18th September 2019, Wednesday

E-budhabar
Header Right Side NTC Advertisement

कोठा चित्त नबुझेपछि एआईजी बिदामा



कोठा चित्त नबुझेपछि एआईजी बिदामा

काठमाडौं । राष्ट्रिय सुरक्षा परिषद्मा थन्काइएका नेपाल प्रहरीका एआईजी धिरु बस्नेत आफूले भनेजस्तो कार्यकक्ष नपाएपछि १५ दिने घर बिदामा बसेका छन् । यसअघि राष्ट्रिय प्रहरी प्रशिक्षण प्रतिष्ठानको प्रमुख रहेका एआईजी बस्नेत प्रतिष्ठानको ५० लाख रकम आफ्नो निजी खातामा हाल्न लेखापाललाई दबाब दिएकै कारण जगेडामा परेर परिषद्मा खेदाइएका थिए । जबकि, त्यहाँ एआएजीको दरबन्दी नै छैन ।
परिषद्मा पठाइएपछि एआईजी बस्नेतले आफूलाई सचिवस्तरको सबै सुविधाको माग गरेका थिए । परिषद् स्रोतका अनुसार उनले परिषद्का कर्मचारीसँग सुरक्षा गार्डसहित अट्याच बाथरुमसहितको कोठा, गोप्य भेटघाटका लागि अलग्गै अर्को कोठालगायत सुविधा हुनुपर्ने माग गरेका थिए । तर, माथिल्लो तलामा केही सुविधा नभएको एउटा मात्र कोठामा राखिएपछि उनी बिदामा बसेको बताइन्छ । कर्मचारीले उनले भनेजस्तो सुविधा प्रदान गर्न नसकिने जानकारी गराएपछि उनी रिसाएर बिदामा बसेको स्रोतको दाबी छ ।
एआईजी बस्नेतले प्रतिष्ठानको बजेट कुम्ल्याउन लेखापाललाई अनावश्यक दबाब दिएको परिणामस्वरूप उनी जगेडामा परेका थिए । बस्नेतले केही साताअघि ५० लाख रुपैयाँ आफ्नो खातामा हाल्न लेखापाललाई भनेका थिए । तर, लेखापालले ‘त्यत्रो कहाँ हुन्छ, सबैलाई मिलाउँदा २÷४ लाख त रहन्छ’ भनेपछि लेखापाललाई नै ‘यसो भए तँ जा’ भन्दै थर्काएका थिए । एआईजीबाट यस्तो व्यवहार भएपछि लेखापालले गृहसचिव प्रेमकुमार राई र आईजी सर्वेन्द्र खनाललाई यसको रिपोर्टिङ गरेका थिए । त्यसपछि उनी जगेडामा परेका थिए ।
सुरक्षा परिषद् अहिले क्षमतावान् सुरक्षा अधिकारीहरूको समेत हाइ काढेर बस्ने थलो भएको छ । रक्षा मन्त्रालयको माथिल्लो तलामा रहेको कार्यालयमा नेपाली सेनाका महासेनानी रामचन्द्र कार्की, हरेन्द्र पाठक, सहायक रथी कृष्णमुरारी न्यौपाने, उपरथी कर्मेन्द्रविक्रम लिम्बू, प्रमुख सेनानी ठाकुरचन्द्र रेग्मी, सशस्त्रका एसएसपी दमन थापा, नेपाल प्रहरीका डिआईजी शेरबहादुर बस्नेत, एसपी भोजजंग शाहलगायत त्यहाँ बिनाकाम दिन कटाएर बस्ने गरेको बताइन्छ । त्यहाँका अधिकांश कर्मचारीको दिन सपिङ गरेर र मोबाइलमा गेम खेलेर बित्ने गरेको छ ।

Leave a Reply

Your email address will not be published. Required fields are marked *

... र यो पनि ...

चक्रपथ

३ नम्बर प्रदेशमा संविधान दिवसको भव्य तयारीे

ShareTweet काठमाडौं । संविधान दिवसको अवसरमा ३ नम्बर प्रदेश सरकारले विविध कार्यक्रमहरू गर्ने भएको छ । सोमबार प्रदेशका मुख्यमन्त्री डोरमणि पौडेलको संयोजकत्वमा दिवस- ...
पूरा पढ्नुहोस्

स्रष्टा र सिर्जना

तिमी कहाँ सुरक्षित छौ ?

ShareTweet कुनै महिलाका निम्ति सुरक्षित ठाउँ कुन होला ? घर, विद्यालय वा सार्वजनिक स्थल ? केही दिनपूर्व वीरगन्जकी एउटी किशोरीको अनुहारमा दुई किशोरले एसिड छ्यापे । एकान्त- ...
पूरा पढ्नुहोस्

नयाँ पुस्तक

प्रेममा तरंगित सिर्जना

ShareTweet युवा–सर्जक हरिराम पौडेलको गीति–सिर्जना प्रेमका कोमल अनुभूतिहरूका खानी हुन्, सायद । किनभने, प्रेमका अनगिन्ति आवाजहरू उनका गीति–लेखनमा सहजै र सर्वस्वीकृत- ...
पूरा पढ्नुहोस्

छोटकरीमा