउँ रिजेन्सी होटल्स लिमिटेडको मनपरी अझै रोकिएको छ । होटलले फेरि आफूखुसी सम्पत्ति तथा दायित्व मूल्यांकन (डीडीए) गराउने चलखेल सुरु गरेको छ । घाटा देखाउँदै नेपाल सरकारको लगानी ३९.६७ प्रतिशतबाट घटेर ९.०१ प्रतिशत घटाएको हायातले फेरि चलखेल सुरु गरेको हो...
  • दलाली गर्दै, पुरस्कार दिँदै

    काठमाडौं । साहित्यका नाममा दलाली गर्नेहरूको हामीकहाँ कमी छैन । लामो समयदेखि विभिन्न शक्तिकेन्द्र र व्यक्तिहरूलाई प्रभावमा पारेर साहित्यकै नाममा दलाली गर्दै आएको नइ प्रकाशनले राखेका विभिन्न पुरस्कारहरूको स्रोतहरू के हुन् भन्नेचाहिँ अहिलेसम्म गुपचुप नै देखिन्छ । नरेन्द्रराज प्रसार्इं र इन्दिरा प्रसाईंले दुई दशकअघि स्थापना गरेको नइ प्रकाशनले हरेक व्यवस्था...

चक्रपथ

बीजकोयाका हाकिमको यो हर्कत

काठमाडौं । प्रजनन पिँढी बीजकोया स्रोत केन्द्र बन्दीपुर तनहुँका हाकिम शंकरप्रसाद न्यौपानेको चर्तिकलाले सीमा नाघेको छ । अवकाशको केही महिना बाँकी रहँदा वरिष्ठ बाली संरक्षण अधिकृतको हैसियतमा रहेका उनले अनियमिता र भ्रष्टाचारको शृंखला नै चलाएको भन्दै सर्वत्र गुनासो आएको छ । माहुरी, च्याउ, रेशम खेतीलगायत बालीको विकास, विस्तार र अनुसन्धानसमेतको...
पूरा पढ्नुहोस्

स्रष्टा र सिर्जना

‘गीता’ को राजनीति

कुनै वैचारिक मुद्दाका आधारमा नभई व्यक्तिगत टकरावको उत्पत्ति हुँदा विभाजनको पीडा झेल्ने नेपालका सीमित राजनीतिक दलमा पूर्वपञ्चहरूको पार्टी राष्ट्रिय प्रजातन्त्र पार्टीले बदनामी कमाउँदै आएको छ । विभाजन र एकताको अनेक अभ्यास गरिसकेको सो पार्टी पछिल्लो समय फेरि एकताको सूत्रमा बाँधिएको छ । पछिल्लो समय तीन समूहमा विभाजित राप्रपा केही दिनपूर्व...
पूरा पढ्नुहोस्

नयाँ पुस्तक

फरक स्वरध्वनि

तीन दशकयता कविता–कर्म र साधनामै व्यस्त छन्, वीरु बाङ्देल । सिक्किमका बासिन्दा बाङ्देलले नेपाली भाषामा उम्दा काव्य सिर्जना गरेर पृथक पहिचान बनाउँदै आएका छन् । कवितालाई नै लेखनको मूल विषय बनाएका उनले आजको समाज र राजनीतिक परिस्थितिहरूको भित्री यथार्थको अभिव्यक्ति धेरै नै प्रभावशाली ढंगले पस्किँदै आएका छन् । उनको पछिल्लो...
पूरा पढ्नुहोस्

छोटकरीमा

  • चिरायुको कर्जा फाइल किन गायब ?

    काठमाडौं । पदीय दुरुपयोगको चरम नमुना हेर्नुपरे नेपाल राष्ट्र बैंकका डेपुटी गभर्नर चिन्तामणि सिवाकोटीले आफू पदमा रहँदा गरेका अनियमित कार्यहरू हेरे पुग्छ । विगतमा आफूले गरेका अनियमित कार्यहरूबाट सफाइ पाएको दाबी सिवाकोटीले गरे पनि कतिपय कसुरमा भने उनीमाथि कारबाही भएको छैन । डेपुटी गभर्नर भएपछि सिवाकोटीले चिरायु अस्पतालको कर्जा प्रवाह...
  • म्याट्रेस खरिदको १५ करोड फ्रिज हुने खतरा

    काठमाडौं । सरकारले दिएको पैसा समयमा नै खर्च गर्न नसक्दा नेपाल प्रहरीको म्याटेस खरिदका लागि छुट्याएको १५ करोड ४० लाख रुपैयाँ फ्रिज हुने अवस्था देखिएको छ । आर्थिक वर्ष सकिन अब चार महिना मात्र बाँकी छ । यो चार महिनामा नेपाल प्रहरीले खरिद गर्न सक्ने अवस्था नरहेको बताइन्छ । यो...
  • मुद्दती खाताको परिचय नै फे¥यो एनआईसीले

    काठमाडौं । एनआईसी एसिया बैंकले मुद्दती खातामा उच्च ब्याजदर सँगै २१ लाख रुपैयाँसम्मको बिमा सुविधा पनि दिँदै आएको छ । सर्वाधिक उच्च ब्याजदर पाइने खाताका रूपमा चिनिएको मुद्दती निक्षेप खातामा एनआईसी एसिया बैंकले न्यु सुपर चामत्कारिक मुद्दती निक्षेप खाता खोलेकै आधारमा बिमा सुविधा पनि थप गरेको हो । यसअघि विभिन्न...