4th June 2020, Thursday

E-budhabar
Header Right Side NTC Advertisement

करोडौं हिनामिनाले पदै चट

काठमाडौं । केही दिनअघि सत्तारूढ नेपाल कम्युनिस्ट पार्टीले आफ्ना जनवर्गीय संगठनहरूबीचको एकता टुंग्यायो । जनवर्गीय संगठनहरूको एकता हुँदा पूर्वएमाले र माओवादी केन्द्रमा अध्यक्ष रहेकाहरूले संयोजक र सहसंयोजकहरूका जिम्मेवारी पाए । तर, जिम्मेवारी पाउनुपर्ने अधिकार रहे पनि तत्कालीन माओवादी केन्द्रको मजदुर संगठनको अध्यक्षले भने कुनै पनि जिम्मेवारी पाएनन् ।
तत्कालीन माओवादी केन्द्रको मजदुर संगठनको भागमा सहसंयोजक पद परेको थियो । सो भागबन्डाअनुरूप उक्त संगठनका अध्यक्ष गणेश रेग्मीले सहसंयोजकको जिम्मेवारी पाउनुपर्ने थियो । तर अध्यक्ष रेग्मीलाई जिम्मेवारी नदिई महासचिव जगतबहादुर सिम्खडालाई सहसंयोजकको जिम्मेवारी दिइयो । संयोजकमा भने तत्कालीन एमालेका विनोद श्रेष्ठ चयन भए । रेग्मीले सहसंयोजकको जिम्मेवारी नपाउनुको कारण उनी करोडौं रकम हिनामिनामा फसेको बताइन्छ ।
दुई वर्षअघि अखिल नेपाल ट्रेड युनियन महासंघको अध्यक्षबाट शालिकराम जम्कट्टेल बाहिरिएपछि रेग्मी अध्यक्ष चयन भएका थिए । जम्कट्टेल अहिले ३ नम्बर प्रदेशको आन्तरिक मामिला मन्त्री रहेका छन् । त्यतिबेला रेग्मीलाई अध्यक्ष बनाउन जम्कट्टेलकै जोडबल रहेको थियो । तर, रेग्मीलाई अध्यक्ष बनाइने बेलामा समेत उनलाई युवा स्वरोजगार कोषको करोडौं रकम अपचलन गरेको भन्दै अध्यक्ष बन्न नदिने प्रयत्न भएको थियो । जम्कट्टेलको जोडबलका सामु त्यतिबेला अरुको केही नचलेको बताइन्छ ।
तत्कालीन प्रधानमन्त्री डा. बाबुराम भट्टराईको पालामा बेरोजगार युवाहरूलाई रोजगारी दिलाउने हेतुले युवा स्वरोजकार कोष स्थापना गरिएको थियो । उक्त कोषबाट रेग्मीले ट्रेड युनियन महासंघको नाममा ५ करोड रुपैयाँ ऋण लिएका थिए । त्यो बेला रेग्मीले सयौं मजदुरहरूको नागरिकता बटुलेर कोषबाट ऋण लिए पनि वास्तविक ऋणीले भने उक्त रकम नपाएको बताइन्छ । मजदुरहरूको नाम बेचेर रेग्मीले करोडौं ऋण लिएर हिनामिना गरेको कुरा त्यतिबेलै उठेको थियो । उनले कोषबाट लिएको ऋणमध्ये केही रकम भने मजदुर सहकारी संस्था खोलेर त्यही संस्थामा राखेका थिए । नाफामूलक उक्त संस्थाको अध्यक्ष पनि रेग्मी नै बनेका थिए ।
तर, कोषबाट लिएको ऋण चार वर्षमा तिरिसक्नुपर्नेमा रेग्मीले ऋण तिर्नतिर कुनै पहल गरेनन् । अहिले कोषलाई ऋण तिर्नुपर्ने समयावधि आठ वर्ष पुगिसकेको छ । आठ वर्षको अवधिमा ब्याज र सावाँ गरी करिब ८ करोड रुपैयाँ पुगिसकेको छ । रेग्मीले कोषबाट ऋण लिएर नतिरेकोमा उनी दोषी रहेको ठहर तत्कालीन माओवादी केन्द्रद्वारा गठित छानबिन आयोगले समेत गरेको थियो । ट्रेड युनियनका उपाध्यक्ष जय कार्कीको अध्यक्षतामा गठित आयोगले रेग्मीलाई दोषी ठह¥याएको थियो । टे«ड युनियनका पदाधिकारीहरूले रेग्मीलाई नाफामूलक सहकारी संस्थाको अध्यक्षमा नबस्नुस् भनेर आग्रह गर्दा पनि उनले नस्विकारेको बताइन्छ ।
त्यसो त कोषबाट अहिले मजदुर संगठनको सहसंयोजकको जिम्मेवारी पाएका सिम्खडाले पनि ऋण नलिएका होइनन् । उनले पनि कोषबाट ३० लाख रुपैयाँ ऋण लिएका थिए । तर, उनले चार वर्षको अवधिमा नै ऋण चुक्ता गरेको बताइन्छ । समयमै ऋण चुक्ता गरेको हुँदा सिम्खडालाई भने कोषले ‘क्लिन चिट’ दिएको थियो ।
रेग्मीले करोडौं रकम हिनामिना गरेकोबारे अध्यक्ष पुष्पकमल दाहाल ‘प्रचण्ड’ पनि जानिफकार रहेका हुँदा विवादमा नआएका सिम्खडालाई एकता प्रक्रियामा मजदुर संगठनको सहसंयोजक चयन गरेको बताइन्छ । कोषको रकम हिनामिना गरेकै कारण रेग्मी कालोसूचीमा परेका छन् र उनलाई विदेश जान प्रतिबन्धसमेत लागेको बताइन्छ ।

Leave a Reply

Your email address will not be published. Required fields are marked *

... र यो पनि ...

  • प्रदेश प्रमुखकसँग राष्ट्रपति रुष्ट

    काठमाडौं । संवैधानिक भूमिका र पदीय मर्यादालाई बिर्सिंदै राजनीतिक दलका प्रमुखको निवासमा पुगेर मागपत्र पेस गरेको सूचना पाएपछि राष्ट्रपति विद्या भण्डारी प्रदेश प्रमुखहरूसँग रुष्ट भएकी छन् । प्रदेश प्रमुखहरूको त्यस्तो कदमले लज्जाबोध गराएको भन्दै संविधानविद्ले चिन्ता व्यक्त गरेका छन् भने आमनागरिकसमेत आक्रोशित भएका छन् । प्रसंग गत २ गतेको हो...
  • रोकिएन हायातको मनपरी

    काठमाडौं । २७ वर्षअघि अर्थात् २०४९ सालदेखि आफूखुुसी गर्दै आएको तारागाउँ रिजेन्सी होटल्स लिमिटेडको मनपरी अझै रोकिएको छ । होटलले फेरि आफूखुसी सम्पत्ति तथा दायित्व मूल्यांकन (डीडीए) गराउने चलखेल सुरु गरेको छ । घाटा देखाउँदै नेपाल सरकारको लगानी ३९.६७ प्रतिशतबाट घटेर ९.०१ प्रतिशत घटाएको हायातले फेरि चलखेल सुरु गरेको हो...
  • दलाली गर्दै, पुरस्कार दिँदै

    काठमाडौं । साहित्यका नाममा दलाली गर्नेहरूको हामीकहाँ कमी छैन । लामो समयदेखि विभिन्न शक्तिकेन्द्र र व्यक्तिहरूलाई प्रभावमा पारेर साहित्यकै नाममा दलाली गर्दै आएको नइ प्रकाशनले राखेका विभिन्न पुरस्कारहरूको स्रोतहरू के हुन् भन्नेचाहिँ अहिलेसम्म गुपचुप नै देखिन्छ । नरेन्द्रराज प्रसार्इं र इन्दिरा प्रसाईंले दुई दशकअघि स्थापना गरेको नइ प्रकाशनले हरेक व्यवस्था...

चक्रपथ

बीजकोयाका हाकिमको यो हर्कत

काठमाडौं । प्रजनन पिँढी बीजकोया स्रोत केन्द्र बन्दीपुर तनहुँका हाकिम शंकरप्रसाद न्यौपानेको चर्तिकलाले सीमा नाघेको छ । अवकाशको केही महिना बाँकी रहँदा वरिष्ठ बाली संरक्षण अधिकृतको हैसियतमा रहेका उनले अनियमिता र भ्रष्टाचारको शृंखला नै चलाएको भन्दै सर्वत्र गुनासो आएको छ । माहुरी, च्याउ, रेशम खेतीलगायत बालीको विकास, विस्तार र अनुसन्धानसमेतको...
पूरा पढ्नुहोस्

स्रष्टा र सिर्जना

‘गीता’ को राजनीति

कुनै वैचारिक मुद्दाका आधारमा नभई व्यक्तिगत टकरावको उत्पत्ति हुँदा विभाजनको पीडा झेल्ने नेपालका सीमित राजनीतिक दलमा पूर्वपञ्चहरूको पार्टी राष्ट्रिय प्रजातन्त्र पार्टीले बदनामी कमाउँदै आएको छ । विभाजन र एकताको अनेक अभ्यास गरिसकेको सो पार्टी पछिल्लो समय फेरि एकताको सूत्रमा बाँधिएको छ । पछिल्लो समय तीन समूहमा विभाजित राप्रपा केही दिनपूर्व...
पूरा पढ्नुहोस्

नयाँ पुस्तक

फरक स्वरध्वनि

तीन दशकयता कविता–कर्म र साधनामै व्यस्त छन्, वीरु बाङ्देल । सिक्किमका बासिन्दा बाङ्देलले नेपाली भाषामा उम्दा काव्य सिर्जना गरेर पृथक पहिचान बनाउँदै आएका छन् । कवितालाई नै लेखनको मूल विषय बनाएका उनले आजको समाज र राजनीतिक परिस्थितिहरूको भित्री यथार्थको अभिव्यक्ति धेरै नै प्रभावशाली ढंगले पस्किँदै आएका छन् । उनको पछिल्लो...
पूरा पढ्नुहोस्

छोटकरीमा

  • चिरायुको कर्जा फाइल किन गायब ?

    काठमाडौं । पदीय दुरुपयोगको चरम नमुना हेर्नुपरे नेपाल राष्ट्र बैंकका डेपुटी गभर्नर चिन्तामणि सिवाकोटीले आफू पदमा रहँदा गरेका अनियमित कार्यहरू हेरे पुग्छ । विगतमा आफूले गरेका अनियमित कार्यहरूबाट सफाइ पाएको दाबी सिवाकोटीले गरे पनि कतिपय कसुरमा भने उनीमाथि कारबाही भएको छैन । डेपुटी गभर्नर भएपछि सिवाकोटीले चिरायु अस्पतालको कर्जा प्रवाह...
  • म्याट्रेस खरिदको १५ करोड फ्रिज हुने खतरा

    काठमाडौं । सरकारले दिएको पैसा समयमा नै खर्च गर्न नसक्दा नेपाल प्रहरीको म्याटेस खरिदका लागि छुट्याएको १५ करोड ४० लाख रुपैयाँ फ्रिज हुने अवस्था देखिएको छ । आर्थिक वर्ष सकिन अब चार महिना मात्र बाँकी छ । यो चार महिनामा नेपाल प्रहरीले खरिद गर्न सक्ने अवस्था नरहेको बताइन्छ । यो...
  • मुद्दती खाताको परिचय नै फे¥यो एनआईसीले

    काठमाडौं । एनआईसी एसिया बैंकले मुद्दती खातामा उच्च ब्याजदर सँगै २१ लाख रुपैयाँसम्मको बिमा सुविधा पनि दिँदै आएको छ । सर्वाधिक उच्च ब्याजदर पाइने खाताका रूपमा चिनिएको मुद्दती निक्षेप खातामा एनआईसी एसिया बैंकले न्यु सुपर चामत्कारिक मुद्दती निक्षेप खाता खोलेकै आधारमा बिमा सुविधा पनि थप गरेको हो । यसअघि विभिन्न...