17th August 2019, Saturday

E-budhabar
Header Right Side NTC Advertisement

यसरी हुदैछ नेकपामा नेताहरूको कार्यविभाजन



काठमाडौं । नेपाल कम्युनिस्ट पार्टी (नेकपा) ले केन्द्रीय नेताहरूको कार्यविभाजनको अन्तिम तयारी गरेको छ । १ सय ४७ सदस्यीय पोलिटब्युरो गठनलगत्तै ४ सय ४१ केन्द्रीय सदस्यहरूको कार्यविभाजन हुनेगरी केन्द्रीय सचिवालयका तर्फबाट अध्यक्षद्वय केपी ओली र पुष्पकमल दाहाल ‘प्रचण्ड’ले अन्तिम गृहकार्य गरिरहेका छन् । तर, सबैको एकैपटक सम्भव नभए पहिलो चरणमा केन्द्रीय सचिवालय र स्थायी समितिमा रहेका नेताहरूलाई केही महŒवपूर्ण विभागहरूको जिम्मेवारी दिइने नेतृत्वको सोच रहेको बताइएको छ । ओली र प्रचण्डले कार्यविभाजनबारे पटकपटक छलफल गरे पनि वरिष्ठ नेता माधवकुमार नेपालस“ग भने छलफल भएको छैन । वरिष्ठ नेता नेपालस“ग छलफल भएपछि सचिवालय बैठकमा प्रस्ताव लैजाने तयारी छ । त्यसअघि पोलिटब्युरो गठन गर्नेगरी गृहकार्य भइरहेको छ । पोलिटब्युरो गठन टुंग्याउन गत ५ गते बैठक बोलाइएको भए पनि आन्तरिक गृहकार्य नपुगेको भन्दै बैठक स्थगित भएको थियो । प्रधानमन्त्री केपी ओली धादिङ, वरिष्ठ नेता नेपाल दाङ, अर्का वरिष्ठ नेता झलनाथ खनाल इलाम गएका कारण ६ गते पनि सचिवालय बैठक बस्न सकेन । अब थप गृहकार्य गरेर मात्र बैठक बोलाउने नेताहरूको तयारी छ ।
नेकपाभित्र ३२ वटा केन्द्रीय विभाग छन् । सचिवालय र स्थायी समितिका नेताहरूलाई विभागको जिम्मेवारी दिने तथा पोलिटब्युरो सदस्यहरूलाई जिल्ला इन्चार्ज र केन्द्रीय सदस्यहरूलाई सहइन्चार्ज बनाउने मोटामोटी समझदारी छ । खासगरी विदेश विभाग, संगठन विभाग, पार्टी स्कुल विभाग, प्रचार विभाग, आर्थिक विभागजस्ता महŒवपूर्ण विभाग तत्काल गठन नहु“दा पार्टीको दैनिक कार्य सञ्चालन नै प्रभावित बनिरहेको छ । ती विभागहरू सचिवालयकै नेताहरूलाई दिनेगरी छलफल चलिरहेको बुझिएको छ । जिल्लामा एकजना इन्चार्ज भए पनि दुई जनासम्म सहइन्चार्ज बनाएर सबैलाई जिम्मेवारी दिने नीति अख्तियार गरिने बताइएको छ । त्यस्तै, कतिपय जनसंगठनहरूमा पोलिटब्युरो तहकै नेताहरूलाई जिम्मा दिएर सहइन्चार्ज तोक्ने तयारी छ । किसान महासंघमा सचिवालय सदस्य वामदेव गौतम नै अध्यक्ष रहेकाले विभागीयभन्दा उनलाई त्यही“को इन्चार्ज बनाउने तयारी भइरहेको बताइएको छ ।

Leave a Reply

Your email address will not be published. Required fields are marked *

... र यो पनि ...

चक्रपथ

कसले लग्यो गैंडाको खाग र बाघको जुँगा ?

ShareTweet काठमाडौं । सिंहदरबारस्थित पुरानो प्रधानमन्त्री तथा मन्त्रिपरिषद् कार्यालयको बेलायती बैठकमा सजाइएको अखेटपहारहरू हराएपछि त्यसको चोरी गर्ने चोरको खोजी- ...
पूरा पढ्नुहोस्

स्रष्टा र सिर्जना

नगुन्जिएको एउटा जिन्दगी

ShareTweet ‘वैरीहरू आफ्नै कुकृत्यहरूले उदांगियून् आफ्नै मुर्खतापूर्ण प्रयासले पराजित होऊन् हास्यास्पद तर्कहरू न्यायले शान्तिले समानताका गुञ्जले गुञ्जित होऊन्- ...
पूरा पढ्नुहोस्

नयाँ पुस्तक

जातीय विभेदविरुद्ध अडिग

ShareTweet नेपाली समाजलाई परिवर्तनको लहरले स्पर्श गरे पनि जातीय विभेद र छुवाछुतका प्रकरणमा भने अझै पनि संकुचित र निर्मम नै प्रतीत हुन्छ । आधुनिक विकास र परिवर्तनका- ...
पूरा पढ्नुहोस्

छोटकरीमा