27th May 2020, Wednesday

E-budhabar
Header Right Side NTC Advertisement

तीन वर्षमा पनि कछुवाकै चाल

काठमाडौं । कछुवाको चाल पक्रिँदा हरेक प्रदेशमा मेडिकल कलेज स्थापना गर्ने सरकारको योजनाले अझै गति लिन सकेको छैन । तीन वर्षअघि सरकारले तीनवटा प्रदेशका तीन ठाउँमा मेडिकल कलेज स्थापना गर्ने घोषणा गरेको थियो । तर, घोषणा गरेअनुरूप मेडिकल कलेज स्थापना कार्यले गति पक्रिन सकिरहेको छैन ।
केही समयपूर्व प्रधानमन्त्री केपी शर्मा ओलीले ५ नम्बर प्रदेशको बुटवलमा मेडिकल कलेजको उद्घाटन गरे । उपप्रधानमन्त्री तथा रक्षामन्त्री ईश्वर पोखरेल र शिक्षा तथा विज्ञान प्रविधिमन्त्री गिरिराजमणि पोखरेलले पनि २ नम्बर प्रदेशका बर्दिबासमा मेडिकल कलेजको शिलान्यास गरे । तर, अहिलेसम्म बर्दिबासबाहेक अरू ठाउँमा मेडिकल कलेज खोल्न जग्गाको पहिचान भइसकेको छैन । यी दुई ठाउँबाहेक ६ नम्बर प्रदेशको सुर्खेतमा पनि मेडिकल कलेज खोल्ने सरकारको योजना रहेको छ । बर्दिबासमा मेडिकल कलेज खोल्न १ सय हेक्टर जग्गाको पहिचान भएर सर्वेसमेत भइसकेको छ । २ नम्बर प्रदेशकै राजविराजमा पनि मेडिकल कलेज खोल्ने सरकारी तयारी रहेको छ ।
यी तीनवटै ठाउँमा मेडिकल कलेज स्थापना गर्न सरकारले ‘मेडिकल कलेज पूर्वाधार विकास निर्माण आयोजना’ गठन गरेर पछिल्लो समय काम गरिरहेको छ । गएको फागुन ३ गते मन्त्रिपरिषद्को बैठकले आयोजना गठन स्वीकृत गरेको हो । आयोजना गठन भएपछि शिक्षा तथा विज्ञान प्रविधि मन्त्रालयका तीन उपसचिवहरूलाई प्रत्येकको जिम्मा दिइएको छ । जसमा उपसचिव देवी सुवेदीले बर्दिबास, मानबहादुर घिमिरेले बुटवल र यामबहादुर केसीले सुर्खेतको जिम्मेवारी पाएका छन् ।
सरकारले १४औं योजनाको शिक्षा नीतिमा ‘प्रत्येक प्रदेशमा एउटा मेडिकल कलेज’ खोल्ने भनेर उल्लेख गरेको थियो । यसरी नै आर्थिक वर्ष २०७३÷७४ को बजेट वक्तव्यमा ‘प्रत्येक प्रदेशमा एउटा–एउटा मेडिकल कलेज खोल्ने र तत्काललाई तीनवटा प्रदेशमा स्थापना गर्न काम अघि बढाइने’ उल्लेख थियो । तर, कति वर्षभित्र मेडिकल कलेज स्थापना गरिसिध्याउने भन्ने कुरा त्यतिखेर उल्लेख गरिएको भने थिएन । २०७३ असार २७ गते नै प्रत्येक प्रदेशमा मेडिकल खोल्न जग्गाको पहिचान गर्ने भनेर सरकारले निर्णय गरेको थियो र त्यस्तो निर्णय भए पनि त्यसपछि भने कामले गति लिन सकेन । त्यसपछि मेडिकल कलेजको तयारीका लागि सरकारले आर्थिक वर्ष २०७५÷७६ मा प्रत्येकलाई १०–१० करोड बजेटसमेत विनियोजन गरेको थियो । तर, उक्त बजेट शिक्षा मन्त्रालयमा नआएर विश्वविद्यालय अनुदान आयोगमा लगेर थन्क्याइएको थियो ।
५ नम्बर प्रदेशको बुटवलमा मेडिकल कलेजको जग्गाको पहिचान नभइसके पनि प्रधानमन्त्री ओलीले भने मेडिकल कलेजको शिलान्यास भने गरिसकेका छन् । २ नम्बर प्रदेशमा भने दुई÷दुईवटा मेडिकल कलेज स्थापना गर्ने तयारी सरकारले गरेपछि त्यसको आलोचनासमेत हुँदै आएको छ । एउटै प्रदेशमा किन दुईवटा मेडिकल कलेज खोल्नुप¥यो भन्ने कुरा उठे पनि सरकारले सो प्रदेशको बर्दिबास र राजविराजमा मेडिकल कलेज खोल्ने कार्य अघि बढाइसकेको छ ।

Leave a Reply

Your email address will not be published. Required fields are marked *

... र यो पनि ...

  • प्रदेश प्रमुखकसँग राष्ट्रपति रुष्ट

    काठमाडौं । संवैधानिक भूमिका र पदीय मर्यादालाई बिर्सिंदै राजनीतिक दलका प्रमुखको निवासमा पुगेर मागपत्र पेस गरेको सूचना पाएपछि राष्ट्रपति विद्या भण्डारी प्रदेश प्रमुखहरूसँग रुष्ट भएकी छन् । प्रदेश प्रमुखहरूको त्यस्तो कदमले लज्जाबोध गराएको भन्दै संविधानविद्ले चिन्ता व्यक्त गरेका छन् भने आमनागरिकसमेत आक्रोशित भएका छन् । प्रसंग गत २ गतेको हो...
  • रोकिएन हायातको मनपरी

    काठमाडौं । २७ वर्षअघि अर्थात् २०४९ सालदेखि आफूखुुसी गर्दै आएको तारागाउँ रिजेन्सी होटल्स लिमिटेडको मनपरी अझै रोकिएको छ । होटलले फेरि आफूखुसी सम्पत्ति तथा दायित्व मूल्यांकन (डीडीए) गराउने चलखेल सुरु गरेको छ । घाटा देखाउँदै नेपाल सरकारको लगानी ३९.६७ प्रतिशतबाट घटेर ९.०१ प्रतिशत घटाएको हायातले फेरि चलखेल सुरु गरेको हो...
  • दलाली गर्दै, पुरस्कार दिँदै

    काठमाडौं । साहित्यका नाममा दलाली गर्नेहरूको हामीकहाँ कमी छैन । लामो समयदेखि विभिन्न शक्तिकेन्द्र र व्यक्तिहरूलाई प्रभावमा पारेर साहित्यकै नाममा दलाली गर्दै आएको नइ प्रकाशनले राखेका विभिन्न पुरस्कारहरूको स्रोतहरू के हुन् भन्नेचाहिँ अहिलेसम्म गुपचुप नै देखिन्छ । नरेन्द्रराज प्रसार्इं र इन्दिरा प्रसाईंले दुई दशकअघि स्थापना गरेको नइ प्रकाशनले हरेक व्यवस्था...

चक्रपथ

बीजकोयाका हाकिमको यो हर्कत

काठमाडौं । प्रजनन पिँढी बीजकोया स्रोत केन्द्र बन्दीपुर तनहुँका हाकिम शंकरप्रसाद न्यौपानेको चर्तिकलाले सीमा नाघेको छ । अवकाशको केही महिना बाँकी रहँदा वरिष्ठ बाली संरक्षण अधिकृतको हैसियतमा रहेका उनले अनियमिता र भ्रष्टाचारको शृंखला नै चलाएको भन्दै सर्वत्र गुनासो आएको छ । माहुरी, च्याउ, रेशम खेतीलगायत बालीको विकास, विस्तार र अनुसन्धानसमेतको...
पूरा पढ्नुहोस्

स्रष्टा र सिर्जना

‘गीता’ को राजनीति

कुनै वैचारिक मुद्दाका आधारमा नभई व्यक्तिगत टकरावको उत्पत्ति हुँदा विभाजनको पीडा झेल्ने नेपालका सीमित राजनीतिक दलमा पूर्वपञ्चहरूको पार्टी राष्ट्रिय प्रजातन्त्र पार्टीले बदनामी कमाउँदै आएको छ । विभाजन र एकताको अनेक अभ्यास गरिसकेको सो पार्टी पछिल्लो समय फेरि एकताको सूत्रमा बाँधिएको छ । पछिल्लो समय तीन समूहमा विभाजित राप्रपा केही दिनपूर्व...
पूरा पढ्नुहोस्

नयाँ पुस्तक

फरक स्वरध्वनि

तीन दशकयता कविता–कर्म र साधनामै व्यस्त छन्, वीरु बाङ्देल । सिक्किमका बासिन्दा बाङ्देलले नेपाली भाषामा उम्दा काव्य सिर्जना गरेर पृथक पहिचान बनाउँदै आएका छन् । कवितालाई नै लेखनको मूल विषय बनाएका उनले आजको समाज र राजनीतिक परिस्थितिहरूको भित्री यथार्थको अभिव्यक्ति धेरै नै प्रभावशाली ढंगले पस्किँदै आएका छन् । उनको पछिल्लो...
पूरा पढ्नुहोस्

छोटकरीमा

  • चिरायुको कर्जा फाइल किन गायब ?

    काठमाडौं । पदीय दुरुपयोगको चरम नमुना हेर्नुपरे नेपाल राष्ट्र बैंकका डेपुटी गभर्नर चिन्तामणि सिवाकोटीले आफू पदमा रहँदा गरेका अनियमित कार्यहरू हेरे पुग्छ । विगतमा आफूले गरेका अनियमित कार्यहरूबाट सफाइ पाएको दाबी सिवाकोटीले गरे पनि कतिपय कसुरमा भने उनीमाथि कारबाही भएको छैन । डेपुटी गभर्नर भएपछि सिवाकोटीले चिरायु अस्पतालको कर्जा प्रवाह...
  • म्याट्रेस खरिदको १५ करोड फ्रिज हुने खतरा

    काठमाडौं । सरकारले दिएको पैसा समयमा नै खर्च गर्न नसक्दा नेपाल प्रहरीको म्याटेस खरिदका लागि छुट्याएको १५ करोड ४० लाख रुपैयाँ फ्रिज हुने अवस्था देखिएको छ । आर्थिक वर्ष सकिन अब चार महिना मात्र बाँकी छ । यो चार महिनामा नेपाल प्रहरीले खरिद गर्न सक्ने अवस्था नरहेको बताइन्छ । यो...
  • मुद्दती खाताको परिचय नै फे¥यो एनआईसीले

    काठमाडौं । एनआईसी एसिया बैंकले मुद्दती खातामा उच्च ब्याजदर सँगै २१ लाख रुपैयाँसम्मको बिमा सुविधा पनि दिँदै आएको छ । सर्वाधिक उच्च ब्याजदर पाइने खाताका रूपमा चिनिएको मुद्दती निक्षेप खातामा एनआईसी एसिया बैंकले न्यु सुपर चामत्कारिक मुद्दती निक्षेप खाता खोलेकै आधारमा बिमा सुविधा पनि थप गरेको हो । यसअघि विभिन्न...